×× ليش يا وليد جاسم ...؟! ××



هذا الموسم مر على الريان 4 مدربين
اختلفوا في كل شي .. في خططهم , تشكليتهم وحتى جنسياتهم
ولكن اتفقوا على شي واحد

وليد جاسم ما يلعب اساسي ......!!

بداية الدوري جميعنا لام المدرب فرينانديز والقينا اللوم عليه بعدم اشراكه لوليد جاسم وانه لاعب ممتاز ويجب ان يكون اساسيا ..
ولكن رحل فرينانيدز وجاء حرمة الله ورحل حرمة الله وجاء مادجر ومن ثم رحل مادجر وجاي لوزانو
وما زلنا نرى وليد دائما على دكة الاحتياط ..

فما السبب ياترى ...؟!
ولماذا هبوط المستوى لوليد ..؟! وهل يربد وليد ان يبقى على دكة الاحتياط الى الابد ؟

وليد موهبه كبيره لا يختلف عليها اثنان .. ولكن رأينا الكثير من المواهب تدفن ولاعبون يدمرون انفسهم وهم صغار على الرغم من موهبتهم وبعد مدى ينساهم الجميع ولا يذكرهم احد .. على الرغم من انهم لو ارادوا لاصبحوا من افضل اللاعبين في تاريخ بلادهم .. وياخوفي ان هذا هو الطريق اللي يمشى عليه وليد ..

واتمنى ان نراك يا وليد تعود لمستواك وتنسى هالموسم تماما

تحياتي

مشكووور اخوي برنس على الموضوع
بس وليد صار مغرور والغرور اذا وصل للاعب يدمـــــــــــــــره .
شاطر بس يتعلج ويتمشى في الملعب.

هلاااا

×× الفريديوني ××

الكل يقول بأن وليد صار مغرور .. ومن وجهة نظري غروره ليست مشكلته ولكن استهتاره .. فالغرور شي والاستهتار شي اخر ..
وليد مستهتر جدا في لعبه مع الريان وحتى في التدريبات ما يقدم كل اللي عنده والى الان لياقته مب كامله واحنا وصلنا نهاية الموسم ..!

ومشكور على المرووور والرد الفريدوني

×× الحارث ××

فعلا وليد اخر مباريات ما قدم شي .. وحتى الضربات الثابته يلعبها بكل برود يا في الطوفه يا خارج الملعب .. يلعب من غير روح كانه داخل مجرد تأدية واجب ..

ومشكور على المرووور والرد

وليد لياقته ما تسعفه انه يلعب شوطين حده حده شوط ,, وهو ما صار يهتم بنفسه ما اقول الا ما شاء الله عليك يا عادل لامي الله يحفظك من الاستهتار والغرور ويخليك للريان

هلا اللاعب المخضرم

معقوله لاعب عمره 20 سنه واحنا في نهاية الموسم وما عنده لياقه ....!!
عيل لا وصل 30 سنه ايش بيسوي .!!

بصراحه وليد دائما حتى في كأس الخليج ما كانت عنده اللياقه يلعب شوطين بس اللحين صار اخس حتى ربع شوط ما يكمله ..

وياريته يقتدي بعادل لامي ونشوفه يلعب بحماس مثله ..

ومشكور على مرورك وردك اللاعب المخضرم

هلا اخوي برنس قطر ..

فعلا وليد صار يحرق الاعصاب وماينلامون فيه مدربين الريان

وانا صراحه عندي احساس ان يبي يطلع من الريان ويمكن في باله شي ثاني

واو يبي ينتقل وهذا واضح من لعبه اللي فعلا بس تادية واجب ..

وهو صراحه مب قد فانيلة الريان اللي لابسها ..

هلا والله برنس

ياخوي وليد مو معروف هو شيبي تحس انه الاعب يلعب بدون نفس هل هو يبي يروح نادي ثاني , هل في شي متضايق منه في الريان ماقول غير الله اعلم لكن لو لاحظت مع المنتخب يكون ادائه جيد لكن مع النادي سئ وغير مقنع من لاعب امامه الكثير من العطاء , يؤسفنا انشوف لاعب توه شاب يقتل عاطئه وهو في عزه

صار لاعب بارد و لا عنده اي طموح لتقديم الافضل

و اتفق جميع المدربين الذين اتوا للريان بوضعه في الاحتياط

يعني كلهم غلطانين ؟؟

السبب من وليد نفسه

الغرور اعتقد هو السبب

احيك اخوي برنس على هالموضوع
وفي كلام على زملاء وليد يقولون
انه الاعب محطم نفسيا
والسبب رابح مادجر
والي حطمه اكثر تغير الاداره السابقه الي كانت تعامل وليد معامله خاصه
والاداره الجديده حازمه ولهذا الاعب تغير لعبه ومستواه
وعقب تغير الادارات شفنا وليد حبيس الدكه
والمدربين يتاوالون ووليد حبيس الدمه
لكن اشوفه راجع وبقوه اخر المباريات
وفي التمارين شاد حيله
وينقصه الروح بس

لو تقارن بينه وبين علي المري

علي المري يلعب بروح كبيره احيه عليها
لما تنقطع منه الكورة يحاول ياخذها بسنانه على ما يقولون
عكس وليد الي اذا انقطعت منه الكورة يوقف مكانه ولا همه
ونتمنى يرجع لمستواه المعهود
ونشوفه نجم كما كان في الدوري السابق