..^.. كـيـكـة الـبـسـكـوت ,, لذيذه ولا تفوتكم ..^..

الدره · 22-10-2004, 02:26:05 PM

مقادير الكيكة

1 وربع كوب بسكويت مطحون ( انا عن نفسي خلطت بين البسكوت العادي والدايجستف
عشان يطلع لها طعم أحلى واذا كل دايجستف تطلع دسمة شوي)
1/2 كوب ماء
1/2 كوب زيت
1/2 كوب سكر مطحون
2 بيض
1م ص b.b
1م ص فانيليا

مقادير الخلطة العلوية

2كوب صغير حليب نيدو بودرة
2كوب صغير سكر
1 كوب صغير ماء
2 حبة جبنة كيرى

الطريقة

نخلط مقادير الكيكة جيدا بالخلاط ثم يصب فى صينية زجاج صغيرة ويدخل الفرن لمدة 25 دقيقة على 140 درجة
بعد ذلك نخرجة ونتلركة يبرد لمدة 10 دقائق
ثم نخلط مقادير الخلطة العلوية بالخلاط ونضعها على النار ونحركها جيدا لمدة 3 دقائق ثم نصبها على الكيكة
بعد ذلك من الممكن ان ترشى عليها نسكافية
او من الممكن ان تضعى بضه نقاط من شيكولاتة هيرشة وتحركيها مع الخلطة البيضاء تعطيك منظر رخامى راااااااائع

منقولة ومجربه ومضمونه ان شاء الله

والصراحه صورتها بس الصوره مش ولا بد يعني

بس لذيذه ولا تفوتكم

شـــوق · 22-10-2004, 11:36:38 PM

مرحباااا وغلا بوخيتي

بنت الفريج

تسلمين اختي وماتقصرين...

بس بخصوص..

اقتباس:

1م ص b.b
1م ص فانيليا

شنو يعني؟!

م ..يعني مليمتر ولا شنو؟!

ص... يعني يمكن صوص !

انزين b.b من ولده هااااي!

ياريت الاقي توضيح!

ومشكوووووووورة على الطريقة

الدره · 22-10-2004, 11:43:23 PM

يا هلا الغاليه شواقه

تسلمين على مرورج وردج ..

وبخصوص الــ

1م ص b.b = واحد ملعقه صغيرة بيكنج باودر

1م ص فانيليا = واحد ملعقة صغيرة فانيليا

والسموحه على القصور

زهره البنفسج · 22-10-2004, 11:48:08 PM

هلا وغلا باختي الغاليه بنت الفريج

ااااااااااااااااااااااااه شعندج كل يوم طبخه جديده...

ما شاء الله عليج انتي الي صايره شيف المنتدى...

ما قصرتي ووصفه يبين عليها لذيذه اسويها باجر واخبرج ان شاء الله..

اما عن شوق الله يعينج عليها ترا كلش ما تعرف شي..احس اني بيجيني... في حد ما يعرف املعقه صغيره بيكنج بودر بالمختصر شكلها ما تقرا كتب نهائيا ..كسرتي خاطري شوقو..

العيووون · 22-10-2004, 11:51:58 PM

مرحبا اختي بنت الفريج

تسلم الايادي على الطريقــه

وان شاء الله بنخلي غيووم تجربها وتقولج راينا

والله يعطيج العااافيه

شـــوق · 23-10-2004, 12:05:24 AM

انا اصلا ما اقرى واطبق من كتب!

اهنيـــــــــه الخبرة تلعب دور!

ويعني كلام المدارس هذا مانتعامل وياه!

يعني بالعربي الابداع يكمن في الابتكار !

زهره البنفسج · 23-10-2004, 12:26:28 AM

ماب راده عليج يا شوقو...لانا في رمضان وبحتسب الاجر..وبعد حاطتلي موضوع تهنيني فيه ما اقدر اقول لج شي...

جرح القمر · 23-10-2004, 12:58:08 AM

هلا بنت الفريج...

تسلمين على الوصفة...شكلها لذيذة..

ان شاء الله بجربها..

من زمان ادور سويت حلو اسويه...جيتي بوقتج..

الله يعطيج العافية..

تحياتي..

gheyoom · 23-10-2004, 02:06:23 AM

اقول شيف

تعلمين الناس غلط انتي

اسمه b.p = بيكنج باودر

مو b.b

عشان تعرفين ان عندي خبره في الطباخ

يسلمووو بعد جبدي على الطريقه

ونطريني اجربها

seniourita · 23-10-2004, 02:20:51 AM

تسلم هالايادي

ياحركات انتي

انشاءالله نجرب الكيكه ونعطيج راينا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع: