السلام عليكم

موضوع نبي انشوف رايكم فيه قبل مبارة الاحد بين ايطاليا وفرنسا
الموضوع يتعلق بفضيحة الدوري الايطالي ومدى تاثيرها على نفسية
اللاعبين.

الاخبار كما تناقلتها وسائل الاعلام ان صحت تقول بان المدعي العام
قدم في دعواه الأتي

1- اليوفي الي درجة اقل من الثانيه وتجريده من لقبين وخصم نقاط بداية الموسم المقبل
2- الميلان ولاتسيو وفيورنتينا الي الدرجه الثانيه مع خصم نقاط
3- قرارات بإيقاف مسؤولين بارزين في الانديه والاتحاد وبعض الحكام

المنتخب الايطالي حاليا يضم 12 لاعبا من اصل 23 من هذه الاندية
الاربعه. تقريبا نصف المنتخب وهم

اليوفي : بوفون و كانافارو و زامبروتا و كامورانيسي و ديل بييرو

ميلان: بيرلو و جلاردينو و جاتوزو و نيستا و انزاجي

فيورونتينا: لوكا توني

لاتسيو: الحارس بيروتزي و اودو

هل خبر وعلى حد تعبير وسائل الاعلام ومنها قناة ART التي ذكرت
بان الخبر طلع قبل مبارة المانيا بكم ساعه اي ان اللعيبه ماكان عندهم
علم بهل موضوع وهو يلعبون.

فاكيد احين اللعيبه وصلهم علم بالموضوع فهل لهذا تاثير على نفسيتهم واستعداداتهم
خصوصا وان كل لاعب من هل 12 راح يفكر ايش راح يكون مصيره لو فريقه
نزل للدرجة الثانيه ؟

وهل مدعي العام هل فكر في هل شي قبل مايصدر قراراته وليش مانطر لين ماتنتهي
البطوله ويكون لكل حادث حديث وقتها ؟

بنتظار ارائكم

تحياتي للجميع

السلام عليكم ورحمه الله وبركاته

اخي الكريم

SPIRIT_OF_QATAR

يعطيك العافيه على الخبر

بس اتوقع ان مثل هاللعيبة وبمستواهم ما يتاثرون

لان الاندية الكبيرة بتتنافس عليهم

هلا الوعب

شمسهرك خخخخخخخخ

انا معاك ان اللعيبه كبار واحتمال مايأثر عليهم هل شي

بس في حال خروج هل لعيبه من انديتهم نفس ماقلت الانديه الثانيه
راح تحاول ضمهم بس اسعارهم ورواتبهم بتنزل لانهم يبون اي نادي
عشان يتمون يلعبون في الدرجه الاولى واكثر الانديه الايطاليه ميزانياتها
ماتسمح لهم يدفعون رواتب كبيره لمثل هل لعيبه وصعب انهم يطلعون
برع ايطاليا لان عندهم عوايل والتزامات فيها

وهاي نقطه بتكون في بالهم ويمكن اتأثر عليهم من رايي

مسهرني اللي مسهرك هع هع هع

انا معاك في نقطة انهم عندهم اللتزامات بس الكورة اهم ومستقبلهم

وهم محترفين مش هاوين وحتى لو صار مثل ما قلت بس بعد في اندية تتمنى تاخذهم

وبتكون فرصة ما تتفوت لهم وكل نادي بيحاول يدفع اكثر لهم هذا رايي

انا مافي شي مسهرني غير هل نت البطي ولا المفروض امخلص شغلي من زمان
بس لاتسوي شات لاحرر ردك خخخخخخخخخخخ

نرجع لموضوعنا

انا اتفق معاك بعض الشي في الي اتقوله
بس الانديه الاربعه الي بتنزل انديه قويه ولها اسمها
لو انزلت بتحصل الانتر وروما هم الاقوى من حيث الاسم والبطولات
وكل الاعيبه بيحاولون ينضمون لهل انديه عشان يضمنون بطوله على الاقل
وطبعا هل انديه مابتقدر اتضم وايد لعيبه لان تشكليلتها تقريبا كامله
فلو لاعب يبي ينتقل لهل ناديين راح يرضى باي عرض يقدمونه منهم.

اما لو اللاعيبه قرروا يتمون مع انديتهم ومايطلعون وبيستحملون سنه
في الدرجه الثانيه فهاي كلام ثاني. بس شفنا اول القرارات الي اطلعت
استقالة مدرب اليوفي وراح ريال مدريد.

انا اتوقع بيأثر على اداء اللعيبه في النهائي بشكل او باخر بس مو بنسبه
كبيره.

=هلا اخوي اعتقد ان القرار قد يؤثر ولو صبرو الى نهاية المونديال =

اذا كانت الحكومة الايطالية تعتقد ان هالشئ يؤثر سلباً على الفريق

فأعتقد ان هناك قرار راح يصدر من الحكومة يلغي هذا الشئ

او ان الخبر راح ينفى بصوره مؤقته الى ما بعد الكأس (بصورة بيان رسمي )

وانا اشوف ان لازم الاندية المخالفة لازم تأخذ جزاها

وحتى لو الله كتب لايطاليا نيل كأس العالم

فلعلهم يأخذون ذلك ذريعه لاصدار امر العفو

فالمخالفات التي حصلت ليست سهله بل كبيره في حق الدوري الايطالي

ادري قمت اخربط في الكلام بس اتمنى فهمتوا قصدي وفكرتي

هلا رجروووج

اوافقك الراي

وتسلم على مشاركتك

هلا القاضي

كلام جميل واعتقد الحكومه حاولت التكتم على الخبر
لاني ادور على الخبر في كذا موقع اجنبي مختص في الكوره
وماشفت شي حتى في الموقع الرسمي للاتحاد الايطالي ماذكروه
اكتفوا بذكر ان المدعي العام طلع قراراته واعطاها للانديه.

وانا جاء على بالي مثل ماتقول انهم يلغون العقوبات في حال فوز
ايطاليا بكاس العالم بس ماتوقع هل شي لان باقي الانديه ماراح ترضى
يمكن يصير تخفيف لها.

تحياتي لك

القرار انشالله يكون دافع للمزيد من التقدم