السلام عليكم . .


نشكر الإدارة الكريمة على افتتاحها لهذا المنتدى السفري والسياحي الجديد . .

وان شاء الله نجد فيه الفائدة والمتعة مع استفسارات الجميع حول السفر والسياحة وما إلى ذلك . .

بس غريبة للحين ما شفنا موضوع سب في القطرية

عموما ً . .

هذا الموضوع خفيف وانشالله يعجبكم وهو عبارة عن مجموعة اسألة سياحية خفيفة للجميع . .


1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

2- ما هي أفضل دولة / سفرة ؟؟

3- ما هي أسوأ دولة / سفرة ؟؟

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

6- انت واحد ولا وحدة ؟؟ اذا وحدة روحي للسؤال 8

7- تفضل السفر مع الاهل أو الاصدقاء ؟؟

8- ما هو أفضل فندق سكنته ؟؟

9- ما هو أسوأ فندق سكنته ؟؟

10- ماهي شركات الطيران اللي جربتها ؟؟

11- افضل خطوط جوية؟؟

12- اسوأ خطوط جوية ؟؟

13- ماهي أسوأ رحلة لك بالطائرة وليش ؟؟

14- قول ( يعطيك العافية يالسلطان وفوقها 500 مليون ريال ) . .

15- تحياتي

وبما اني صاحب الموضوع فراح ابتدي بنفسي



1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

دول الخليج كلها ما عدا عمان . . مرات غير معدودة . .

مصر . . مرتين

الأردن . . مرة

فرنسا . . 4 مرات

إيطاليا وهولندا وألمانيا . . مرتين

النمسا وسويسرا وبلجيكا . . مرة

بريطانيا . . ثلاث سنين دراسة و تقريبا ً 12 مرة قبل وبعد

تايلاند والمالديف . . مرة

2- ما هي أفضل دولة / سفرة ؟؟

المالديف وإيطاليا . . تحديدا ً فلورنسا وفينيسيا . .

أيضا ً بروكسل جميلة جدا ً لثلاث أو أربعة أيام

3- ما هي أسوأ دولة / سفرة ؟؟

الأردن

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

همم تقريبا ً في ما مضى كان حلمي زيارة المالديف وايطاليا . . والحمدلله حققتهم . .

حاليا ً ودي اشوف استراليا وجنوب افريقيا . .

استراليا يمكن السنة الجاية . . لكن جنوب افريقيا لسه السكة طويييييلة

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

بالنسبة لي . . احب اتعرف على ثقافة البلد وتاريخه . . ومطاعمه بالتأكيد

6- انت واحد ولا وحدة ؟؟ اذا وحدة روحي للسؤال 8

7- تفضل السفر مع الاهل أو الاصدقاء ؟؟

إذا مكان اعرفه ( دبي / البحرين / لندن ) مع الربع حق العبط والوناسة . .

اما غيره مع الاهل . .

8- ما هو أفضل فندق سكنته ؟؟

هم ثلاثة كل واحد احسن من الثاني

كونراد المالديف . .

فور سيزونز بانكوك . .

وجراند هوتيل - فلورنسا . .

9- ما هو أسوأ فندق سكنته ؟؟

بلا منازع . . فندق راديسون ساس روما . . فندق تعبان وما يصلح للعرب والمسلمين كلش . . موقع وسط اوصخ احياء روما . . وتعامل تعبان . .

وأيضا ً فندق القطان في مكة قبل ما يسوون الابراج ودار التوحيد

10- ماهي شركات الطيران اللي جربتها ؟؟

القطرية ، البرتش ، لوفتهانزا ، الاماراتية ، الخليج ، KLM ، السعودية ، الكويتية ، طيران البحرين . .

11- افضل خطوط جوية؟؟

القطرية طبعا ً

12- اسوأ خطوط جوية ؟؟

KLM والسعودية والكويتية ، كل وحدة تقول ( الشيــن ) عندي !!


13- ماهي أسوأ رحلة لك بالطائرة وليش ؟؟

لو تذكرون أيام العج قبل سنة ونص . . كنت مسافر البحرين . .

وطول الرحلة الطيارة فوق تحت فوق تحت فوق تحت . . نصف ساااعة من الرعب لكن الله ستر !!

14- قول ( يعطيك العافية يالسلطان وفوقها 500 مليون ريال ) . .

الله يعطيني العافية ويرزقني

15- تحياتي

احلا موضوع

يعطيك العافية على هيك مواضيع .......

توكلنا على الله


1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

البحرين ..... وايد

السعودية ... وايد .. خيطتها من شمالها لجنوبها ...

الكويت ...... عشت فيها اكثر من سنتين دراسة .. ومخيط الطريق رايح جاي ....

الامارات .... وايد

اليمن .... مرتين

ايران .... مره

الهند .... مره

تركيا (( اسطنبول )) ... مره

سوسرا ..... مره

فرنسا .... مره

كندا .... مره

النمسا .... مره

المانيا .... مره

2- ما هي أفضل دولة / سفرة ؟؟

كل الدول وخاصة .....اسطنبول .. وفرنسا ..


3- ما هي أسوأ دولة / سفرة ؟؟

بعض سفرات الخليج ....

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

اليابان .... الله اعلم (( وشكله نو ويه )) ..... لا لغة ولا لقيت احد يرافجني

ويقولون غالية بشكل مب طبيعي يعني عادي اسحب سلفبة عشان يومين ....


5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

اغلب الي ذكرته امور ثانوية المهم عندي الطبيعة والاكشن .....


7- تفضل السفر مع الاهل أو الاصدقاء ؟؟

الأصدقا تقدر تاخذ راحتك وتفر البلد مكان مكان ....


8- ما هو أفضل فندق سكنته ؟؟

بالضبط مب عارف اسمه بس اعتقد فيه الحمرا او شي من هالقبيل في جدة

واغلب الفنادق كانت اذا مب ممتازة جيدة ....


9- ما هو أسوأ فندق سكنته ؟؟

فندق في زيلامسي اذا تذكرت اسمى راح اكتبه


10- ماهي شركات الطيران اللي جربتها ؟؟

القطرية ، الاماراتية ، الخليج ، السعودية ، الكندية . .


11- افضل خطوط جوية؟؟

القطرية طبعا ً


12- اسوأ خطوط جوية ؟؟

السعودية


13- ماهي أسوأ رحلة لك بالطائرة وليش ؟؟

الرحلة من الدوحة للكويت كان يوم عاصف والطيارة كانت تتحرك بطريقة تخوف وطفوا الليتات

وشتغلت ليتات الطواري والعالم قلوبها في ركبها والله يرحمة رفيجي الي وياي في الطيارة

كنت اخوفه ولعوزه لكن سبحان الله توفى بعدها بفترة الله يرحمة ويغفر له ....

ويعطيك الله الف مليون مليار عافية على الموضوع السوبر ....

الله يجزاك خير

شدعوه من امس بس ردين



ولد اليافعي

الله يعطيك العافية والهند يقولون طبيعتها حلوة لكن ابتعد عن بومبي !!

هل هذا الكلام صحيح ؟؟



إشراقة

ليش لبنان اسوأ سفرة . . الصراحة ما تنلامين احس فعلا ً هالبلد مب ذوقج

والمالديف توني اقل من اسبوعين راد منها . . الصراحة 10 / 10 . . وانتظري التقرير قريب انشالله في عنابي الصور . .

وبالنسبة للخطوط الهولندية مادري متى جربتيها لكن انا جربتها من سنتين ثلاث والصراحة نوووووو كومنت من قلب . .


والشي الأخير . . شسالفة الهوووشة لوووووول


تحياتي لكم

عاد ما سألت الا عن الهند

الصراحة كنت وايد صغير

عيل اسحب السؤال

1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

احاول اتذكر

تركيا

الكويت

الامارات
البحرين
السعوديه


لبنان

لندن

ماليزيا

سنغافوره

استراليا

2- ما هي أفضل دولة / سفرة ؟؟

ماليزيا واستراليا

3- ما هي أسوأ دولة / سفرة ؟؟

كلهم اوكي

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

وايد دول المالديف فرنسا ايطاليا النمسا وغيرهم كل مكان ابي اروح
بس ماعندي اجازه تناسب اجازة الاهل في تعارض شوي

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

الطبيعه حق التصوير

6- انت واحد ولا وحدة ؟؟ اذا وحدة روحي للسؤال 8

7- تفضل السفر مع الاهل أو الاصدقاء ؟؟

على حسب الدوله في دول تنفع تاخذ هلك معاك وفي دول لا



8- ما هو أفضل فندق سكنته ؟؟

هم ثلاثة كل واحد احسن من الثاني

سان واي لاجون في ماليزيا

وعجبني فندق تاج بالاس في دبي ما شاءالله غرفته ملعب مو غرفه شكبببر

وفندق ثاني في ماليزيا نسيت اسمه اظن شنقرلا نسيت

9- ما هو أسوأ فندق سكنته ؟؟

لانكاوي لاقون ماعجبني كلش

10- ماهي شركات الطيران اللي جربتها ؟؟

القطرية ، البرتش ، الخليج , الاماراتيه , الماليزيه . السنغافوريه , سكاي فلاي

11- افضل خطوط جوية؟؟

القطرية

12- اسوأ خطوط جوية ؟؟

سكاي فلاي


13- ماهي أسوأ رحلة لك بالطائرة وليش ؟؟

همم بالطياره يعني صارت مشاكل ؟ في رحله واحنا راجعين من استراليا
كنت رحاول ارقد في الليل في الطياره بس ماقدرت كلش لان في ليت واحد كان خربان
كل الليتات مصكره الا هو يشتغل ويتصكر ماعرفوا يعدلونه وكان في عيني

14- قول ( يعطيك العافية يالسلطان وفوقها 500 مليون ريال ) . .

يعطيك العافيه ووين عزيمتي يالتعبان

1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

الي اتذكره

لندن - باريس - فينا - المانيا - جنيف - مصر - بيروت - عمان - السعوديه - الكويت - الامارات -البحرين (( سفرات متكرره ))
اليونان - تركيا - قبرص - الاردن - سوريا - ايران - هولندا - بلغاريا - اسبانيا - ايطاليا - السودان ((سفره وحده ))

2- ما هي أفضل دولة / سفرة ؟؟

فينا - لندن

3- ما هي أسوأ دولة / سفرة ؟؟

السودان - ولايزعلون اخونا السودانين

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

امريكا طبعا - ناوي باذن الله باقرب وقت - كل ماحجز يصير شي او ظروف ونكسل ونغير المكان

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

الطيبعه بالدرجه الاولى - الاسواق - المقاهي

6- انت واحد ولا وحدة ؟؟ اذا وحدة روحي للسؤال 8

7- تفضل السفر مع الاهل أو الاصدقاء ؟؟

الاثنين

8- ما هو أفضل فندق سكنته ؟؟

اممم سوفتيل ميونخ واجد حلو وغريب

9- ما هو أسوأ فندق سكنته ؟؟

رمادا في لندن

10- ماهي شركات الطيران اللي جربتها ؟؟

القطريه - الاماراتيه - المصريه - البريطانيه - الفرنسيه - الشرق الاوسط - الاردنيه - اليونانيه - KLM -

11- افضل خطوط جوية؟؟

القطريه رغم ارتفاع اسعارها الجنوني

12- اسوأ خطوط جوية ؟؟

الشرق الاوسط

13- ماهي أسوأ رحلة لك بالطائرة وليش ؟؟




رحلة القطريه من لندن لحد الدوحه -- مطبات هوائيه قويه واجد واجد واجد وتمت الطياره في المطبات الهوائيه تقريبا لحد ماصرنا فوق البنان او تركيا على ماعتقد ومن قوة المطبات مافي حد يتحرك في الطياره والكل كان يتشهد والصراحه كنت متوقع ان بنروح فيها

14- قول ( يعطيك العافية يالسلطان وفوقها 500 مليون ريال ) . .


يعطيك العافيه يالغالي وخذ لك 250 مليون كفايه

- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟


السعوديه ,البحرين, الكويت, الامارات, اليمن, مصر, لبنان, سوريا, الاردن ,الجزائر ,تركيا ,ايطاليا ,اسبانيا,

فرنسا, موناكو, بريطانيا, النمسا ,سويسرا ,امريكا


2- ما هي أفضل دولة / سفرة ؟؟


جنوب فرنسا
3- ما هي أسوأ دولة / سفرة ؟؟


ماظن فيه أسوأ سفره , كل سفره لها ظروفها و تطلع منها بتجربه


4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟


الهند و شرق اسيا عموما ً .. وايش اللي يمنع ؟ بوصلتي مافيها الا اتجاه واحد (غرب)


5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟


الربع اللي معاك
طبعا ً الثقافه و الاسواق و المقاهي .. واهم شيء المشي


7- تفضل السفر مع الاهل أو الاصدقاء ؟؟


على حسب البلد و الوقت


8- ما هو أفضل فندق سكنته ؟؟


كثير .. منهم جميرا في نيو يورك و المارتنيز في كان


9- ما هو أسوأ فندق سكنته ؟؟


الحمدلله ماسكنته .. تلاحقت قبل فوات الاوان