السلام عليكم ورحمه الله وبركاته ..

شدعوه مافقدتوني .. صار لي اسبوعين مادخلت ..>> يعني الاخ مهم

بقولكم شالسالفه ..

يوم الجمعه 15-12-2006 رحت حفل الختام مع اني كنت مريض بس رحت عشان اصور لكم ..
وعقب ماخلصت من الختام رحت المسيره >> هذا والاخ مريض ..
وصورت لكم صور وااايد ..

المهم ثاني يوم من الصبح رحت سيلين مع الربع عشان يبون يحتفلون بفوز المنتخب >> عاد انتوا عارفين نوع الاحتفال ..

أول ماوصلت ظلمت الدنيا وغرقنا المطر وتمينا قاعدين فالعنه .. عاد من الملل رحت جبت اللاب توب من السياره وخف المطر شوي قمت طلعت برع وقعدت أجهز الصور عشان انزلهم ..

ماوعيت إلا اللاب توب ينسحب من يدي ويطيح علىى الأرض رفعت راسي الا واحد من الشباب مار الاخ بالبطبطه وطير واير الcharge من الاب توب .. وطفى اللاب توب ولا عاد اشتغل ..
المهم حطيته في الشنطه وخليته فالعنه ورحت ابرد الحره فالطعوس ..

رديت على المغرب وتمينا سوالف وضحك وعقب رجعت البيت .. >> نسيت اللاب توب ..
والاخ نفسه بو البطبطه خذاه وحطه في معصرة الزرقاء واتصل لي الصبح يقول: " حطيت لاب توبك فالمعصره "


تخيلوا الصدمه وقف قلبي .. والله هالانسان ماعنده احساس بالتكنلوجيا ..
المهم رحت المعصره إلا اللاب توب محذوف ..>>على بالهم جباتي ..

وانا معصبب حدي ..

خذته عقب وديته حق ورشه dell قالي واحد من اللي يشتغلون شمسوي فيه قطه احسن لك ..
>> بعد .. انا بروحي مفووول ..

المهم ان القطعه اللي يركب فيها الcharge تحركت وخلوه عندهم يصلحونه .. وتوني جايبه ..

شفتوا القراده .. والله قلت يمكن الله غاضب علي كنت بحج ..

الله لايبليكم ..

اخليكم مع الصور ..



تذكرتي



كيس القرنقعوه مع ادوات التشجيع .. كخخخخخخخخ

يعطيك العافية أخوي جاسم وتسلم ع الصور الحلوة وبنفس الوقت ماتشوف شر يالغالي

الله يعافيك .. والشر مايجيك .. وتسلم اخوي بن جاسم على المرور ..

هلا اخوي جاسم
مجهود ولا اروع اخوي
والله يعطيك العافيه

والصراحه تصويرك ابداع
وما تشوف شر ان شالله
وترى والله افتقدناك الغالي
ويعطيك الف عافيه وعودا حميدا

الله يعافيك العميل السري ..
تسلم اخوي على هالمدح ..
والشر مايجيك ..
وعساك ماتفقد غالي ..

واشكرك على المرور المتميز كالعاده ..

هلااا وغلااا

اخوي

يعطيك العافية

وحمدالله على سلامة كمبيوترك

وسالفتك سالفه والله

ويالله بانتظار نشاطك في كاس الخليج

تحيتي لك