ما شاء الله ،، انا عبالي بس فالرسوم نقدر انشوف هالمناظر

الصراحه ماتوقعت ان في جي فالحياة الصجيه

بدعت بدعت من قللللللللللللب ،،

بدعت في السفره بدعت في التصوير بدعت في الشرح ،، في كل شي كل شي

[ رقمك عشره وتصويرك عشره وسفرتك عشره و انت عشره على عشره ]ٍ

انت من صجك قدرت تقعد في الدوحة عقب هاي اللي شفته هناك ..!

الصراحه المكان خيالي للغايه ،، هاي بس حق راحت الباااااال
تنسى العربي وطوايف العربي هناك

تسم يدك ع التصوير ،، ومشكور على هالموضوع اللي يرد الروح

كثر من هالسوالف عشان احبك زياده

فمان الله
توتي

علالالاوي . .

مشكووور عزيزي ع المرورد والرد . .

وشوف جواباتي ع سؤالاتك تحت



1- السفره تقريبا كم كلفتك من بدايتها لين نهايتها مع التسوق عشان انعرف هل حياتهم غاليه ولا لا؟
والتذاكر شلون وعلى اي خطوط وشلون خط الرحله تنزل ترانزيت مكان ولا في دايركت ؟


الحمدلله . . ما كان في سوق . .

والفندق كان في محلين .. مجوهرات وهذا طبعا ً مب محله . .

ومحل التذكارات ما كان فيه شيء مشجع . .

والمكان كلش مب مكان سوق اللهم إلا إذا بتشتري اشياء تذكارية . . واظن ارخص لك تشتريها من المطار لأن اسعارهم معقولة نوعا ً ما . .

أما بخصوص تكاليف الرحلة . .

فتقريبا ً كلفت 40 الف بالكامل . .


أولا ً : التذاكر

عندك القطرية تروح دايركت يوميا ً على ما اظن . .

وعندك ايضا ً الاماراتية . . لكن انتبه ع الاماراتية لأن عندهم رحلات تنزل كولمبو وتبدل الطيارة تركب على السريلانكية . .

أسعار التذاكر ع القطرية ايكونومي كانت بـ 3500 ريال تقريبا ً ..

والبزنس اللي خذت عليه كان بـ 6000 ريال . . وهذا ارخص سعر لقيته . . اما باقي الرحلات اللي شفتها كانت اسعارها من 6500 وطالع . .

وهني نقطة مهمة احب انوه عليها . . لازم تتأكد إذا الفندق تروح له بالطيارة المائية أو بطراد . .

لان الطيارة المائية ما تطير إلا بالنهار . . فلازم تضبط امورك على اساس توصل في وقت يسمح لك بالطيران على طول على الفندق . .

وفي حالة وصلت بالليل على فندق يستخدم الطيارة المائية . . ممكن يضبطون لك سكن قريب من المطار بالليل . . لكن طبعا ً كل شي بحسابه . .

تبي الصج عاد الطيارة هذي بروحها تجربة

السكن . .

الحجز اللي خذته كان لفيلا مائية عادية وما قصروا سوولي ابجريد للسبا ووتر فيلا . .

واظن والله اعلم ان الابجريد كان لمنحنا اكبر خصوصية بما انهم شافونا مسلمين . . لان الفندق ما كان فل حزتها . .

السعر كان تقريبا ً 4300 في الليلة . . شاملة الافطار والتنقل من وإلى المطار . . الرحلة بالطيارة المائية تكلفك تقريبا 300 دولار للشخص ذهاب وعودة اذا ما كانت انكلودد في السعر


المطاعم . .

المطاعم العادية تقريبا ً العشاء او الغداء لشخصين بين 150 - 200 دولار . . إلا السي فود غالي يمكن يوصل 400 دولار

السناكس في الكوفي شوب أرخص بين 50 - 100 دولار

أما الضربة القاضية فهي في المطعم اللي تحت الماي . . 650 دولار لشخصين . .

والعشاء الخاص 550 دولار بس يختلف على حسب المينو بس اظن يظل على هالحدود . .


الأنشطة المختلفة معظمها بين 50 الى 300 دولار . .

طبعا في رحلات كنسلناها بعد التجربة الأليمة

مثلا . . زيارة الى قرية محلية . . رحلات الى جزر مختلفة . . رحلة مشاهدة الدلافين . . الخ

فيعني الصرفية هناك تعتمد انت وانشطتك . .

وعندي لستة الانشطة اذا تبي ممكن احطها لك عشان تشوف الاسعار . .

2- انسب وقت اتسافر فيه يعني الجو؟
شهر 12 شلون ؟ ادري بيكون زحمه بس انا اجازتي هل سنه هل وقت

ابتعد عن الفترة بين نص 12 الى نص 1 . . وفترة الايستر . . وانت عارف ما يحتاج اقولك . .

بس من ناحية الجو اظن 12 مناسب جدا ً . . ابتعد عن شهر 6 عن العواصف والمطر . .

3- اشوف اتصور في المكان والفنادق والمطاعم براحتك ماشوف ناس
هل المكان وقتها كان فاضي يعني هل وقت من السنه الزحمه قليله ولا انت تنطر لما بيفضى وتصور

هو الحقيقة كان في ناس لكن مع هذا ما تحس أبدا ً ان المكان مزدحم بطريقة مزعجة . .

4- ليحين مع الكانون ولا غيرتها ؟

للحين معاها . . قاعد اطلع قيمتها

5- جوهم بشكل عام شلون ؟

هممم . . بصراحة ما كان وايد حر يمكن لأن أغلب الوقت الجو مغيم فما في شمس . . في رطوبة بس ما تحس فيها وايد . . حقيقة كان حلو ما عدا الامطار اللي تخرب . .

6- ماشفنا صور اسواق فهل يعني ان المكان فقط للطبيعه والبحر والمطاعم
يعني هل كل هل صور والمرافق الي شفنها تبع الفندق
بالعربي يعني لو حجزت في نفس المكان هل راح تطلع من المنتجع ولا الي فيه يكفيك وزياده

مثل ما قلت . .الفندق هو الجزيرة والجزيرة هي الفندق . .

وكل جزيرة بعيدة عن الثانية فلا تفكر انك بتروح مكان ثاني إلا برحلات الفندق . . يعني السفرة كلها تعتمد على الفندق . . اذا الفندق مب شي بتخترب السفرة كلها . .

والســوق . . انســــــى من قلب . .

ههمم بس هاي الاساله ولين اكلمك ولا اشوفك عندي كم سؤال بعد بالتفاصيل


حاضرين لك واي سؤال ممكن تحطه هني عشان الكل يستفييييييييييييد


تحياتي

توتي . .

ياخوي والله قاعدين تحرجونا بهالمدح

بس خلني اصور الحفريات في الدائري الرابع ع الحفريات اللي عند الستي على زحمة الكورنيش بالليل . . بشوف اشلوب بتحبني . .


ويعطيك العافية على مرورك والرد الكريم ..

وفي انتظار تقرير سفرتكم القادمة ومغامراتكم اللي مالها حلللل . .


تنحياتي

يعطيك العافيه يالسلطان باشه
اسعار الاكل نار شوي شكل السفره كلها راحت على الاكل هل 40 الف لوووول
يعني 12 تقريبا التذكره وقول 15 مع الرحلات الداخليه وغيره
باقي 25 الف 5 ليالي حول 21 او 22 الف

يعني 3 او 4 حق الاكل خخخخخخخخ

عاد اكلهم شكله مايشبع شوف الصحن في الصور شكبر وشوف الاكل شكثر فراغات وايد

وبخصوص جدول الانشطه والاسعار لو ممكن حطه عشان انشوف وناخذ فكره

واذا تبي اساله زياده اهم سؤال في بالي
الخصوصيه نفس مااحين سالتك على ايميل الدوام
( ترى انا والسلطان الحين سوالف على ايميل الدوام امسوين جات ماعندنا مسنجر .. بس ماقلتي لي رايك في منيو الغدا الي طرشته لك ايش رايك في غدانا اليوم خخخخخخخ)

بخصوص الخصوصيه فهل تاخذ راحتك في الفيلا
وهل تحتوي حمام سباحه خاص
والبحر شلون
والرحلات الي تاخذها هل ممكن اتكون برايفت لك ولزوجتك بس ولا ناس يملغون عليك ويجون

بعدين اعترف لليث وقوله يقدر يروح ولا لا تنصحه بشده عيل ها خخخخخخخخخ

ننتظر جدول الأنشطة ..



وأركز على مسألة الخصوصية ..



هل الأنشطة بتكون خاصة أو لا ..


وهل سعر الفندق شامل تذكرة الطيارة المائية (300 دولار) ولا تدفع سعر التذكرة بروحه؟

يعطيك العافيه يالسلطان باشه
اسعار الاكل نار شوي شكل السفره كلها راحت على الاكل هل 40 الف لوووول
يعني 12 تقريبا التذكره وقول 15 مع الرحلات الداخليه وغيره
باقي 25 الف 5 ليالي حول 21 او 22 الف

يعني 3 او 4 حق الاكل خخخخخخخخ


الله يعافيك . . التذاكر 12 الفندق 17 والباقي ع المصاريف هناك . . ومن ظمنها الاكل خخخخخخخ


عاد اكلهم شكله مايشبع شوف الصحن في الصور شكبر وشوف الاكل شكثر فراغات وايد

لا يشبع لان يجيبون لك اكثر من طبق فيعني تطلع وانت منتفخ . .

وبالنسبة للعشاء الخاص اخترت السي فود منيو وكان عبارة عن

لوبستر + اربع حبات ربيان كبيرة + صقوع + سمكة مادري شلون شكلها + 2 فيليه سالمون + 2 فيليه تونة

هاي غير المقبلات والشوربة والسويت . . لا تخاف بتشبع هناك خخخخخخخ

وبخصوص جدول الانشطه والاسعار لو ممكن حطه عشان انشوف وناخذ فكره

حاضرين بس انطر علي لما اروح البيت


واذا تبي اساله زياده اهم سؤال في بالي
الخصوصيه نفس مااحين سالتك على ايميل الدوام
( ترى انا والسلطان الحين سوالف على ايميل الدوام امسوين جات ماعندنا مسنجر .. بس ماقلتي لي رايك في منيو الغدا الي طرشته لك ايش رايك في غدانا اليوم خخخخخخخ)

فضحتنا

بخصوص الخصوصيه فهل تاخذ راحتك في الفيلا
وهل تحتوي حمام سباحه خاص
والبحر شلون
والرحلات الي تاخذها هل ممكن اتكون برايفت لك ولزوجتك بس ولا ناس يملغون عليك ويجون


الخصوصية والله حسيت في الفيلا اللي احنا فيها كانت لدينا خصوصية لكن مب 100 %
لكن بشكل عام مستواها مقبول . .

اما في الفلل العادية فلأنها متلاصقة بعض الشيء فيمكن الخصوصية تكون اقل . . وانت وجضك جنبك حد ما عندك حد . . نصيحتي تخبر الفندق قبل ما توصل وهم راح يتفهمون . . صراحة تعاملهم جدا ً جدا ً راقي . . افضل خدمة وما اعتقد لها مثيل ف العالم


بعدين اعترف لليث وقوله يقدر يروح ولا لا تنصحه بشده عيل ها خخخخخخخخخ

يا ريال خل يروح وينصدم . .

نقطة أخيرة ...


بالنسبة للي ما يحب السي فود .. شياكل هناك !!



ياخذ وياه قواطي تونه وجبن من الدوحة !!

هع

الله يفشلك وشو تونة !!

لا لا تخاف كل شي موجود لحم ودجاج وسي فود واللي بدك اياه يا زلمة

زين آخر سؤال :


الخمر موجود بشكل كبير؟


يعني بنلاقي سكارى ؟


وشلون مستوى التفصخ والعياذ بالله !!