 |
 |
|||||||||||||||||||||||||
 |
 |
 |
|
|||||||||||||||||||||||
 |
 |
 |
 |
 |
|
|||||||||||||||||||||
 |
 |
|
||||||||||||||||||||||||
 |
 |
 |
 |
|
||||||||||||||||||||||
 |
 |
|
||||||||||||||||||||||||
 |
|
|||||||||||||||||||||||||
 |
 |
 |
 |
 |
 |
 |
 |
 |
 |
 |
|
|||||||||||||||
 |
 |
 |
 |
 |
 |
|
||||||||||||||||||||
 |
 |
|
||||||||||||||||||||||||
 |
|
|||||||||||||||||||||||||
 |
 |
 |
 |
|
||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||||
|
|
|
|
|
|||||||||||||||||||||||
|
|
|
|
|
|
|
|||||||||||||||||||||
|
|
|
|
||||||||||||||||||||||||
|
|
|
|
|
|
||||||||||||||||||||||
|
|
|
|
||||||||||||||||||||||||
|
|
|
|||||||||||||||||||||||||
|
|
|
|
|
|
|
|
|
|
|
|
|
|||||||||||||||
|
|
|
|
|
|
|
|
||||||||||||||||||||
|
|
|
|
||||||||||||||||||||||||
|
|
|
|||||||||||||||||||||||||
|
|
|
|
|
|
||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||
|
|
|
|
|
|
|
|
||
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
 |
|
|
LinkBack | أدوات الموضوع | تقييم الموضوع | طرق مشاهدة الموضوع |
28-09-2008, 05:05:43 PM
|
رقم المشاركة : 2 (permalink) | |
|
 كح كح عطوني المكرفون لو سمحتوا  بسم الله وعلى بركة الله طبعاً مثل ما البعض عارف ان كانت وجهتنا هالسنه صوب استراليا وما تم حد ما سألناه عنها وعن سياحتها والحمدلله قررنا وعزمنا ,, وفي شهر ( 8 ) سافرنا لها الحمدلله انه اطلعت بلاد خوش فله ,, واهم شي فيها كان الجو البااارد صج حسينا ان غيرنا جو ,, و كسرتوا خاطري انتوا لانكم قعدتوا فالحررر وفي زحمة دوار الستي المسكر  عالعموم حبينا كـ مجموعة تتكون من ( اباتشي ، لوبيز ، مداوي ، السنوعي ، الشبابي ، كرستيانو ، انا ) انكم اتشاركون اجواء السفره بـ عرض بعض الصور اللي القتطناها من هناك وطبعاً بـ نبتدي فـ سدني لانها اول مدينة نزلناها و عشان تكونون على بينه , الكل استاء من استراليا ككل في اول الدقايق في مطار سدني وذلك لسوء المعاملة و الزحمة الكبيرة اللي كانت في المطار بس الحمدلله يوم وصلنا تبين لنا عكس هالشي ,, لان شفنا شعب حبوب ويحب يساعد والضحكه ماتفارقهم  يلا انبلش في الصور فالبداية هاي فندقنا  فندق حلو ,, ويقع في الماركت استريت ,, وهو يبعد ربع ساعه عن البحيره ومكان التجمع وطبعاً اول ما وصلنا وبدلنا وحطينا اغراضنا  شوفوا السنوووعي شيسوي ؟!! يجيك على القطيه ,, ويشوف من اللي تهرب ومادفع  بس عقب قالنا الحمدلله كل شي تمام والكل قرقش قبل الطلعه و بما ان الشباب يواعه ,, و البطن كان من اولويات هالسفره فـ حبينا ان نترس بطونا وبعدين انتفرغ حق الرحلات وكاااان نصيب الشبابي من هالصوره  وقول بعدين ابي اضعف   رووووح يالمحظوظ ,, كل انواع الصوالين حطها في صحن واحد اباتشي مب بطن عليك  ومن ضمن الرحلات و الجداول اللي كان راسمها لنا المايسترو لوبيز حديقة مائية وفيها كل شي يعيش فالبحر اول ما دخلنا انا تفاجأت الصراحه من هاللقطة  هنديات واصلين اهنيه اكيد رياييلهم مهندسين فالمؤسسة عندنا  والا من وين لهم فلوس يوصلون اهنيه  هاه , وينكم للحين معاي فالموضوع انتوا ؟! سلموا عليه مسكين ماقصر يوم شافكم طلع من الماي  هالصورة اتركها حق اكاديمي يشرحها لكم  واهنييه شي اول مرة انشوفه عالطبيعه حدنا انشوفه في سينما الخليج قبل  وهااااي حلجه واظروسه  واااااااو شااااارك مب احسن لنا لو منكسره الجامه وانهد علينا   من اقوى ،، الشارك والا التمساح وهالسفينة اباتشي قص علينا وقال لنا انها هي اللي اكتشفت استراليا واحنا على طول قلنا ( اييييه والله قديييمة وااايد )  وفي الليل انتمشى في شارع على البحر نسيت اسمه و هالشارع فيه مجمعات و مطاعم وقهاوي و العاب و طراريد و يخوت وكل شي وهاي بعض اللقطات له   ومن ضمن الرحلات ,, كانت رحلة ركوب الهلكبتر   كانت خوش مغامرة ,, ونااااسه واحنا انشوف العالم من فوق يتبع |
|
    
|
|
28-09-2008, 05:06:19 PM
|
رقم المشاركة : 3 (permalink) | |
|
|
كانت خوش مغامرة ,, ونااااسه واحنا انشوف العالم من فوق  وهاي بعض اللقطات اللي خذناها من فوق   منظر عام لسدني من فوق الهلكبتر  وهااي الملعب اللي بيفوزون فيه استراليا لين لعبنا ضدهم  وهاااي جسر استراليا وقالوا لنا اذا تبون اتسلقون عليه تقدرون بس يأخذ 3 ساعات كنا بنروح بس لاسباب الجو تكنسل  و لاحظنا في هالسفرة ان في استراليا يحبون الحيوانات ومعظم رحلاتهم لازم انمر على حيوانات  من النمله لييييييييييييين الفيل  وطبعاً هاذيه له نصيب الاسد من التواجد عقبه  الكوالا ,, بس كله رقاااااد مادري اشلون صدنه هاي وهو ياكل و خبركم ما شفنا خير احنا  الشبابي و السنوعي اشوي و يزنطون له وما هدوه الا يوم رقص لهم    وانا اهنيه ااكله ,, خلكم عاد انتوا روحوا اكلوا البط في حديقة الحيوان فالعيد و نوع من انواع الكناغر وهم البيض  و احلى شي لين اتشوف شي عمرك ما شفته  طاووس ابيض وبينما كنا في غفله من امرنا تفاجأنا بالسنوووعي وهو يلاحق نعاااامه  الصراحه كلنا وقفنا انشوفه نبي انعرف اشكان يبي يسوي ولين يومكم ماعرفنا بس كان قاااسي عليها  ولـ عشاق ( ليون كينغ )  تيمون والشي العجيب للاماااام سر ,, عساكر يايين في الطريج  بطاريق ,, كيييييوووووت و الشاطر يطلع ويه هاي  يتبع |
|
|
|
|
28-09-2008, 05:07:54 PM
|
رقم المشاركة : 6 (permalink) | |
|
|
واللحين مع المدينة الثانية جولد كوست الصراحه شي ثاني ,, وهي احلى منطقة في استراليا حشره وحياه ثانيه ,, غير عن سدني اللي انحس انها كانت عمليه واللي فيها بسرعه يمشون و جولد كوست معروفه انها على البحر وهاي بعض اللقطات لها    واهنيه صور من داخل شقتنا وتعتبر اطول برج في جولد كوست اسمها شقق Q1  صالتنا اول ما وصلنا ,, طبعنا كانت نظيفة عكس اول ما خذذنا راحتنا وصخه والتلفزيون مايتسكر وما تفضى من اللي فيها  مطبخنا ,, واهم شي كورنفلكس بونمر حق الصبح قبل الرحلات ومن الرحلات اللي تبقى بالذاكرة هي ركوب المنطاد وطبعاً القعده كانت قبل ماتطلع الشمس من الصبح والويوه امنفخه  اهنيه اول ما وصلنا مكان اقلاع المنطاد انفخوا نفاخه و هدوها عشان يشوفون اتجاه الريح لان مانبي نوصل قطر واشناطنا في الشقة  وعقب ما صادوا السالفة واحنا امبطلين احلوجنا وماندري شسالفة نزلوا الباسكت اللي بنقعد فيها   السنوعي و لوبيز ينفخون المنطاد  وعقب ما انفخ المنطاد ,, وكل شي كان سليم تحت سيطرة السنوعي ركبنا داخل  وعقب دريولنا عطاه النار عشان يرتفع وناخذ لفه على جولد كوست  |
|
|
|
|
28-09-2008, 05:08:37 PM
|
رقم المشاركة : 7 (permalink) | |
|
|
ونعطيكم بعض اللقطات من فوق المنطاد  شقتنا من بعييييد  مقابرهم ,, عسى الله يرزقنا حسن الخاتمه  عيال القريه يسلمون علينا ,, ونادوا العايله كلها عشان يشوفونا وعقب ما خلصنا من اللفه ,, ونزلنا من المنطاد ودونا وريقونا وعطونا شهادات ركوب المنطاد عشان انسوق اول منطاد في قطر عن الزحمة   وكانت من اونس الرحلات اللي في جولد كوست هي الملاهي اللي انحرمنا منها في سدني   يالله حيه بدر و انيس وين يايين اهنيه انتوا و  وفي كم ملاهي بعد غيرهم ,, بس احلى شي ( موفي ورد ) ومافي قطار موت ما ركبنا الا لعبه وحده اركبوها بس ( اباتشي ، كرستيانو ، الشبابي ) حاربوا الخوف واركبوها احنا الصراحه اعتذرت عن الركوب الا وهي هاذي  واخشن قطار موت ركبناه في حياتنا وبشهادة الجميع هو هااااي  واهنيه وحدة من الالعاب الخطرة خصوصا ان ريولنا كانت مهدوده   شدت ع السنع عند اباتشي وانبطح يضرب جيك حق سيارة باتمان ومن الالعاب اللي اترطخ الواحد بالماي  وكان من احلى الامكان واللي الواحد يتشرف انه راح لها وخصوصاً انه يشوفها في ابعد البلدان في العالم رحنا صلاة اليمعه وصلينا في مسيد يبعد حول نص او ربع ساعه من شقتنا  فعلاً اجواء روحانيه ودينيه الواحد يفتخر ويرفع راسه انه ينتمي لدينا الحنيف خصوصاً انه يشوف مسلمين من كل انحاء العالم وياه في نفس المسيد ومتمسكين في دينهم رغم الضغوطات اللي يواجهونها عسى الله يثبتهم يا رب ويزيد من عباده المسلمين واخيراً لازم انروح صوب  وخروا عني ,, اجيك ع الكورة اللي بتييب لي اكسات  السنوعي يحذف الكورة تحت مراقبة من المتصدر لـ الجيم مداوي |
|
|
|
|
28-09-2008, 05:09:39 PM
|
رقم المشاركة : 9 (permalink) | |
|
|
واللحين المحطة الاخيرة من رحلتنا الى استراليا وهي مالبورن ,, مدينة هادية و باردة وتصلح حق التسوق كلها ماركات عالميه    وكانت من اهم مخططاتنا لـ مالبورن هي رحلة الثلج  شوفوا الثلج ويييييييين رايحين له  الثلج امغطي السيايير عندهم وهاذي بعض اللقطات لـ المنطقة الثلجية     واهنيه زاد علينا الثلج ( السنو )    وبس هاي كل اللي عندنا في استراليا ,, انطرونا مع تقرير و صور ( تايلند , سنغافورة , ماليزيا ) اتمنى ان هالتقرير المتواضع ينال على اعجابكم آآآخ تعبت فمان الله توتي |
|
|
|
|
28-09-2008, 05:20:07 PM
|
رقم المشاركة : 10 (permalink) | |
|
اسمله عليك اخوي توتي ويعطيك الف عافيه على التقرير الطيب...واهم شي استانستوو.. الله يهداهم ربعنا لا قلنا لهم رووحو شرق..قالو لااااا والف لا.. كله يبوون اوروباا  وان شاء الله الصيف الياي نغــير وجهتنااا والظاهر مداوي كسر راسكم ف البولينغ  وبعدين الله يهداكم مسافرين اخر الدينا وضرب عيووش..صج قطريــين ف حفظ الرحمــن |
|
|
|
● ● حــيــاكــم سـفـرتـنـا ( اسـتـرالـيـا ) ● ●
