خـليـف والطـيـاره ..//

المسـافر · 20-03-2008, 12:51:23 AM

هذه قصيده قريتها وحبيت انقلها لكم

وقائلها الظاهر انه يخاف من الطياره مثل بعض الناس

هذه ابيات القصيده ..

و ادعت ناجح من مطار القريات --------- يوم اركبونا الطايرة وشلعتنا

لفت و دارت و امرجت بين لحظات-------لولا الكراسي و المحازم ربطنا

طا روبنا حمر العلافي خوجات ---------صغر العيون وجيههم هولتنا

تكفا تشهد يا فهد واقرا الايات------------ الموت جانا و الظروف اجبرتنا

جانا مضيف قال وشفي خدمات------قلت نزلونا بطونا موجعتنا

من قبل اشوف الغيم دون السماوات---و اليوم اشوفه يا فهد من تحتنا

عز الله اني ما حسبت الحسابات----- ولا ترا سيارتي موصلتنا

يا زين ممشا الارض لوهي مسافات----كنا بشعيب مجهزين قهوتنا

وش جابني للطايره و المطارات----والله ما عود ركوبها ان نزلتنا

لو تنفجر قامت تذيع المحطات------ رح عاد دور قشنا مع جثثنا

مسكييييييين والله يوم قال تنفجر وقامت تذيع المحطات ,, رح عاد دور قشنا مع جثثنا

تحيتي لكم ..

ليه يادنيا · 26-03-2008, 10:09:13 PM

ابي اختار اكثر بيت عجبني مالقيت لانه كلها على بعضها

ههههههه عجيبه الي حلاها نوع الفكاهه الي استخدمه

كاتبها

يعطيك العافيه اخوي المسافر

قصيده عجبتني كثير

alkaabi · 01:24:47 PM

يعطيك العافيه

وهالقصيدة تناقلت كثير بين الشباب كملف صوتي

وهي ل

أبن مطرود الشراري

و رد عليه الوايلي بهذه القصيده

يـامــودعٍ نـاجــح بـمـطـار الـقـريـات === قصـتـك لــو تضـحـك تــرى حيرتـنـا

يـالـيـت مـاقـالـوا تـرانــا شــــرارات === ليـت الـخـوي قــال لخـويـه سكتـنـا

هـذي قبلـيـه تنـعـرف بالشجـاعـات === كــلاً تـقــول مـــن القـبـايـل غـزتـنـا

بالطايره لو مت من عرض من مـات === ولا قــلــت ان الـطـايــره خـوفـتـنــا

بالطـايـره خـايـف وبالـقـلـب دقـــات === قـلـت العـيـون الـلـي تبـيـنـا بكـتـنـا

لا تفتخـر بالـخـوف وتسـجـل ابـيـات === لـو انــت مــا سجلتـهـا مــا شمتـنـا

الناس يا ابـن النـاس ترقـى درجـات === هــــذي رجــــال بـوقـتـنـا علـمـتـنـا

شف الشجاع اللي يرقى بالطويلات === فـوق القمـر يحمـل عـلـم مملكتـنـا

سلطـان بـن سلمـان زبـن الوميـات === الــلــي فـعـولــه بــــدوٍ شـرفـتـنــا

هــذا كـــلام الـوايـلـي بـالإشــارات === يـــوم الشـمـالـي قـصـتـه زعلـتـنـا

والختـم صلـوا باسـم رب السمـوات === علـى الرسـول المصطفـى خاتمتنـا

ثم رد عليه أبن مطرود الشراري بالتالي

هـذا حديـدٍ مـا يعـرف الشجاعـات === ولـهـو آدمــي وتخـوّفـه مرجلتـنـا

عنتر بلـش بالثـور صابـه مخافـات === لا سالمين مـن بلشتـه وابلشتنـا

يالوايلي لا تشك مـا بنـا مشكـات === الآوادم كـــلـــهــــا عــارفــتـــنـــا

حنا نحب الضحك بالشعـر وابيـات === لو قلت خـوف النـاس مـا صدقتنـا

كل ما سمعته بالقصيـده دعايـات === لا يصـيـر شــك الطـايـره خوفتـنـا

المرجلـه معنـا عليـهـا شـهـادات === إن مــا شرينـاهـا تـراهـا شـرتـنـا

لو ندعي بالخـوف مـزح وخرافـات === والحـرب خبـه للجيـوش اجهلتـنـا

إلى انسحب يرجع بقوه وهجمات === ليـن العـدو ينحـاش مـن منطقتنـا

وان كان سلطان ارتفـع للمجـرات === قبـلـه امريـكـا وروسـيـا سابقتـنـا

خل المحاور بينـي وبينـك بالـذات === لا تـدخـل الأمــار فــي سالفـتـنـا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::