هلا العميد .. اعتقد حالة فريق العربي واضحه عندهم محترف والاساسيين مواطنين ..

اما عن الموضوع المطروح .. انا اشوف ان مافيه شي وبالعكس صارت حالات سهر من اللاعبين في اوروبا .. مثل الخمار جاسكوين .. ولوبير لاعب استن فيلا .. الي اوقف اكثر من مره والكثير من اللاعبين الي نسمع عنهم .. وصار هالشي عادي نسمع بخصومات من الرواتب مثل ماقال برنس في رده ..

السلام عليكم ورحمة الله وبركاته
اولا اشكرك اخوي العميد على طرح مثل هذه المواضيع والتي تساهم في اثراء المنتدى عموما وتجعل المناقشه اكثر فائده .
وانا ماضيف على كلام الاخوان هم ردوا واعتقد انه كلامهم منطقي واعتقد بان من حق اللجنة والتي تقوم بدفع مبالغ الاحتراف للاعبين بان تراقبهم ليل نهار حيث انها المسؤوله ايضا عن صحة وسلامة اللاعب فالسهر يجعل اللاعب عرضه للاصابه اكثر من اللاعب المنضبط وفي حالة الاصابه اللجنه هي المسؤوله عن علاجه ولما كانت اللجنه مسؤوله عن علاجه يترتب عليها ان تراقب اللاعب . ليل نهار وهذا شي طبيعي ومعمول فيه بالدول الاوربيه .
واما مايتعلق بنشر العقوبه والخصومات فهذا شي طبيعي ايضا وهذا الاجراء راح يكون رادع للاعبين الاخرين واعتقد انه نشر الخصومات والعقوبات شي جيد ولكن انا اتمنى ان يتم تطبيق هذا الشي بالعدل وليس بالمحسوبيه .
وعلى العموم انا اشكرك على طرح المشاركات القيمه

هلا العميد

اقتباس:

فمثلا بطل الدوري كم لاعب قطري يلعب اساسي ؟؟

بطل الدوري هو السد .. وفالسد هناك فريق كامل من اللاعبين المواطنين اللي مستواهم مثل الاجانب وعندك الاساسين من غير المجنسين
عبدالله ال بريك و طلال البلوشي و علي ناصر و وسام رزق وجفال راشد و حسين ياسر و ماجد محمد وخلفان ابراهيم
وما لعبوا كلهم جميع المباريات ولكن كانوا شبه اساسيين ولعبوا عدد كبير من المباريات ..

اقتباس:

ولنفرض أن اللاعب الوطني جاته فرصه للعب في مباراة وقدم مستوى رائع يفوق اللاعب الاجنبي المصاب أو الموقوف مثلاً .. هل سيتم الاعتماد على هذا اللاعب المواطن والاستغناء عن اللاعب الاجنبي ؟؟؟

نعم .. وشوف خلفان ابراهيم وماجد محمد في السد فرضوا نفسهم على الهجوم وفي كل مباراه يلعب واحد منهم اساسي أو يلعب علي عفيفي ...
وفي العربي شوف وليد حمزه و سيد البشير افضل من المحترفين واجلسوا المحترفين بالاحتياط ..

واخوي .. اللاعب ان ما كان يعرف معنى الاحتراف ما يستحق ان يكون محترف.. اصلا هو ليش يغلط من الاصل ويسهر أو يسوي شي مب مفروض يسويه ؟
احنا كجمهور من حقنا نعرف ماذا يحدث للاعبين .. في اشيا ممكن تتغاظى لجنة الاحتراف عن ذكرها ولكن ان صادوه سهران أو يدخن المفروض يقولون انهم صادوه هو مب مسوي شي حرام ولكن شي مخالف لعقد الاحتراف اللي موقعه فما اظن فيها فضيحه ......!!

اللاعبين المواطنين مستواهم يرتفعم ولكن للأسف مثل السلحفاه .. وما راح يصير عندنا لعيبه على مستوى الا لما يعرفون شنو يعني احتراف وهالفرق بين قطر واليابان مثلا .. فعلى الرغم اننا كنا نسبقهم بمراااحل ولكن اليابانيين يعرفون الاحتراف ولا اكثر من الاوربيين وشوفهم اللحين شلون صاروا ..

انا بصراحه مع أي شي ممكن تسويه لجنة الاحتراف لضبط اللاعبين اما الاستهتار والدلع اللي شفنا اللاعبين عليه هالموسم والموسم الماضي فما اعتقد انه بيفيدنا بشي وخل يردونهم هواه احسن ..

تحياتي

حياك الله أخوي أبراهيم .. وشاكر لك المشاركة القيمة ..
بس أخواني في توضيح بسيط .. هو أنني أتفق مع لجنة الاحتراف , فيما يتعلق بسهر اللاعبين فأنا لا أؤيد سهر اللاعبين والتصرفات الشخصية التي تؤثر على أداء اللاعب مثل التدخين والسهر وغيره .. ولكني أختلف مع اللجنة في طريقة علاجها للمشكلة .. فلا اعتقد بأن وضع جواسيس أخر الليل لتصيد اللاعبين هو الي سيمنعهم من السهر... ولا أعتقد أيضاً بطريقة الفضائح والتشهير عبر الجرائد وسيله جيدة لردع اللاعبين عن السهر ..
فاللاعب لو أراد ان يسهر سيسهر لين ( نص الليل ) أو حتى ساعات الفجر الاولى عبر الهاتف وفي غرفتة .. مع حبيبة قلبة ( ليلى ) ..
فالهدف هو منع اللاعبين من السهر .. وليس منعهم من التواجد في أماكن عامه في الليل وبعدين يروح يكمل سهره في البيت أو أي مكان أخر ..
أنا مع لجنة الاحتراف في مراقبة اللاعبين .. ولكن ليس مراقبة تصرفاتهم ..بل مراقبة مستواهم الفني.. فالمستوى هو المقياس فاذا اللاعب يسهر سيكون مستواه متدني وبالتالي يلغى عقده الاحترافي .. ويعود كهاوي .. واعتقد بهذه الطريقه ستكون حافز للاعبين لعدم السهر حتى يرتفع مستواهم ..

أخوي برنس قطر .. اللاعبين اثبتوا نفسهم في الفرصة اللي حصلوا عليها .. بس ماسمعنى أنه تم الاستغناء عن لاعب اجنبي لان اللاعب الوطني أثبت نفسه في الفرصه اللي خذاها .. وصدقني اسماء اللاعبين اللي ذكرتها في نادي السد .. هم المفروض يكونون اساسين في المنتخب مش في النادي .. لكن النادي يشرك واحد ويخلي اربعه احتياط ... ثاني شي أعتقد نادي السد المفروض ولا لاعب اجنبي يكون عنده على اللاعبين الوطنيين ومستواهم العالي .. لكن شتقول
ـــــــــــــــــــــــــــــ