السلام عليكم

حيا الله العنابييين والعناااابيييات

اول شي انا الصراحه احترت وين احط الموضوع وبعدين شفت ان الموضوع مختص بالسفر فقلت بحطه هنا واذا مكانه غلط خذووو راحتكم

ندخل بالموضوع على طول ...

الموضوع للي ساافروا سويسرا والي سووو تقارير ترد الروح لجنة اوروبا

(( ابغيكم تفرفشون اشوي وتوسعون اصدوركم وتخشوووون دوووغري بالموضوع ))


انا الله يسلمكم قررت اني اسافر انا والمره وولدي صويلح ( 3 سنين ) وبنتي الدانه ( 5 سنين ) على بداية شهر 8 وهذي اول مره اسافر لاوروبا مع الاهل - فـ ودي استانس واونسهم معاي -

فـ فضلا لا امرا ,,, ارجوا ممن لديه الخبره الكافيه لسويسرا ان يرتب لي جدول لـ 10 ايام في سويسرا واذا في فنااادق (( خير وبركه )) لان هالمره ودي اطلع من النطاق الاسيوي واحب ان اسئل الناس الي سبقوني لسويسرا واستفيد من ايجابياتهم وسلبياتهم

- وما رأيك بالسفر في بداية 8 (( هل هو وقت مناااسب )) يعني الجو اشلووون ..؟ من خلال ال يورو 2008 انشوف ان الاجواااء على طول ممطره (( وهذا شي مب طيب )) للسياح والي ناوين يغيروون جوو

- وما هي الفعاليات الموجوده في سويسرا في شهر 8

معروفه سويسرا بطبعتها الخلابه فأنا ودي الجدول يكون شوية طبيعه وشوية اكشن ملاهي فعالايات ووو علشان لا تكون الرحله ممله


يعني تخيل نفسك رايح لسويسرا (( من وير راح تبتدي ووين راح تنتهي )) جدول كامل

(( مع العلم بأن الرحله ممكن امددها لـ 15 يوم اذا الامر يستاهل ))




يله شدووا حيلكم وساعدوني علشان ارتب لكم تقرير مرتب لما ارجع مثل تقريري لـ ماليزيا

هلا بوصالح والله انا مارحت سوسيرا لكن اعتقد لو تشوف توتي و اباتشي بيفدونك اكثر خصوصا انهم راحو
الموضوع مكانه القسم العام

السلام عليكم

هلا اخوي بوصالح..

ان الله يسلمك رحت سويسرا اولة العام..والصرااحه روووعه والله....من نهايه شهر 7 لين نص 8..ومن وجهه نظري سويسرا عباره عن مدن متشابه تقريبا..كل مدينه تمتاز بشارع للتسوق وبحيره ومطاعم راقيه وجو رهيب

عندك سلمك الله ..المدن التاليه: زيوريخ...عندك فندق الماريوت ..لانه قريب من شارع الماركات والبحيره...


لوسيرن..فندق Palace Luzern...بس المدينه صغيره وحليوه..وفيها محلات تسوق زوينه وبحيره

انترلاكن..احلى منطقه الصرااحه...ولاتباعد عن فندق فكتوريا..صج غالي بس رهيب وموقعه ممتااز...في هالمدينه تقدر تروح مناطق جبليه وبحيرات وتسوق بس مب محلات وايد...وجو رهيب وجدام الفندق عندك حديقه حلوه الصرااحه...

لوزان..فندق لوزات بالاس احلى فدنق الصرااحه..وموقعه ممتاز قريب من المحلات والمطاعم ..ولاتفوتك البحيره اللزيزه..

وعقبها ..جنيف..واللي فيها كل شي...شوارع مشاه ومحلات تسوق ..وبحيره..وملاهي والعاب ومهرجان...وانصحك بفندق مندرين او فورسيزن او ووريك بس مشكلته قريب من محطه القطار..اخبر سنداره على كلام الشباب

وانا ان شاء الله رايح نص 8 هناك وبسكن ف فندق مندرين..عجيب الصراحه..واهم شي قناه قطر الاولى موجوده

وان شاء الله موضوع اباتشي راح يفيدك اكثر..

ف حفظ الرحمــن

هلا اخوي بوصالح
اخوك صار له 4سنوات في سويسرا
وان شاء الله باحط لك اكثر من برنامج تختار بينهم
واخوي راييان ماقصر بعد
لي عوده ان شاء الله

نست اقولك
كرنفال جنيف يبدأ 3-13/8

بو صويلح اشفيك انت يعني الصور الي خليتك تشوفهم ما يابوا راسك

بكره بحطلك باقي الصور في الفلاش ممري عشان تحكم

وانا اقول زلامسي ابرك وهيه قريبة من انترلاكن ....!!

هلا بو صويلح , الله يوفقك يالغالي

انت سافر , وبعد ماتحط تقريرك , يمكن اسافر ( لـ سويسرا ) لكن على شهر 4 الجاي , لان الصيف بنصيف قريب ,



اقول , وين الأموره ( شهووود ) ؟! المفروض هي اول المسافرين ؟!

مراااحب كاكا

يعطيك العافيه وبأنتظار الشباب يفيدونا


وعقبال ما يكون تقريري لسويسرا (( دليلك لشهر العسل )) قل امييين

مرااااحب يالرياااني

الف الف شكر على هالمعلومات الطيبه

وعلى هالشرح التفصيلي عن المدن

ولكن من باب انك رحت من قبل (( والحين راح اتروووح )) اشلون راح يكون برنامجك

3 ايام هنا , 4 ايام اهناااك و 2 هنا , وكذا

ابي ترتيب الايام ( هذا اهم شي عتدي ) عطنا برنامجك وفالك البيرق

علشان ادرسه يمين يسار

مراااحب بـ الحارث

اوووه دام صار لك 4 اسنين

عيل هيأ نفسك نفسياً وبدنياً واكتب كل الي تعرفه من تخطيط ونصااايح وكرنفالات

وافضل المدن ووووو


ما وصيك (( ناااااطر ردك ))

مراااحب يا بو بدر

والله يابوووك انا قررت خلاص (( اني اخيط سويسرا من طأطأ لا سلام عليكووو ))

والنمسا ان شاء الله (( لاحقين عليها )) بالسنوات الجايه (( اش ورااانا ))

انزين وين اصووور شهر العسل (( ليش ما تنزلها )) يمكن تقنعني ب زلامسي ذي