الدوحة - الراية :فجر الشيخ جاسم بن محمد نائب رئيس الجهاز الكرة بالوكرة مفاجأة من العيار الثقيل بوجود اتصالات مشبوهة مع عدد من لاعبيه من أجل التأثير عليهم بمحاولة اغرائهم بالتعاقد معهم اعتبارا من الموسم القادم وقال الشيخ جاسم بن محمد خلال المؤتمر الصحفي الذي يسبق المباراة لدينا معلومات بمحاولات من قلة من المحسوبين علي الريان التأثير علي تركيز لاعبينا بطرق ملتوية تتنافي مع الاخلاق الرياضية ولن تؤثر هذه الطرق التي يتبعها البعض علي العلاقات بين الوكرة والريان ورغم محاولات الاعلاميين معرفة الكثير من تفاصيل هذه القضية التي كانت بمثابة المفاجأة التي جعلت المؤتمر الصحفي يزداد سخونة واثارة حتي قبل ان يدخل الفريقان ارض الملعب خاصة ان مثل هذه المحاولات قد تلقي بظلالها علي المباراة.

مادري ليش الوكرة مكبرين السالفة بوشبيب قبل مباراة الاهلي والريان قال عيال مصبح بيوقعوون للاهلي والادارة ماكبرت السالفة
قد يكون عذر اذا خسر الوكرة اليوم!!!!!!!!!!!!!!!!!!!!!!!!!!

السلام عليكم ورحمة الله وبركاته

اشوفك اخوي بن الريان ماخذ راحتك ومحد تارس عينك

كأنه غريقكم ما يحتاج اسي ميلان اللي يسمعك

وبعدين حتى لو كان فيه اتصالات مع بعض اللاعبين هذا الشسي مش غريب على

نادي الريان



والحين محترفين الوكرة[/size]

عاد من زينهم

على ما اعتقد ان محترفينا ما فيهم شي ومن احسن المحترفين مش كلهم

بعضهم مونتانا من احسن المحترفين واعتقد اي نادي يتمنى انه يضمه ومن بينهم

الريان وفوزي بشير كذلك تحلمون انه يكون عندكم لاعب مثله

صحيح انهم ما قدموا شي في مباراة الامس لكن من افضل اللاعبين

في الدوري القطري



يكفيــهم أن حسن حرمة الله رايح الوكرة هدية من ادارة الريان

من قالك انه هدية انتم كنتم مبتلشين فيه ولا بعارفين وين تودونه فخليتوه مسؤول عن قطاع الفئات السنية على ما اعتقد بعد ما قاد فريقكم في كذا مباراة وليكون راتبه من ناديكم وانا ما ادري ترى اللجنة الاولمبية هي اللي تدفع راتبه يوم كان عندكم وحتى يوم جانا في نادينا

واعتقد ان لوزانو تبرع لكم فيه نادي السيلية بعد التخبطات الادارية اللي عندكم من مدرب لين مدرب

ويكفيهم ان ادارة الريان يوم بغة تفاوض كل من ضاحي ونايف الخاطر طرشت كتاب رسمي لادارة الوكرة وماتبعوا اساليب ملتويه مثل ماقالوا[/center][/quote]

ما عتقد ان كل شي يتم عندكم يكون بطريق رسمي

واللي شاف مونتانا امس شلون يتمشى في الملعب راح يعرف ان كان في اتصالات

والا مافي اتصالات


المهم انتوا فزتوا امس والف مبرووك مع ان الصراحه امس

ما قدمتوا شي في المباراة

والمباراة كانت متواضعه من الفريقين ولا فيها شي

يشفع لكم بالفوز اللي قاعد تتفاخر فيه

المهم اتمنى اني ما كنت ثقيل عليك في ردي فأنا كتبته على عجاله من امري

ويعطيك العافية فأنت اخو عزيز[/color]

هلا
برنس قطر


صراحه انا مع حط في ذمتي


بس مونتانا امس في المباراة عليه الف علامة استفهام .؟؟؟؟؟؟؟؟




وشكرا

هلا برنس

اعتقد اني عرفت من يتصل بلعيبه الوكره لان تكررت حركاته مع كذا لاعب في هالموسم والعام .. من بينهم لاعب العربي هورتادو ولاعب الاهلي سيرجيو ولاعب الشمال سمبا .. المفروض ايقاف هالرجل عند حده

ليتها جاءت فقط على التعاقدات ومُفاتحة اللاعبين بنية التعاقد ،وكما قالا اخواني القاضي وعطية ، مونتانا كانه في جولة سياحية ، فوز للريان بمُساعدة المحسوبين على الريان وهذا ما اتضح لنا اثناء سير المباراة.

وتستمر سياسة "التخوين" ، لا "ويبون الكورة تتقدم عندنا"

"خل القرعى ترعى"



صافي

هلا

×× كيفي رياني ××

مافي عذر للخساره .. ومشكور على المروور والرد

×× بن الريان ××

واحد من جماهير الريان ..!! لا يالغالي ما اظنه من الجماهير ..
ولو كان من الجماهير اللاعب اصلا ما راح يعطيه وجه ..
وبالنسبة لكلام نايف فهو قال ايضا بأن احد الاداريين حاول يتفاوض معاه من دون علم النادي ولكنه طلب ان يرسلوا كتاب رسمي لنادي الوكره وارسلوا الكتاب بعدها ...

ومشكور على المرور والرد

×× القاضي ××

فعلا المباراة امس ما كانت بالمستوى والفريقين قدموا اداء ضعيف والريان افلت من الخساره بالشوط الثاني ..

ومونتانا امس كان كأنه يتمشى على الكورنيش ومعاه اللاعب المالي المحترف
وما يندرى ايش السبب في هبوط مستواه فجأه وبهذي الطريقه ..!!

ومشكور على المروور والرد

×× عطيه ××

فعلا مستوى مونتانا كان محير .. ولو كان في مستواه المعهود اظن كنا بنشوف فوز أو على الاقل تعادل للوكره ..

ومشكور على المرور والرد

×× اباتشي ××

عرفت من تقصد .. ومعاك حق المفروض ايقافه عند حده وما ادري من بيكون ضحيته الجديده ...

ومشكور على المرور والرد

×× صافي النوايا ××

اقتباس:

ليتها جاءت فقط على التعاقدات ومُفاتحة اللاعبين بنية التعاقد

ليش في أكثر ....؟

من وجهة نظري ما اظن الريان كان بحاجه لهالسياسه اللي يتعبها بعض " المحسوبين " عليه ولكن كنت اتمنى اشوف
مباراة قويه ونزيهه بين الفريقين ويلعبون كل اللعيبه وهم يبون الفوز مب يبون اشيا ثانيه ..!

ومشكور على المرور والرد

السلام عليكم ورحمه الله وبركاته

اخي الكريم

برنس قطر

يعطيك العافيه على نقل الخبر بس احب اقولك

المباراة انتهت بالنسبة للريان والحمد لله فاز بهدف مستحق وبكل فن

والمباراة للوكره ايضاً انتهت وبالنسبه له خلاص الموسم انتهى

وخل ادارة الوكرة بدل ما ترمي اسباب الخساره على اشياء ماتقدم ولا تأخر

تاخذ لها اجازه وتريح بالها ومن ثم تفكر في الموسم الجاي واشوف ان الادارة

الحاليه تقدم استقالتهم افضل والا على كلام

اخونا بن الريان وين ملايين المحسوبين على الوكره

واعتقد ما يتقبل الرشاوي والاغراءات من عروض وغيرها الا

اللي عنده نقص سواء من الاخلاص للنادي او الماده او او غيره

وفي النهايه نقول لكل الريانين مبرووووووووووووووووك

وتستاهلون وان شاء الله الكأس رياااااااااااااااااااااااني

ونقول لكل الوكراويه هااااااااااااااااااااااارد لكم وان شاء الله تعوضون

في الموسم القادم

اللي اعرفه ان ادارة النادي طلبت اللاعب ( ضاحي النوبي )
لكن كان هلكلام قبل كاس ولي العهد مثل ما قالت الادراة الريانية ..

وبعدين الريان تعرض لنفس الموقف قبل مباراة الاهلي من السيد خالد شبيب
لكن ادارة الريان وجماهيرة ما سوي شي ولا كبروا السالفة لانهم واثقين من فريقهم ومن لعيبتهم ....
وهذا هو الفرق بينا وبينهم