هلا اخوي راؤول
بخصوص الفنادق في المنطقه الي طلبتها ادخل هل موقع

فنادق كاميرون هايلاند Cameron Highlands Hotels

فيه 4 فنادق المعروفه هناك ووحده منهم فوق الجبل وفيه صور للغرف والاسعار ومعلومات عن كل فندق
ان شاءالله يفيدك

مرحبا اخوي راؤول

بخصوص انك تروح وترجع في نفس اليوم مانصحك فييها صرااحه نحن كنا بنسوي هالشي لكن اخوي قال بنبات ليله وبنرجع والحمدلله انه حجزنا في فندق بصرااحه لين تصعد قمة الجبل وين المزاارع يباالها قوة صبر وتحمل لأنه المسافه مب شوويه يعني بتوصلون القمه وانتو في قمة التعب نحن وصلنا على قرب المغرب ورحنا الفندق للرااحه ابد ماكان فينا حييل نطلع مكان وبالباجر الضحى تقريبا طلعنا من الفندق ومرينا المزاارع وبعدها رجعنا للعاصمه يعني الرجعه اهوون بوااايد من الصعده

بس مادري عنك والله في ناس اقرا في تقاريرهم يروحون دقه ورده في نفس اليوم بس يمكن نحن لأنه كنا عايله ما قدرنا وهلكنا من الدرب لأنه راكبين باص وكان بطيئ تقريبا في المشي مثل ما تعرف يعني ممكن لو خذت سياره عاديه تكون رحلتك ثلاث ساعات بسس

بس بقوولك بااتوا لييله استمتعوا في الجوو لأنها حتى ابرد من الجنتنق وبتحسون برااحه نفسيه لأنه المنطقه هااديه

وان شاء الله اكوون افدتك

واي سؤال في خاطرك حاضرييين

الحمد الله رجعنا بالسلامه

واشكر ( بوصالح ) على تقريره اللي نفعني بشكل مايتصور


رحت للكامرون . الجو عجيب بس تعبت كثير , ومرضت يومين

4 ساعات رايح وتميت اهناك 7 ساعات و 4 ساعات راد للفندق

.
.
.

هلا الوكراوي

التقرير , للأسف صورت عشوائي , يعني موب مثل بوصالح
وهو في الطياراه يصور ,



إحتمال اسوي اتقيرير ( مصغر تقرير )

بس للأسف ماوديت معاي الكاميره يوم رحت للكامرون

مراااحب يالغالي

والحمدلله ان التقرير فادك ... وهذا العشم من التقرير

وعقبال ما يكون التقرير السويسري دليلك لها فالمستقبل


عموما ... الله الله بالتقرير ولا التقيرير

والحمدلله على سلامتك

ماتشوف شر يا راؤول ..

ماوديت كيمرا يعني صورت بالجوال .. اهاااا زين وين الجوال

جوالي يسلم عليك , وهو يقضي حالياً شهر العسل في كولالمبور