السلام عليكم ورحمة الله وبركاته
******************

جمهور الريان جمهور تعبان
جماهير السد اغلبهم هنود
جمهور العربي دايما يجي الملعب ويطلع خسران
جمهور الغرافه قليل
جمهور الوكرة قليل
احنا جمهورنا اكبر
لالا احنا جمهورنا اقوى واحلا
و .. و .. .. و

ألا تتفق معاي اخي القارئ اختي القارئة بانه هذه الجمل صارت كثيرة
وتتردد بشكل كبير بين افواه الجماهير ؟؟
لدرجة انه الواحد صار يفتح موضوع ليس له علاقة في الجماهير مطلقا
ولكن يتحول هذا الموضوع الى صراع بين جماهير النادي الفلاني
وجماهير النادي الفلاني
---------------------
اخواني .. هل نسيتم ان هذه النوادي كلها تتبع علم دولة قطر ؟؟
اخواني .. هل نسيتم ان الجماهير ماتنقاس بعددها ؟؟
الجماهير تنقاس بروحها الرياضية ومدى حبها للنادي الي تشجعه
ومدى (( احترامها للأنديه الاخرى ))
الوكراوي يهاجم العرباوي
والعرباوي يهاجم السداوي
والسداوي يهاجم الرياني
لاحد ينكر هالشي !!
هالشي صاير قدام عيونا ...
بسألكم سؤال
حتى الرياضة تهاوشنا فيها ؟؟
--------------------
ليش الجماهير ماتكون يد وحدة ؟؟
ليش كل اهل الكويت يشجعون الوكرة ؟؟ ( بس عشان لاعب )
ليش مانوقف مع الفريقين وقفة شجعان في النهائي ؟؟
العرباوي .. قوم جيب علمك الاحمر والابيض وروح شجع السد
والرياني قوم جيب علمك الاسود وروح شجع الوكرة
والغرفاوي جيب علمك والخور والاهلاوي والشمالي
والقطراوي
نبي نشوف استاد خليفه ملون بجميع الوان الانديه
لدرجة الي يشوف المباراة يضيع وماعرف من الي قاعد يلعب
.........
تخيلو المدرجات كلها انترست بجماهير الانديه القطرية
وتلونت بالوان الاعلام .. اصفر واخضر واسود واحمر وابيض وازرق
والله بيطلع النهائي تحفة تاريخية ...
-----------
نصيحه لكل مشجع هاجم نادي آخر
لو انت تكره السد ... ونادي السد عنده مباراة خارجيه ما راح تشجعه ؟؟
لو انت تكره الريان والريان عنده مباراه خارجيه مارح تشجعه ؟؟
لو انت تكره العربي والعربي عنده مباراة خارجية ماراح تشجعه ؟؟
انا متاكد انك بتروح اول واحد وتشجع ...
جماهير العربي .. جماهير الريان .. جماهير السد
جماهير الغرافه .. جماهير الوكرة
جماهير قطر
جماهير الاهلي
وجماهير كل نادي ...
كلكم كباااااااار بحبكم لناديكم (( واحترامكم للأندية الأخرى ))

أتمنى ماينقلب هالموضوع هوشة !!!
واسمحولي على الاطاله

هــــلا
و
غــــلا

فلسطيني وكراوي

مشكور على هالموضوع بس تعليقي لك

المشادات هذي لازم اتكون موجوده وماتقدر تغيرها

شوف جميع دول العالم فيها هالشيء..

اقتباس:

ليش كل اهل الكويت يشجعون الوكرة ؟؟ ( بس عشان لاعب )

أختلف معاك بهالشيء بعد في كثير يشجعون انديه أخرى وشوف قناة المجلس

وشوف المسجات تحت

اقتباس:

تخيلو المدرجات كلها انترست بجماهير الانديه القطرية وتلونت بالوان الاعلام .. اصفر واخضر واسود واحمر وابيض وازرق والله بيطلع النهائي تحفة تاريخية ...

لا لا مايصير النهائي بين فريقين والكل ينحاز للفريق اللي هو معه

بقول مثال شفت مباراة بايرميونيخ مع المنتخب الالماني

كل الجماهير كانت مع ناديهم للعلم انهم كانوا يلعبون ضد بلادهم

اقتباس:

لدرجة انه الواحد صار يفتح موضوع ليس له علاقة في الجماهير مطلقا ولكن يتحول هذا الموضوع الى صراع بين جماهير النادي الفلاني وجماهير النادي الفلاني

هاي شيء بين فئات بسيطه

اقتباس:

لو انت تكره السد ... ونادي السد عنده مباراة خارجيه ما راح تشجعه ؟؟

ليش ماشفت مباراة السد ع الكويت والجماهير المختلفه اللي وقفت مع السد

ربما اتفق معاك في اشياء لكان في الاغلب اشوف ان مافي حساسيه بين الجماهير
والحمدالله مافينا تعصب رياضي اللي مايسبب الا المشاكل

يعني في اختلاف في وجهة النظر لكان في النهائيه اشوفون راضيين على بعض

والنفوس صافيه والدليل عمرك شفت مشاجره بين جماهير ناديين عندنا

لا طبعا والحمدالله

ويعطيك العافية يالغالي



تحيتي لكم

هلا اخوي وكراوي

اعتقد ان الاخ الحمادي ماقصر معاك

ولك تحياتي