قصيده:الله يعينك يا المواطن على الصيف

الحارث · 16-07-2008, 05:25:06 PM

شعر/ سالم بن عريج آل شافعه

الله يعينك يا المواطن على الصيف
الجو حامي والموارد كسيفه
منته من اللي ما يحسب المصاريف
أكبر همومه وين يقضي مصيفه
متحيّري ما بين باريس وجنيف
وإلا يوجه للديار المريفه
يقضي الاجازه في ديار على الكيف
الجو بارد والشوارع نظيفه
وإلا أنت خلك للشقا والتكاليف
حر وعجاج وكهرباكم ضعيفه
ما عاد ينفع حركم فيه تكييف
حتى المساء ما فيه نسمه لطيفه
إن جيت تبغي تخفف الهم تخفيف
ما به مكان يسلي النفس طيفه
إن جيت تبغي البر ما به مشاريف
هذي شبوك وذي مواقع قذيفه
وإلا البحر ما عاد يطرأ ولا شيف
من دون شوفه المباني المينفه
والمجلس اللي مدهل الجار والضيف
منصي الرجال أهل النفوس الشريفه
من عقب ما يدرج به العود والكيف
ويكرم به الرجال لا جاه ضيفه
حامت عليه من الحكومه جراريف
حتى تساوي بجلسه مع رصيفه
وأصبح عليه الحر وسود الصواديف
وأهل الجشع مخاشرينه رغيفه
مدري حسد مدري جشع يا الربع كيف
كيف المواطن ذي حياته كسيفه
هذي حقيقة جبتها بالتواصيف
اللي رضا بالوضع وإلا بكيفه

من بريدي

بـوصـالـح · 17-07-2008, 12:11:23 AM

صح الله السان قايلها وناقلها

راؤول الوكرة · 17-07-2008, 01:11:08 PM

صح الله لسان شاعرنا او بالاحرى ولد عمنا بو عبدالرحمن

يعطيك العافيه يالحارث على القصيده

الحارث · 17-07-2008, 02:56:35 PM

بوصالح

راؤؤل

الله يعافيكم
مشكوريين على المروور

اللاعب المخضرم · 17-07-2008, 10:28:53 PM

صح السانك يابومحمد وصح السان قايلها ..

يعطيك العافيه يالغالي

rayyani007 · 18-07-2008, 02:38:31 PM

صح السان قايلهاا..ولاهنت اخوي الحارث على النقل...

الحارث · 18-07-2008, 06:23:14 PM

الاعب المخضرم

ريانيي007

ويعطيكم العافيه على المرور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::