1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

السعـوديه - الدوحه - ايطـاليا * مره
البحـرين * 3 مرات
بريطـانيا * 3-4 مـرات
بـولندا * مره
المـانيا * مره
امريكـا ( فلوريـدا - شيكـاغو ) *عشت فيهـا 4 سـنين


2- ما هي أفضل دولة / سفرة ؟؟

امريكـا
ا
3- ما هي أسوأ دولة / سفرة ؟؟


البحـرين اول سفره لهـا & السعـوديه .

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

اسكـتلندا .. ان شـالله نزورها الصيف اليـاي & الي يمنـع الوقت & شغـل الوالـد

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

كـل شي الااا التسـوق خصوصاً لو مع امي وخالتي ..
بس احب اروح كـل مكان ولازم اتعرف على ثقافتهم و اكـون صداقات .

6- انت واحد ولا وحدة ؟؟ اذا وحدة روحي للسؤال 8

ان شالله

7- تفضل السفر مع الاهل أو الاصدقاء ؟؟

8- ما هو أفضل فندق سكنته ؟؟

اغلب السفـرات نكـون فـ بيت , يعني امريكـا و لـندن وبولندا عـندنا سكـن هناك
وكلهم كـانوا اوكيـه

9
- ما هو أسوأ فندق سكنته ؟؟

فـندق بالبحرين ناسيه اسمـه .. اهو كـان حلو مافيه شي
بس ان غرفتي تحت الديسكـو مالهم فـ ماعرفت انـام .

10- ماهي شركات الطيران اللي جربتها ؟؟

الامـاراتيه - الكـويتية

11- افضل خطوط جوية؟؟

الامـاراتية

12- اسوأ خطوط جوية ؟؟

الكـويتية بدون منـافس

13- ماهي أسوأ رحلة لك بالطائرة وليش ؟؟

والله الحمـدلله ماصادفني اي تقلبات بالجو و لا اي شي ثـاني


14- قول ( يعطيك العافية يالسلطان وفوقها 500 مليون ريال ) . .

الله يرزقنا و يرزقك ان شالله

15- تحياتي

1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

- الخليج كله ما عدا سلطنة عمان وان شاءالله ازور عمان في ديسمبر المقبل .
- مصر
- لندن ، ألمانيا بصفة عامة ، النمسا ، سويسرا ، ايطاليا ، هولندا .

2- ما هي أفضل دولة / سفرة ؟؟

ألمانيا + النمسا + ايطاليا + سويسرا

3- ما هي أسوأ دولة / سفرة ؟؟

مصر طبعا ً

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

أمريكا طبعا ً ..
اللي يمنعني شعوري لو اطبها ماراح ارجع كلشششش


5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

كلهم الحقيقة ولكن التركيز اول الايام على تاريخ البلد ومتاحفها ومن ثم المناظر الطبيعيه والاسواق والمقاهي

6- انت واحد ولا وحدة ؟؟ اذا وحدة روحي للسؤال 8

7- تفضل السفر مع الاهل أو الاصدقاء ؟؟

سفرة صيف : الأهل طبعا ً
سفرة ويكند : الشباب طبعا ً

8- ما هو أفضل فندق سكنته ؟؟


اممممممممممم صعب اذكر افضلهم
الامارات : برج العرب و قصر الامارات
السعودية : الفيصلية والفور سيزن
الكويت : انسى
البحرين : انسى
مصر : فورسيزن النيل
المانيا : شيراتون ارابيلا ميونخ
النمسا : ساخر هوتيل فيينا + سلزبرجهوف هوتيل زيلامسي
ايطاليا : سانت جورج روما + ويستن ريجينا فينيسيا + جراند حياة ميلانو
لندن : جروفنر هاوس
سويسرا : فورسيزن جنيف + برزدنت جنيف



9- ما هو أسوأ فندق سكنته ؟؟

فنادق الكويت بصفة عامة

10- ماهي شركات الطيران اللي جربتها ؟؟


القطرية
الاماراتية
السعودية
طيران الخليج


11- افضل خطوط جوية؟؟

القطرية والاماراتية

12- اسوأ خطوط جوية ؟؟


طيران الخليج

13- ماهي أسوأ رحلة لك بالطائرة وليش ؟؟

مالي رحلة سيئة ولله الحمد والمنة

14- قول ( يعطيك العافية يالسلطان وفوقها 500 مليون ريال ) . .

الله يعطيك العافيه يالسلطان واذا الله عطاني 5 مليار ريال قطري يعطيك ان شاءالله 500 مليون ريال قطري تستاهل كل خير

15- تحياتي

علالالالاوي


مشكووور ع المشاركة . .

والعزيمة قريبة بإذن الله . .

انزين شوف شرايك انت تعزمني وانا ادفع



المزوووحي . .

ماشالله عليك يالعود اخبر في موضوع قديم سمّوك ابن بطوطة المنتدى من كثر اسفارك . .

شكرا ً لك ع المشاركة وانطر المبلغ ع الحساب . .



خيّالها . .


افا ليش ما ذكرت القصة الكاملة لرحلة البحرين - الدوحة ع الهندية . .

كانت رحلة تاريخية قبل واثناء وبعد السفرة



كويتية سداوية . .

اسكتلندا حلوة حدها من امها من صجج انتي

ومشكووورة ع المشاركة . .




نعنووش . .

متى سافرت لندن يالدب ؟؟

وليش ما قلت لي ؟؟

وبعدين قلنا فندق فندقين ثلاث اربع مب خمسمية فندق

انزين شرايك تزورنا لندن هالصيف

وخيلي ممنون ع المشاركة

1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

السعودية ... عدة مرات

البحرين ... عدة مرات

الإمارات ... عدة مرات

لبنان ... مرة

انجلترا .. مرة وحدة

فرنسا .... مرة وحدة

ماليزيا ... مرة وحدة

2- ما هي أفضل دولة / سفرة ؟؟
فرنسا وماليزيا3- ما هي أسوأ دولة / سفرة ؟؟

لندن


4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟


سويسرا ان شاء الله بعد العيد واللي يمنعني مافي اجازات
5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

كل شي يعني ماعندي شي محدد

7- تفضل السفر مع الاهل أو الاصدقاء ؟؟


الاثنين

8- ما هو أفضل فندق سكنته ؟؟

ويستن ( كوالالمبور )
9- ما هو أسوأ فندق سكنته ؟؟

تايم سكوير ( كوالالمبور ) وبرفورد ( باريس )
10- ماهي شركات الطيران اللي جربتها ؟؟


القطرية - الامارات - الخليج 11- افضل خطوط جوية؟؟

القطرية

12- اسوأ خطوط جوية ؟؟


الخليج

13- ماهي أسوأ رحلة لك بالطائرة وليش ؟؟

ماليزيا لانها طويلة وكنت حاجز سياحية وتحسفت بعدين ويوم جيت ابي اغير بالعودة لدرجة رجال الاعمال قالو مافي مكان
14- قول ( يعطيك العافية يالسلطان وفوقها 500 مليون ريال ) .

يعطيك العافية ياباشا

بوسالــم

يعطيك العافية على المشاركة والرد . .

بس ليش اسوأ سفرة لـ لندن !!

كله ولا لندن . . وطننا الثاني

انا ماعندي سالفة ...!!!!

عشان جيه برد على موضوعك



1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟



السعودية والامارات والبحرين والكويت سفراااااااات عديدة

ايران وباكستان والعراق مرة وحده مقنااااص

تركيا وماليزيا ومصر ولبنان وسوريا والادرن وسويسرا وايطاليا والنمسا والمانيا ولندن وباريس واسبانيا

ومنهم كذا دولة رحت لها اكثر من مرة


2- ما هي أفضل دولة / سفرة ؟؟


مصر

بعد مصر

3- ما هي أسوأ دولة / سفرة ؟؟

باكستان

اسوأ سفرة بعد نفس السفرة

4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

امممممممم المالديف كان خاطري اروحها

وعقب موضوع زاد شوقي لها

ومادري متى بزورها ...؟؟؟

اممممم اللي يمنعني انها مالت 4 ايام اعتقد الا اكثر

وبعدين ماداني الدولة اللي كل شي يسكر فيها بدري

احس بالكااااااااااابه

5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

اخر نقطتين

6- انت واحد ولا وحدة ؟؟ اذا وحدة روحي للسؤال 8

7- تفضل السفر مع الاهل أو الاصدقاء ؟؟

الاثنين

لازم كلهم ياخذون حقهم

8- ما هو أفضل فندق سكنته ؟؟

قصر الامارات في ابوظبي ايام كاس الخليج الاخيرة

9- ما هو أسوأ فندق سكنته ؟؟

فندق في جنيف ماذكر اسمه بصراحه

كنت نازل يوم واحد جنيف وبسافر بعدها مالقيت الا فيه



10- ماهي شركات الطيران اللي جربتها ؟؟

بووووووو وايد


11- افضل خطوط جوية؟؟

الاتحاد والقطرية

12- اسوأ خطوط جوية ؟؟

خطوط اسمان الايرانية

الله لايراويك

13- ماهي أسوأ رحلة لك بالطائرة وليش ؟؟

الحمدلله ماذكر اي رحلة بهذي المواصفات

14- قول ( يعطيك العافية يالسلطان وفوقها 500 مليون ريال

يعطيك العافية ولو عندي 500 مليون جان ماشفتني راد عليك

باااااااااال طلعت بن بطوطة انا
صج اني صغير في السن بس اعتبر نفسي مكسب لـ قطر لاني زرت كذا دولة وعمري لم يتعدى الـ 23 ربيعا


1- ما هي الدول اللي زرتها منذ ولادتك الميمونة إلى هذا اللحظة ؟؟ وكم مرة سافرت لكل دولة ؟؟

نبتدي من الطفولة

قبرص ( مرة وحدة ) وماتذكر شي لاني كنت بـ حفاظه وقتها

الخليج كله ما عدا عمان

السعودية ( مكه اكثر من 5 مرات تقريبا ، المدينة المنورة مرة ، الحسا مرة وحده قعدت فيها وانمر عليها اقطوع حق البحرين والمناطق المجاورة ، الخبر 3 مرات يمكن و انمر عليها خطافي لين بنروح البحرين ، الجبيل مرتين جنه ، ابها مرة )

الامارات ( دبي وااااااااايد ، ابوظبي مرة وحدة ، الشارجه مادري كم مرة والله )

البحرين ( اعتقد فوق الـ 25 مرة )

الكويت ( اعتقد 5 مرات )

سنغافورة ( مرتين )

ماليزيا ( مرة )

فرنسا ( مرة )

بلجيكا ( مرة )

هولندا ( يوم واحد بس )

سويسرا ( مرتين )

ألمانيا ( مرة )

فيينا ( مرة )

زيلامسي ( مرة )


2- ما هي أفضل دولة / سفرة ؟؟

سفرة العام ( سويسرا - المانيا - زيلامسي - فيينا )


3- ما هي أسوأ دولة / سفرة ؟؟

أبها - انواع الملل


4- ماهي الدولة التي تتمنى انك تزورها ؟؟ ومتى بتزورها ؟؟ وايش اللي يمنعك تزورها ؟؟

لندن - مافي حد شجعنا عشان انروح معاه
وكان خاطري في استراليا من زمان وان شاء الله بتحقق امنيتي هالسنه


5- عند سفرك للسياحة . . ماهو أكثر شي تركز عليه ( الثقافة ، المتاحف ، الأسواق ، المقاهي ) ؟؟

كل شي الا الثقافة
واهم شي الاماكن الترفيهيه واللي تبقى فالذاكره


6- انت واحد ولا وحدة ؟؟ اذا وحدة روحي للسؤال 8

تعال وبتعرف


7- تفضل السفر مع الاهل أو الاصدقاء ؟؟

كله واحد بس من زمان ماجربت سفرة الاهل


8- ما هو أفضل فندق سكنته ؟؟

ماريوت دبي ( الجناح اللي خذناه ببلاش )


9- ما هو أسوأ فندق سكنته ؟؟

مال فرنسا الله يلعن شكله


10- ماهي شركات الطيران اللي جربتها ؟؟

الاماراتية - السعودية - البلغارية - البرتش - الخليج - القطرية


11- افضل خطوط جوية؟؟

الاماراتية


12- اسوأ خطوط جوية ؟؟

القطرية ومن غير منازع


13- ماهي أسوأ رحلة لك بالطائرة وليش ؟؟

واحنا راجعين من فرنسا ،، لان تمينا تقريبا ساعه كاملة اندور فالجو لان الردار مب راضي يتعرف علينا ومافي مطار يوافق ننزل فيه >>> هاي سوالف القطريه يالمسافر


14- قول ( يعطيك العافية يالسلطان وفوقها 500 مليون ريال ) . .

يعطيك العافية ،،
اذا رونالدينو نزل سعره ،، انت على وشو رافع سعرك
زواج و عناك عليه ، بعد اشتبي زياده


15- تحياتي

احتراماتي

الكعبي . .

مسندرنا بروح ادرس واتعلم ومادري شنو واخرتها فاضي وما عندك سالفة


يعطيك العافية على المشاركة والرد وكان بودنا لو تعطينا نبذة عن رحلة باكستان عشان نعرف ليش كانت الاسوأ


توتي


افا انا مادري شلون نسيت ان سفرة أبها كانت فعلا ً اسوأ واسخف واملغ واملل رحلة في حياتي . . !!

وبالنسبة للندن . . اخوك السلطان موجود

انشالله بكون هناك من شهر 8 تعال عندي . . سكن ببلاش وكل يوم احلى برنامج من الساعة 8 لين 6 معاي في الدوام

عشان اثبت لك اني فاضي بعطيك نبذة عن السفرة

الله يسلمك السفرة مثل ما ادعوا الشباب كانت رحلة قنص في ربوع باكستان

وبالتحديد في مدينة ( كويتا )

ذيك السنة صكت عندنا وماقدرنا نروح العراق بسبب الحرب

وحاولنا مع كذا دولة كانت الامور صعبه بالنسبة لدخول الطيور

بسبب مرض انفلونزا الطيور

المهم ...

رتب لنا واحد من الشباب السفرة مع واحد يعرفه في الامارات

وانه هذا الاخير عارف الطبخة كلها وقال مايصير خاطركم الا طيب بس انتوا ارخوا جيبكم

رخينا الجيب وطرنا من الدوحة الى دبي ومنها الى كراتشي

يا بلفيت يعني ترانزيت وبعدها بنبدل الطيارة وبنروح كويتا

وصلنا المطار ونزلنا الطيور

يوم جينا بنروح كويتا قالوا الطيور اصلا ممنوع تدخل البلاد وين رايحين كويتا بعد

وقعدنا تقريبا في المطار 6 ساعات لين اتصلنا بالسفارة القطرية وكان الوقت الفجر اذكر

وكلمت القنصل اعتقد واحد من عيال الجابر وقالي ماقدر اسوي لك شي

افاااااااااا شلون

المهم مال الجمارك عارف الطبخة وقالي عندكم واحد باكستاني في سفارة قطر اذا جا بيخلصكم

انا فهمت اللعبة

اتصلت حق الحبيب وجانا بعد مالوع جبودنا

وطلع لنا 10 طيور تقريبا كل طير 300 دولار ( من تحت الطاولة )


واكيد تناصفها مع هل الجمارك

وخذنا ورقة مع الطيور ودخلنا كويتا وكل شيء تمام

طلعنا من كويتا تقريبا 4 او 5 ساعات طريق بر الله لايراويك

اتحس الحين بيطلعلون لك بن لادن وربعه

جبال ووديان وطريق بر موحش من قللللللللب

المهم وصلنا المنطقة اللي نبيها

واول يوم كان نحس من قلب

الطيور مب متعودة على اشكال اخوانا الباكستانيين

وضيعنا 2 منهم طيري


ثاني يوم قالوا لي عن كواخ في القرية وكلمته وقلت له عن الطير

قالي انسى الموضوع الامر بسيط جدا

وفعلا العصر جا ومعاه الطير ( طلع يدوره من الصبح مارجع الا العصر )

جان اسوقه بمية دولار

اذا طار من الفرحة شوي

شوف ولاحظ هذا كله في اول يومين بس

وبعدها مرضت وتصخنت وانهد حيلي من قلب

ودار المرض على الشباب واحد واحد

مافيه الا فكس وبندول فليل تقول شياب

وماخذنا راحتنا في القنص

كل مارحنا مكان طلع لنا واحد وقال هذي ارضي عطوني فلوس

بعدها ما استحملنا الوضع بصراحة

خاصه وانه مرة امسكونا الشرطة وودنا المركز

وماطلعنا الا عقب موت ورشاوي

وغيرها من احداث لايعلم بها الا سبحانه وتعالى

صدقني هذي 30 بالمية من الاحداث بس

ودمتم

بعدين اذا جيت لندن بكملك القصة بالتفصيل الممل

والله يالكعبي الخوف من الامريكان لو فكروكم من المجاهديين كانت راحت عليكم

شكلكم ذقتوا المر والوانه ..... تستاهلون السلامه والله .....