السلام عليكم ورحمة الله وبركاته

لاحد يستغرب من العنوان ترا والله مالقيت احسن من اغنية نانسي عجرم لوضع عنوان لهذا الموضوع

اول شي اقول الف الف الف مبروك للعراق ابطال اسيا وايضا الف الف الف مبروك لنسور السعوديه على هالمستوى الرائع

وفعلا العراق والسعوديه فريقان رفعوا راس العرب ..

خلينا ندخل في الموضوع .. فعلا في هاليوم تمنيت اني اكون عراقي او سعودي

لو كنت عراقي كنت فرحت في كاس اسيا

لو كنت سعودي كنت حزنت بفخر وكبرياء على فريقي الي خسر النهائي

صج والله صدق المثل الي قال عندما نشبع نرفس

وهذا هو حال لاعبين منتخب قطر (( الاجانب ))

ياخي بالعقل شوفو مباريات السعوديه والعراق وشلون لاعبينهم يقاتلون مثل الوحوش على الكره

ويركضوون وراها وتحس انه فيهم عرق الوطنيه الصحيح

بينما لعيبة قطر يالله عليهم شحلاتهم وحلاة دلعهم في الملعب !!!

والله قهر والله قهر منتخب نفس هذا يستمر

وعلى فكرة لو جبتو فوساتي ولو جبتوا دونغا حتى مدرب البرازيل ماراح يفلحون

لانهم اجااااانب او بالاحرى غير قطريين

شوفو انا مب قطري بس انولدت هني واعتبر هالمنتخب منتخبي وهالبلاد بلادي والحق ينقال

لو كان في قطريين اصليين في الفريق صدقوني كانوا اكلو البطوله اكل

لانه الاعداد قوي والدلع قوي والراتب لكل لاعب خيالي شلي ناقصهم بعد

شوفو العراقيين الوحوش الي هم تحت محنة الحرب ورواتبهم ابصم انها ماتيجي ربع رواتب لاعبين العنابي

لكن اخذو كاس اسيا ليييييش ؟؟؟

في حد يقدر يجاوب على هالسؤال ؟؟؟


ليش لاعبين العراق الي ماعندهم اعداد جيد ولا راتب جيد ولا شي اخذو البطولة بينما لعيبة قطر طلعوا بسواد الويه ؟؟

الجواب وببساطه لانه عراقيين اصل ورجال

ولما نعطيهم اغنيه ولا انشوده نقولهم فوق ارفع ايدك فوق ارفع ايدك انت عراقي وافتخر

ولما نبي نعطي للسعوديه اغنيه ولا انشوده نقولهم ..نسور نجد الاقوياء كفيتوا ووفيتوا


بينما شنقول حق لعيبة العنابي ؟؟

شخبط شخابيط لخبط لخابيط مسك الالوان ورسم على الحيط

ههه العنوان


مو بس العنابي .. حتى الازرق
وراهم ناس ماتهمهم الا مصلحتهم .. اخر اهتماماتهم اسم وسمعة الوطن

ما نقولهم غير Good Night

صدقت والله,,

منتخبنا رايـح وطي ^_^,,

ويستاهلون اللي يجيهم,,

لا تتوقع من لاعبينا شي ...

معطينهم كل شي ... ومدلعينهم ... والي يبونه موفرينه لهم

ومع ذلك لا روح ولا لعب ولا نتيجه

لانه المسؤولين ما يحسسونهم بالمسؤولية ... ولا حتى يحاسبونهم اذا غلطوا

ومخلين القرعه ترعى

مايشرفني انهم يمثلوني

ما اتشرف اني اتكلم عنهم اصلا


ههههههه ع العنوان

من صدقك انت .. منتخب الخداي

ههههههههههههههههههههه والله العنوان تحفه وراااااااااااكب على لعيبة الدلع هههههه

أقول أخوي اشله تحرق قلبك معاهم اذا احنا اهل قطر نفسنا ملينا وخلااااص عرفنا انه لا حياة لمن تنادي اذا الحين رايحين يستكشفون مواهب من افريقيا حق قطر !!!!! والله عجيبه يادنيا ((( خيرنا لغيرنا ))) .
الكوره ما يبلها الموجودين !!!
يبيلها مسؤول مثل عبدالرحمن بن عمير ومعاه سلطان السويدي قلبه على قطر وعيال قطر واسم قطر ويبيلها مدرب محد يتدخل في شغله ويقول له حط فلان وحط علان وطرشوا فلان ولعبوا فلان وهذا يلعب لانه في النادي الفلاني وهذا جاطوزا الكره القطريه وهذا كافوا الكره القطريه !!! ايه على ايامك يا ايفرستوا !!!!!!!!!!!!!!!!!!!!!!

الواحد ايش يقول، زهقنا من الكلام لان مافية حل