ارجو اتشاركوني علشان نلقى حل حق مشكلة اللاعب لوبوف

السداوية · 30-05-2005, 03:08:02 PM

السلام عليكم اخواني
حبيت اخذ رايكم في شي واتمنى انكم تشاركوني فيه
في المبارات اللي لعبها الوكرة لاحظوا في كل مبارة
اللاعب الفرنسي فرانك لوبوف لازم يسويله مشكلة
واللازم ادارة النادي تكلم اللاعب علشان يخف او يحد من هل السلوك
المعيب

فلسطيني وكراوي · 30-05-2005, 03:21:28 PM

والله انا اشوف يا اختي السداوية انه لوبو في مباراة أمس ماسوى شي
ومع احترامي لرأيك بس احب اقولك انه احمد خليل هو الي بدا يتحرش أكثر من مرة
والغلط كله ينصب على راس أحمد خليل
وفوق هذا كله رايح يتكلم أمس في برنامج المجلس ويطلع سوالف ويقول انه لوبوف قذفه !!
من وين يعرف فرنسي احمد خليل عشان بفهم على لوبوف ؟؟
فوق شينه قوة عينه .. والمفروض اتحاد الكرة يصدر عقوبة ملائمة في هذا الحارس ...
وبما انه الموضوع انفتح اسمحيلي اختي الكريمة اطرح هالكلام
للأستاذ ماجد الخليفي الي امس قال انه ( عادي ) التصرفات الي تصرفها لاعبين العربي
من سوء سلوك !!
وقال انه هالشي موجود في جميع مباريات العالم !!
زين استاذ ماجد بسألك سؤال ...
لو حطوك في شارع وعلى يمينك كان في ديسكو .. وعلى يسارك كان فيه مسجد
وعدد الناس الي في الديسكو 1000 واحد وعدد الناس الي في المسجد 10 بس
بتقول نفس الكلام ؟؟
بتقول بنروح الديسكو لانه العالم كله يروح ديسكو ؟؟
كلامك امس مع احترامي لك .. كان واضح لتحريض الجيل الجديد على السلوك السيء في المباريات
...
اسف على الاطاله

السداوية · 30-05-2005, 05:34:19 PM

مشكور اخوي وانا احترم رايك
محد يعرف شنو اللي صار ولا بنعرف

مـلـويّـة رقـاب · 12:49:21 AM

مرحبااااا

لابوف مو اول مره يغلط ومالقى من يردعه

ومن أمن العاقبة اساء الادب ....... وهذا اللي صار

وينكم ياتحاد الكوره تشوفون حل ويا ..... ولا عشانكم جايبينه بفلوس مخليينه يخيط ويبيط

الله يرحمنا برحمته

العــنــيــد · 30-05-2005, 06:01:00 PM

هلا اختي السداويه اشكرج على الموضوع

بالنسبه للاعب لوبوف اعتقد الاعب لوبوف لاع كبير ومعروف ومحترف المفروض يكون قدوه للاعيبه الشباب لكن في اخر الموسم لاحظنا ان مشاكله زادت مع علي النعيمي في مباراه الريان ومع محمد سالمين يوم تفل عليه الله يعزكم وكانت بينه وبين احمد خليل مشاده كلاميه في مباراه الذهاب ومباراه الاياب قام بستفزازه هالاعب الصراحه لازم يتوقف عند حده ويشوفون له حل لانه مصخها لان المباراه الجايه راح يلعبون في ملعب استاد خليفه بحضور سمو الامير اعتقد لوبقى على هالحال راح يقل ادبه في المباراه النهائيه وهذي مب عدله !!

وبالنسبه اخوي فلسطيني وكراوي لحركه لوبوف مع احمد خليل اعتقد لوبوف هو البادي هو الي تحرش في احمد خليل يعني هو الغلطان واحمد خليل يمكن هذي اول مشكله تصيرله في الموسم لكن لوبوف هذي الخامسه اوالسادسه
ويعطيكم العافيه

ALSINYARI · 31-05-2005, 12:36:51 AM

السيد فلسطيني وكراوي لما تقول ان أحمد خليل مايعرف فرنسي انت اشعرفك انه مايعرف فرنسي
الحين انت لو مكان أحمد خليل وانت خسران ويجي لاعب ينرفزك بتضحك له ..

nawafff · 31-05-2005, 01:03:08 AM

لوبوف ما لقى له ناس ترده

يوم كان في السد كانت الادارة قويه و ما كان يقدر يسوي مثل هالحركات

بس اللحين الظاهر طابت نفسه من الدوري القطري و قام يتسبب و يختلق المشاكل و لازم اتحاد كرة القدم يتدخل يشوف له حل باسرع ما يمكن 0

nawafff · 31-05-2005, 01:06:35 AM

اخوي فلسطيني انت شدراك ان احمد خليل ما يعرف يرطن فرنسي ليكون انت مدرسه

بعدين يا خوي خلك حقاني انت ما تشوف المشاكل اللي يسويها لوبوف و اولها يوم يقول حق علي النعيمي نجيب لك شيشه في الملعب و المره الثانيه تفل على محمد سالمين 0

يا خوي فلسطيني التفال ما يتكلم فرنسي علشان تقول ما نفهم له

nawafff · 31-05-2005, 01:08:26 AM

بووووووووو ملوية رقاب

هذي صورة محمد السويدي الله يذكره بالخير و يذكر ايامه الحلوه يوم كان في الريان

صج صج كان لاعب و كون ثنائي جميل مع منصور مفتاح

^-^ القاضي ^-^ · 31-05-2005, 01:42:43 AM

السلام عليكم ورحمة الله وبركاته

اسمحولي أشارك بمداخلتي المتواضعة معاكم

كل اللي شاف المباراة وبالذات ضربة الجزاء

والواضح ان اللاعب الكبير لوبوف ثبت الكورة في نقطة الجزاء

لكن الحارس أحمد خليل مع احترامنا الشديد له هو اللي بدأ

بالتحرش بتقولون ليش؟؟ أقولكم ليش وشلون لأنه كان من

المفروض من الحارس الكبير أحمد خليل أنه يكون متواجد في المرمى لكنه الله يهديه كان يبغي ينرفز لوبوف ويشتت تفكيره

وراح وحرك الكوره من مكانها وطلب منه الحكم العوده للمرمى أكثر من مره ولين عطاه الحكم انذار وكان أحمد خليل متنرفز وهذا الشي واضح والكل شافه بعد ما حصل على الانذار ولما طلب منه ابراهيم الغانم انه يرجع لمرماه قاله وبصوت عالي لاتتكلم واسكت

وطبعاً سجل لوبوف ضربة الجزاء وراح أخذ الكوره وعطاها أحمد خليل بيده صحيح انه الحركه كانت بقصد ان هذي الحركه رد على حركتك قبل ضربة الجزاء

ولكن الحارس الكبير أحمد خليل راح وتصرف بكل رووح غير رياضية ورمى الكورة على لوبوف ولكن الله ستر وضربة راس الفقير محمد مدبو

والملاحظ انكم تتكلمون أخوي نواف وأختي ملووية رقاب وكأن أحمد خليل مظلوم واللي سواه كان عبارة عن قمة الاخلاق الرياضية

وأنا أحب اني اقول ان الفعل اللي ارتكبه أحمد خليل ما يصدر من لاعب ناشئ, ولا يبرر فعله انه متنرفزاو انه لوبوف اعطاه الكوره بطريقة استفزازية

واسمحولي على الاطاله

ومبروووووووووك للوكره وهاردلكم يالعربي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

:: اعلانات منتديات العنابي ::