السلام عليكم ورحمة الله وبركاته
في كرة القدم الفوز حق مشروع للجميع
والفرحه بكل انواعها المسموحه حق مشروع ايضا ولا غبار عليها
ولكن بالأمس رأينا تصرفات مرفوضه في ملاعبنا القطريه ضد جمهور قطري شقيق لنادي للعربي وللأنديه القطريه جميعا
في ضربات الترجيح :::
الاعب بو شعيب المباركي بعد ان احرز الهدف
اشر على اذنيه انه لايسمع ما يقال وهذا امر مشروع ولكن ان يبصق وهو يشاهد الجمهور امر مرفوض تماما ..
الاعب سيد البشير : بعد احرازه للهدف اشر بحركة اصمت او اخرس للجمهور (( جب )) باللهجه القطريه
وهي بوضع الشخص اصبع السبابه على ثمه
والاعب وليد حمزه وهو ذاهب للأحتفال بعد هدف الفوز يأشر للجماهير الريانيه بالجلوس

فما هو دور ادارة العربي من هذه التصرفات !
وما هو رأي الجماهير كلها بشكل عام
ولماذا الأهانه للجمهور الذي يجب ان يحترم من الجميع سواء جمهور الريان او العربي او السد وا غيره

في ملاعبنا القطريه ندعو للأخلاق واللعب النظيف
لكن ان نرى هذه التصرفات من قبل هؤلاء الاعبين امر مرفوض تمام ويجب ان تكون هناك عقوبات
سواء من ادارة النادي او من اتحاد الكره

(( والاعب وليد حمزه وهو ذاهب للأحتفال بعد هدف الفوز يأشر للجماهير الريانيه بالجلوس ))

انزين يمكن يبيكم تقعدون اتشوفون الاحتفالات >>> خخخ لااتغشمر


:: العميل السري ::

يعطيك العافية يالغالي ع الموضوع ،،

صدقني والله ثم والله ان هالتصرفات ماتعجبنا كجماهير العربي ،، واحنا مب راضيين عليها ،،

وانتوا على العين والراس وهالحركات ما تقلل من قدركم ،،

واتنمى ان تكون هناك وقفة من الادارة بس تكون بعد الموسم لان تدري اللحين احنا في مرحلة صعبة وعلى بعد خطوة من النهائي فـ مايصير نحاسب اللاعبين في هالفترة لان بيكون بمثابة التحطيم لهم ،،

ولاتزعل ولاتشيل في خاطرك ،، كلنا اخوان ،، ونبي وقفتكم معانا

فمان الله
توتي العربي

هلا الغالي توتي العربي
والله بالعكس ما مب زعلان وبارك لكم اكثر من مره وتستاهلون الفوز وكلنا اخوان اكيد
لكن طرح الموضوع لمعالة هذه التصرفات
وكم مره طرحنا عن وليد جاسم من قبل
واحمد خليفه من قبل كم موسم وكان كلها تدور حول هذا المحور نفسه
حرام الدوله تخسر على دوري قوي واخر شي نشوف تصرفات مثل هذه نسيء للدوري القطري
وتسيء للنادي الي يحملون شعاره قبل لا تسيء للجماهير الاخرى
وتحياتي لك عزيزي

اخوي عاشق الجوفتنس
اذا الشي عادي بالنسبه لك مب عادي بالنسبه لي
وانصحك تقرى الموضوع مره ثانيه لانك بعدت كثير عن الهدف منه
وخذت الامر انه رياني محتر يكتب موضوع يبي فيه ايقافات حق لاعبين العربي لانهم فازوا عليه
واني ادس السم في العسل عندي مواضيع اخرى اقدر استغلها لو كنت ابغي على حد تعبيرك نشر الكره بين الجماهير
واذا التصرفات تصير برى عندهم شي عادي عندنا في قطر شي مب عادي اكيد
ولا احد يرضى على نفسه وعلى جمهوره الا اذا كان متعود على الاهانه
وتحياتي لك

أخوي العميل السري ...

بوشعيب قال أنه ماكان قاصد يبصق وقالي هالكلام شخصياً وحلف برب العباد أنه مركب تقويم

جديد وريقه ناشف وبس حط ايده على اذنه لان الجمهور الرياني كان يقوله اووو يوم ضيع الضربة

الولى قبل اعادتها ...

واذا كان قاصد مب عدله عليه كلاعب كبير له صولات وجولات في الملاعب الخليجية ,,,

واما عن الاخ سيد البشير يوم يأشر بصبعه اششش للجمهور الرياني ...

فأقوله الجمهور الرياني مايستحق انه أحد يسكته لأنه ملح الكرة القطرية ..

ووليد حمزه أشوف حركته عادية وكل سنة يسويها لأن على تحدي مع فريق الريان

وأنه على حد قوله تخصص رياني ...

وأقول للي أخطأ من لاعبين العربي

تعلموا من علي رحمة اللي أول شي سواه راح هنأ الجمهور العرباوي...

والجماهير الريانية والعرباوية كلهم كبار وملح لأي بطولة قطرية فلا نخسرهم يالاعبين ...

وتحياتي لكم .....

مشكووور اخوي العميل السري

اولا عن وليد هذه مب أول مره يسويها عشان نحس انها غريبة

وعن سيد البشير يقول اششششششششش وليس " جب "

وعن بوشعيب : ذكر في السابقة بعد انقاله لنادي العربي .. انه يحترم جمهور الريان ويحن له ولكن لا يحن لإدارة النادي والمدرب .. وما اضن انه بصق للجمهور .. ولكن حركه انه لا يسمع برد عليها


نشوف لاعببن عالميين يسوون حركات اكبر من هالحركات .. وهذه طريقة للتعبير وما يمنع فيها نوع من المشاكسه بين اللاعب وجمهور الخصم .. وهذا أمر طبيعي

" يعني اذا بنتكلم عن هالامور ليش ما نقول ان في حركات ما يرضاها مجتمعنا كرقص بعض اللاعبين أمام الجمهور وخصوصاً ان عيب الرجال يرقصون "

وهذا يعني بعد نقدر ندرجه انه ما احترم الجماهير .. فيمكن يكون هناك شياب ويمكن يكون هناك مطاوعة

فيعني ما نقدر نقول انها اشياء فيها شي إلا اذا كانت مثل " بصق على الجمهور و حركات لا أخلاقيه "

وانا أقول لو حركة بوشعيب كانت موجه فعلا للجمهور فهذه حركة يجب اجراء اللازم فيها من ناحية الادارة و الاتحاد

ومشكوووور اخوي العميل السري

مشكور اخوي العميل ع التوضيح
والله اني مب راضي على الحركات الي قامو فيها الاعبين بس وقت الفرح الوحد اسوي اي شي
وحقكم علينا ياهل الريان وسمحولنا واسفين
وعلى الراس ياجمهور الريان

والله الصراحه يالربع الحركه اللي صارت امس من لاعبين النادي العربي تسيئ حق جماهير نادي الريان وتسيئ لسمعة الكره القطريه ،،،، محد فينا سواء رياني كان او غرفاوي او حتى سداوي ولاحظوا اني اقول (( سداوي )) بيرضى انه هالحركه تصير في ملاعبنا

وعندي ملاحظه حق اخوي عاشق جوفنتوس يالغالي انت سؤالك هل الكره او الغيره تجعل الجماهير تبحث فيما خلف الكواليس ..... الخ


السؤال اللي انا اسالك اياه يالغالي هل الغيره والكره توصل الاعبين لانهم يسوون هالحركات للجماهير ؟؟؟



وشكرا

صج ان الرياااااان خسر

صج ان الظلم وصل حده امس

(( ولكن )) لقطة فرحة جماهير العربي (( ونستنا ))

وان شاء الله الكاس لهم بأذن الله


وان شاء الله بيسكووووو يكون جاهز 100 %


اما الحركااااات

فربما اللاعب يفرض نفسه من خلال عدم تواجده بالمباراه (( بفعل شي بالملعب ))

شفنا المباراكي (( كان راقد بالمباراه ))

ووليد (( اللهم الفرصتين )) والباقي ارقااااد

ومستووووواه نزل من قلب (( مع اني كنت اطالب بانظمامه دائما للمنتخب ))

ولكن (( فعلا اثبت ان مستوااااه هاااااابط ))