بسم الله الرحمن الرحيم ..

أود أن أبارك في البداية لكل الريانيين .. من أدارة وجمهور ولاعبين .. على فوزهم المستحق .. وصعودهم لملاقاة الوكرة في الدور النصف نهائي ..

بعد المباراة برر رئيس جهاز كرة القدم بالنادي الاهلي ( خالد شبيب ) الله يعطيه العافيه ..اسباب خسارة النادي .. وهي كالتالي .. اسباب ظاهرة للعيان .. واسباب خفية ..
أما الاسباب الظاهر .. تمثلت في
( الهدايا )

الهدايا التي قدمها لاعبين الاهلي الي لاعبين الريان .. ومنها أتى الهدف الاول بخطاء مشترك بين المدافع والحارس ..
والهدف الثاني هدية من حارس الاهلي .. ( اللي كأنه يصيد ذبانه مش كورة ) .. واعتقد ان الحارس من وجهة نظري لا يصلح أن يكون حارس مرمى أصلاً ..

فكان لاعبين الاهلي بالتأكيد يريدون أن يساهمون في نجاح البطولة .. فأبوا الا يشاركون ويساهمون في أنجاحها بعدم خروج جمهور نادي الريان من البطولة .. لكي تمتلئ المدرجات بالجماهير..

فمعروف أن جماهير الاهلي .. معدودين على الاصابع .. فهكذا ساهم اللاعبين في انجاح البطولة .. بتواجد الجماهير الريانيه وحفاظاً على صحة الجماهير الريانيه من الغضب في حالة خروج فريقها ..

والسبب الخفي لخروج النادي الاهلي هي
( الديون )

فكانت الحاله المالية بالنادي سبب في جلب محترفين ( لا ينفعوا ولا يضروا )
فبعد الديون التي كشف عنها خالد شبيب ظهر عميد الاندية .. دخله لا يساوي دخل جندي متقاعد في الجيش ..
اللاعبين لم يتقاضوا رواتبهم .. سيارات مصارده في النادي .. ومطارات بين الشرطه وحجز باصات النادي ..
فلم بوليسي .. ( جديد ) أسمه ليلة القبض على العميد ..
ـــــــــــــــــــــــــ

السؤال المهم .. أين الداعمين للنادي واعضاء الشرف.. ولماذا لا يقدمون المساهمات الماليه في دعم ناديهم .. ولكن ماعليهم ..شرهه .. أعضاء شرف ما يستاهلون أنهم يكونون أعضاء ..

نجي لعضو أهلاوي كبير صاحب أكبر مجوهرات في الدولة .. وصاحب وكالة سيارات .. وملايينه لا تكفيها بنوك سويسرا .. اين هو من النادي.. ؟؟
لكن تدرون هو مش فاضي للنادي اصلاً فاضي حق مطرب العرب .. ويعطيه ساعات مرصعه بالالماس وخصيصاً تصنعه بأسمه ..ولكن النادي لا يدفع ريال واحد .. لا والمشكلة ياخذ لاعبين النادي يلعبون في المزرعة عنده .. والله حاله ..

الثاني صاحب أكبر الصالونات .. ومن أكبر تجار قطر.. عضو في غرفة تجارة وصناعه قطر.. ترأس النادي لفترة .. ولكن أين هو الان ... يجمع الاسهم .. ويكبر الكرشة .. .

أعطيك حل يابو شبيب .. علشان تجيبهم النادي .. ( أفتح كوفي شوب في النادي ) مثل ستاربكس ..

ولكن حط لهم غراش ( مهياوة ) وغراش ( طريح ) وخبز أيراني وبصل ..
وراسين قدو .. من الزين .

وشوف هالاعضاء اذا ما أرقدوا في النادي ..لا وبيدعمونه بكل فلوسهم ..

في النهاية .. مبروك للريان وهارد لك للإهلي

والله مادري شاقول
لكن اتوقع كل هالامور
في ادارة النادي
وهاردلك اخوي

اعتقد بعد الاهلي فاز عالريان في القسم الاول بنفس اللاعبين والديووون وهذا ليس تبرير مقنع للاهلي

أختي ليه يا دنيا / شكراً لج على المشاركة ..
وموفقين انشالله في كاس الامير .. وخلوا حق الناس شي عاااد
ـــــــــــــــــــــــــــــ
أخوي كيفي رياني / مبروك الفوز .. وتستاهلون ,,
بس يا عزيزي دائماً الهزائم تظهر السلبيات وليس الفوز ..
وصدقني لو الريان مهزوم كان راح اتشوف بلاوي تطلع مش اعذار ..
الله يوفقكم في مشواركم ..
ـــــــــــــــــــــــــــــ

هلا اخوي العميد
اول شي هارد لك
وثاني شي الاهلي والوكره
دايما مشلكة الديون تحاصرهم
والسبب التخطيط غير السليم
واعتقد هذا شأن داخلي ماله علاقه بنتائج المباريات
لان على قولة خالد شبيب
احنا النادي الوحيد الي لو عندنا محترف مصاب ننطر عليه ونلعب بثلاثه محترفين او اثنين لان عندنا فريق قوي وقاعده لاعبين مواطنين قويه
وهذا يمكن يكون صحيح

بس ترى الاعبين كل سنه يروحون معسكر التشيك ...!

يعني لومافي فلوس ما سافروا صح ولا.؟
بمعنى اخر ان الضائقه الماديه للنادي لاتؤثر على نتائج الاهلي

السلام عليكم ورحمة الله وبركاته

اخوي العميد موضوعك جدا حلو ولكن اشمعنى الاهلي المسكين الي عنده اكثر الديون بس انا اعرف السبب لانه يشتري لاعبين مش مدعومين مثل الحليب فيه حليب مدعوم وحليب مش مدعوم .
وثانيا انت لين الحين تذكر صاحب محل المجوهرات نسيت انه هو تركم وراح نادي السد . وبعدين ادارتكم وايد كريمه عيل لاعب تبيعونه من خمس سنوات لين الحين ماتاخذون فلوسه اشدعوة . وبايعنه على من على نادي السد

هلا العميد

بس قولي اي نادي يحصل دعم من اعضاء الشرف .. ؟؟

مافي ولا نادي .. الانديه كلها معتمده على اللجنه الاولمبية

لكن اللجنة تفرق بين نادي ونادي .. تصرف شيكات لنادي ونادي تخليه على لائحة الانتظار .. والنادي الاهلي ماجا وره ..

والله يعين الاهلاويه

هلا اخوي العميد

اول شي ابارك لكل رياني بالفوز المستحق علينا بحكم اني اهلاوي بحت

صاحب المجوهرات اخوي باقولك شي يضحك النادي ماعنده فلوس من شهر

والسيارات محجوزه راحوا الشباب من ابناء النادي الي هاي الشخص

يطلبون منه مساعده عشان الحاله الي يمر بها النادي

لكن الاخ تكرم وعطانا 20 الف ريال بس

الي يدعم النادي بين فتره وفتره السيد عبدالله مصطفوي واخوه طالب مصطفوي

وبس لكن باقي الله يعينهم البورصه طايحه

اخوك الهلال

يعطيك العافيه اخوووي

والخسران دايما يحاول يبرر موقفه