مراااااااحب

هلا وغلا باعضاء العنابي

اجري لقاء مع سعادة الشيخ احمد الفهد رئيس اللجنه الاولمبيه الاسيويه

بعد مباراة الكويت والامارات والي انتهت بفوز المنتخب الاماراتي وتاهله

للدور القادم ..

قناة الكاس والدري تقوم بتغطية اي مباراة ايضا في بلد الفريق وكان في

مراسل لقناة الكاس في الكويت الشقيقه واخذ بعض اراء الشارع الكويتي

وكان الجميع غاضب من المنتخب ومن اداراة المنتخبات الكويتيه ومجلس الاداره ..

سئل المذيع المتالق جاسم حسين الشيخ احمد كذا سؤال ومنها انه يوجد غضب

كبير في الشارع الكويتي على المنتخب وعلى ادارة المنتخب فرد الشيخ احمد :

ماشاء الله وصلت اليكم التكنلوجيه السريعه عشان تعرفون رد الشارع الكويتي

فكان رد عادي منه او كمداعبه وبعدها قال للمذيع لا تتذيكه على (لاتصير ذكي))

فانا ربيت الكثير من المذيعين المبتدئين مثلك واذا كنتو تبون تتشمتون فشوفو

منتخبكم قبل ونتائجه الايجابيه والي وراه الشيخ جاسم بن حمد ...

استغرب هذا الكلام من الرياضي والسياسي الكبير الشيخ احمد الفهد

لان قطر واهل قطر ليس اهل للشماته وانهم يحبون اهل الكويت وجميع اهل

الخليج ولله الحمد وهذا الطبع ليس فينا ..

اذا كان في داخلك لحد الان زعل بسبب الاسياد ومباراة اليد الشهيره

فهذا شي راجع لك ياسعادة الشيخ وانما نحن لانكن لكم الا كل

تقدير واحترام ومحبه ياشيخ احمد


تحياتي لكم

المزوووحي

صح لسانك يالمزوحي

انا بنفسي جفت المقابله وانصدمت !

مادري شفيهم علينا

وهاي وصلة الفيديو

http://www.qfup.com/gc18/fahad.wmv

المذيع ماقال الا الصج..
والحمدلله قنواتنا كلها تطور وتكنلوجيا وتنقل الحدث من الشارع الكويتي وغيره وعلى وجه السرعه..وهالشي مب عيب..الا بالعكس..شي يتميز به اعلامنا..
ونتايج منتخبنا احسن من منتخب الكويت..
والشيخ جاسم شيخ الشباب مب مقصر..وعلى الراس وعلى العين..والكل يشهد..يحصل لهم لو عندهم شيخ مثله..
لا من طبايعنا الشماته ..
وياما صارت بطولات وخساير للعنابي..وفوز..عمرنا ماتشمتنا..

الله يهداهم المسؤولين هالايام فبعض الدول قامو يقطون خيط وخيط..ولا يثمنون حجيهم..
للأسف..شنقول..
شخلو حق لصغار..

هذا وهو شيخ وشخص مسؤول على المستوى المحلي فبلاده وعلى المستوى الاسيوي..

مشكور اخوي المزوووحي على هالطرح...
ويعطيك القوة والعافية

الرابط مايشتغل بس صراحه رد غريب جدا منه

الرابط شعال

توني مجربه

بس الصراحه

كلش مب حلوه

يوم يقول للمذيع لاتذيكه علي انا ربيت وايد مثلك

مسكين المذيع ساكت وماتكلم ولا علق

هاي اخلاقنا دوم فوق

والله الي انا اشوفه انه الاتحاد الكويتي كله بكبره يستقيل
وحرام هالمنتخب الشاب الكويتي يموتونه
لانه وبكل امانه قدمو وقامو بالي عليهم
يبيلهم صبر هالعناصر الفذه وانا من الي انعجبو في لعب فهد الفهد
واتمنى له مستقبل كبير
والشيخ حمد الفهد اعتقد لو مايصرح ابرك له ويفك عمره
والشعب والشارع الكويتي له الحق في انه ينتقد ويقول الي في قلبه
يبي الناس تنطم !!!!!!!!!!!!!!!!!!!!!!!!!!!!!!!!!!!!!
ملاحظه : اهل قطر والله من اطيب الشعوب والي تكن احترام للجميع
تحياتي وشكرا المزوحي

وشهد شاهد من اهلها

هلااا وغلااا

المزووحي

لاتلومه الظاهر الخسارة مؤثره عليه ونسى ان كلامه راح الجميع ياخذ موقف منه

وماكنت متوقع هالرد منه

لكن هارد لك يااحمد الفهد ولو كان قلب على المنتخب الكويتي كان تميت في الاتحاد

وماخليت غيرك ياخذ مكانك

تحيتي لك

بصراحه رده يدل على عدم ثقتبه بنفسه ولابمنتخبه ولابلاعبينه ولابالاتحاد كله ...

وهذي اثار طبيعيه بعد الخروج المذل ...

وماينلام احمد الفهد لانه مالقى من يشرفه في المشاركات الخارجيه ...

لان البطوله الخليجيه هي اخر بطوله لهم الينه ذي بعد ان خرجوا من تصفيات امم اسيا ...

تحياتي لكم ...