هذا اللي حصل الله يسلمك

حاوطوا البيت اللي احنا فيه 3 ايام وكل واحد ماسك رشاش

لين قالوا لنا هل البيت لازم نطلعكم فليل بالخش

المهم زرقنا فليل لين كويتا 4 ساعات

وثاني يوم اقرب طيارة لاي وجهه كانت

1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟
السياحة في بلادي الرياض جدة مكة الطائف الباحة وصولا بأبها والشرقية طبعا عزوتي
الخليج كلة ما عدا عمان الشقيق
أسبانيا (مرة)
مصر(5 او 6 ويمكن يمكن7 ناسية من كثر مارحنا
سنغافورا(مرة)
ماليزيا(مرة)
تايلند فقط مرور يعني بالطائرة مانزلنا بس محسوب علينا مشوار
تركيا(مرة)
2- ما هي أفضل دولة / سفرة ؟؟
كل سفرة لها ذكرى حلوة الا اسبانيا لاني صغيرة وما اذكر
3- ما هي أسوأ دولة / سفرة ؟؟
سفرة الى أبها لاني تنسيت بالديرة بكبرها وكرهت بعض الاشياء فيها كرة مؤقت غير كذا تنومت بالمستشفى كذا ليلة بس الحمدلله ربي لطف 4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟
كذا دولة استراليا و امريكــا والقائمة طويلة
اومتى بتزورها ؟
الله العالم متى بأزورها او مايُكتب لي ازورها

وايش اللي يمنعك تزورها ؟
كل شي بيد الله سبحانة وتعالى
يعني مرة خيرني ابوي بين اني اسافر معة واختي واثنين من اخواني للندن وبين اني اسافر مع امي قطر اخترت قطر تحسفت خصوصا يوم دريت انهم راحو فرنسا بعد يعني فاتتني دولتين من احلى ما يكون وماكان فية شي قوي يمنع من الروحة
بس قلت خيرة وقدر الله ومشاء فعل

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟
كلها وبقوة ما عدا المتاحف فهي ثانوية تقريبا

6- انت واحد ولا وحدة ؟؟ اذا وحدة روحي للسؤال 8
>>>>>
7- تفضل السفر مع الاهل أو الاصدقاء ؟؟

8- ما هو أفضل فندق سكنته ؟؟
كذا فندق رجنت كولالمبور
كراون بلازا استنبول

9- ما هو أسوأ فندق سكنته ؟؟
الأمجاد عند شقصان بالسعودية وهذا لة سالفة طويلة عبارة عن (مغامرة وتجربة)

10- ماهي شركات الطيران اللي جربتها ؟؟
السعودية القطرية المصرية

11- افضل خطوط جوية؟؟
السعودية خصوصا السفرات الدولية اما الداخلية لكم عليها

12- اسوأ خطوط جوية ؟؟
لا تعليق
13- ماهي أسوأ رحلة لك بالطائرة وليش ؟؟
الحمدلله مافي اي رحلة سيئة

14- قول ( يعطيك العافية يالسلطان وفوقها 500 مليون ريال ) . .
يعطيك العافية يارب وماقصرت على الموضوع الحلو 500مليون اذا حد عطاك من الاعضاء الي قبلي عطني نصها
15- تحياتي

فائق احترامي

مياسة

خوش موضوع والله اخوي السلطان .....


1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

الامارات (من شرقها لين غربها) وايد

البحرين - بعد وايد

السعودية وهم وايد

الكويت - 5 مرات

الاردن - مرتين

لبنان - مرة وحدة

قبرص - مرة وحدة

مصر - 4 مرات

استراليا - 1 مرة وحدة (سيدني وجولد كوست)

تايلند ( 3 مرات ) بانكوك - بوكيت

ماليزيا (مرتين)

سنغفورة (مرة وحدة)

انجلترا - مرتين - (لندن) مرة فيهم دورة لمدة 5 شهور السنة اللي راحت وطبعاً درت مدن انجلترا تقريبا كلها (ماشنستر - برمنجهام - براد فورد - اوكفورد - كمبريدج .... الخ)

ويلز - مرة وحدة - من شرقها الى غربها

اسكتلندا - مرةوحدة من شرقها الى غربها

فرنسا -باريس - 3 مرات

بلجيكا -بروكسل - مرة وحدة

هولندا - امستردام - مرة وحدة

المانيا - مرتين (ميونخ - فرانكفورت)

سويسرا - مرة وحدة (زيورخ)

النمسا - اربع مرات (زيلامسي - فينا - سليزبرغ)

اسبانيا مرتين - برشلونة - مدريد - ماربيا - ملقا - غرناطة - قرطبة وطبعا مرينا بالسيارة على المدن الباقية..!

ايطاليا - روما مرة وحدة

امريكا -مرة وحدة لمدة 5 شهور - اوهايو - تكساس - نيو اوريلنز - فلوريدا - ديترويت - بتريسبرغ


بعد شنو --- بس هذا اللي طلع معاي





2- ما هي أفضل دولة / سفرة ؟؟

والله كل دولة لها اللي يميزها - بس الاحلى - امريكا - اسبانيا وبعد باريس

3- ما هي أسوأ دولة / سفرة ؟؟

الاردن ، لان شعبهم وايد دمه خفيف ويرحب ...!

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

والله في وايد - طبعاً هونج كونج وحاجز على اجازة عيد الفطر ان شالله - وفخاطري اروح امريكا الجنوبية "البرازيل"

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟
المعالم السياحية - والكافيهات - والاسواق وبعد الطبيعة واحب اني اسوق في الدولة اللي اروح لها عشان اخ راحتي فالتمشي - المتاحف مب وايد 6- انت واحد ولا وحدة ؟؟ اذا وحدة روحي للسؤال 8

ذكر

7- تفضل السفر مع الاهل أو الاصدقاء ؟؟

اكيد مع الربع - وبعض الاماكن مع الاهل مثل العمرة بس

8- ما هو أفضل فندق سكنته ؟؟

اللستة طويلة - ببس باختار 3 فنادق - فندق كيمبنسكي في دبي - سويت لانه ما قصروا سووا لنا ابغريد

وبعد ابراج الامارات - بعد السويت

وفندق جراند مارينا في برشلونة
9- ما هو أسوأ فندق سكنته ؟؟

فندق اسمه ناديا في امستردام وغيرناه في نفس اوم لان انصدمنا الصور مالها علاقة بالفندق ..!

10- ماهي شركات الطيران اللي جربتها ؟؟

امم

القطرية

الاماراتية

السعودية

الخليج

لوفتهانزا

البرتش

امريكان اير

الماليزية

التايلندية

الاسترالية

الاسبانية

وبس


11- افضل خطوط جوية؟؟

القطرية

12- اسوأ خطوط جوية ؟؟

الخليج

13- ماهي أسوأ رحلة لك بالطائرة وليش ؟؟

امم - يمكن رحلتي الى باريس على القطرية - لان قعد جنبي ياهل ، وطول الليل ما سكت وكنت مواصل يومها !

14- قول ( يعطيك العافية يالسلطان وفوقها 500 مليون ريال ) . .


يعطيك العافية السلطان وال500 مليون تحولت ما عليك الا تجيك عليها فحسابك!



صافي