السلاااااام عليكم ورحمة الله وبركاته..

بغيت اخذ راايكم في بيع اسهمي.. عندي اسهم بالصناعات وابي ابيعها قبل شهر 12 .. وانا شاريه السهم الواحد على 56 والحين الاسهم واصله من بين53 وو54 مابي اخسر زود فكرت ابيع الحين..

وراح تنزل الصناعات اكثر واكثر والسبب :

اسهم الغاز الي راح تنزل تاريخ 15/1 الين 15/2

وثاني شي دخول دول الخليج الي السوق المالي في 2005


الحين ابي ااخذ رايكم ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...ابيع ما ابيع ابيع مابيع ابيع مابيع ...

12 مرور ولا رد ليش تكسرون فيني ليش ليش ليش ليش ليش

حرام كسر الخواطر كثر الجفا مايفيد

اخوي انتظر خبراء البورصة ان شاء الله يردون عليك وما يصير خاطرك إلا طيب

شوفي اختي انا ماحب افتي في الموضوع وعقب اتقولين حمد وهقني وخسرت هالكم مليون الي عندي ..

بس شوفي اختي ... اذا عندج فلوس حق اسهم الغاز فخلي اسهم صناعات الي عندج ... ترى زينه ... يعني

انا اتوقع ان ترتفع وتكونين ربحانه عقب مايدخلون الاجانب ... او حتى عقب ما ايسكر الاكتتاب في

الغاز ...

اما اذا ماعندج فلوس حق الغاز ... احسبيها انتي بروحج .... لان لازم اتعرفين كم عندج وتتوقعين كم سهم

بتحصلين ... لان وضع الاكتتاب في الغاز يختلف عن صناعات ... :

الاكتتاب في نقل الغاز :

1- مافي شركات تكتتب ... يعني بس اشخاص ( قطريين ) .

2- الناس ايام الصناعات مكانات اتعرف الربح شلون في الاسهم ... واتوقع الحين الكل بيشارك

( الي عنده الف ريال بيدخل ) لانه ربحان ربحان 100% .

3- قيمة السهم في الغاز 10 اما الصناعات كان 16 ..

يعني هذي معطيات لازم اتحطينها جدامج قبل للتخذين القرار ... مع اني في النهايه ماتفق مع اي شخص

يبيع وهو خسران ... خاصه في بورصة الدوحه لان كل يوم لها حال .

اتمنى الاخ انتعاش يدخل على الموضوع لان شخص لها قدره جيده على تحليل مثل هذه الامور ..

حمد

[ALIGN=CENTER]RO7QATAR

هلا وسهلا فيج اختي الكريمه

اول شي ارحب فيج في منتداج

وبالنسبة للإستشاره الإقتصاديه

فـ اختي الكريمه

اول شي الحاله هاذي اللي ذكرتيها ( شراء الصناعات بـ 56 )

اعتقد عمليه شوي محيره

لأن الصناعات الله يهديج ما تنشرى على 56 ريال ! ..

لكن ما علينا من الماضي ونفكر في وضعنا اليوم

طيب طيب . .

ذكرتي سلمج الله انج متخوفه من نزول السوق اكثر واكثر

وبطبيعة الحال السوق الأيام هاذي يخوف وما له مرسى ولا وجهه معينه !

إلا ان أكثر التوقعات والمؤشرات نحو ( النزول ) اكثر منها للـ ( الطلوع )

ومشكلة ( نقل الغاز ) هاذي هي اللي درمت السوق وشتت الجميع

والواحد مو قادر يتخيل او يقدر يرسم له استراتيجيه واضحه المعالم والنتائج للأسف


لكن عموما ً . .

اذا كانت الكميه اللي شريتيها كبيره ( بالنسبة لرأس مالك )

فأشوف بيع 60 % من عدد الاسهم المملوكه

والإبقاء على الـ 40 % كـ نوع من التربص بالسهم بالايام القادمه

عل وعسى يغطي ما خسرناه في الـ 60 % اللي بعناها

يعني اليوم ( قفل السهم ) على سعر 52.2 ريال

وكانت اخر صفقه على ( 51.9 ريال )

فيعني الخساره هنا في حالة بيع كل الاسهم بتكون قرابة

الـ 4.1 ريال على كل سهم

عموما اختي للمستقبل

سهم الصناعات ما ينشرى بأكثر من 51.5 او 53 على اكبر تقدير

لانه سهم في السوق عباره عن ( اسانسير - مصعد كهربائي )

الناس تاخذه من تحت عشان اذا وصل ( 56 ) اللي هو سعر شرائك تجي وتبيعه

وبعض الاحيان يطلع شوي للـ 57 والـ59 ايضا ً

فيكون هنيه الربح في كل ( طلعة جويه للسهم ) تقريبا 5 ريال

حلوين . .

ادري اني كثرت عليج اختي


لكن بالنسبة لي سهم الصناعات يخوف الصراحه ومش قد الـ 55 وفوق !


لأنه مترنح حتى الآن . .

فيعني لو خذيتي لي لج بعد فتره شوي خل تنزل اسعار البنوك الاسلاميه والتأمين الاسلامي

صدقيني يمكن افضل لأنها أسهم قوية ولها ثقل في السوق

وطلوعها جيد ومشجع


لكن اختي قبل شي رحم الله والديج

نحاول ما ندخل السوق او ناخذ سهم وهو مرتفع وعالي

لانه وصل لمرحلة التشبع في طلعته

نحاول ناخذه من تحت قد ما نقدر

وبالطبع نستشير ونشوف قبل لا نقدم على شي

وبالطبع كلنا حاولنا وجازفنا وذقنا الحلو والمر في البورصه


لكن بعد . . المشورة زينه وانا اخوج

الله يوفقج و يكتب لج الرزق الحلال


ملاحظه : الناس متفائله بدخول الخليجين للبورصه بأنهم بيشبون السوق شب

وبتطلع الاسهم فوووووووووووق !!

انا قلت : يقولون ! مو انا يعني !

لانها مش حكم !

والله يكتب اللي فيه الخير من هالعمليه اللي جايه

لج كل التوفيق والنجاح ان شاءالله [/ALIGN]

[ALIGN=CENTER]الاخ الكريم

حمد

اشكرك على مداخلتك بارك الله فيك

وما عندنا الا بعض مما لديكم ياخوي


واتفق وياك في قولك :


اللي عنده راس مال وفلوس لا يبيع وهو خسران

لانه بفلوسه الاخرى ممكن يدخل بأشياء ثانيه ويحقق فيها ارباح جيده

[/ALIGN]

الاخوان كفو ووفو

بس اذا ماعندج شي ...فانا اشوف انج تبيعين ولو تخسرين شي بسيط لكن من ناحيه ثانيه راح تربحين اضعاف الخساره الي خسرتيها ..

اشكرك اخوي السلطان على المرور

اشكرك اخوي حمد واخوي انتعاش على هذه المشوره الي انشالله راح تحل خساارتي ..بس اخوواني انا هني تلخبطت اخوي حمد يقول لاتبيعين وانتي خسرانه واخوي انتعاش يقول بيعي 60% وعوضي خسارتج باسهم ثانيه وفي الاخير اخوي انتعاش انت توافق اخوي حمد على نقطة لحد يبيع وهو خسراان ..معليه انا صج غلطانه واناشاريه السهم ب56 لاني اول مره ادش السوق الماليه بس انشالله يكون درس اعتبر منه وتسلمون اخواني على كل النقاط الي وضحتوها لي وفعلا ونعم الاخووان ...

بس ارجوكم وضحوا لي ..


اشكرك اخوي اباتشي على المشوره بس الحين عرفت الاغلبيه تقول ابيع واربح في الغاز وجزاك الله الف خير..




انتظر ردووود

[ALIGN=CENTER]RO7QATAR

هلا فيج اختي

بالعكس اختي ما عملنا شي يستحق الشكر

اختنا و لازم نوضح لج وننصحج باللي نشوفه صح


لكن اختي عفوا ً ما جاوبتيني على تساؤلاتي

لأن كل وضع وله استراتيجيه معينه و محدده

انتي الحين الله يسلمج

هل كل راس مالج محطوط في الصناعات ؟

او عندج فلوس زياده واسهم اخرى

وتوهقتي في الصناعات ؟

اللي فهمته من ردج الثاني ان هاذي اول مره تشترين فيها اسهم


لكن ايضا السؤال يكرر نفسه


عندج ( كاش ) غير ؟

او كل الدراهم في الصناعات ؟

اذا عندج فلوس اكثر من اللي محطوطه في الصناعات ومتوفره الحين عندج

لها وضع اخر

واذا كل اللي عندج حاطته في الصناعات ايضا له وضع آخر مختلف

فالرجاء منج اختي التوضيح لا اكثر

وان شاءالله نقدر نشور عليج بالشي الزين اللي يفيدج

وبدون اتعاب [/ALIGN]

صحيح ماافهم في هالسوالف
بس اسمع
والله اللي انا اشوفه انه كلام حمد عدل 100%

يعني اذا انتي عندج راس مال تشترين اسهم شهر1
لاتبيعين
لكن اذا ماعندج بيعي وتوكلي على الله
وانتي أصلاً في كلا الحالتين ربحانه

والله ويااااااااااااااج خيتو