قبل عدة ايام اثرت وغيرى من الاخوة الاعضاء مسألة الاخطاء الفادحة التى وردت فى اجابات المسابقة الرياضية وتفاعل البعض ما بين مؤيد لما ادرجناة من اجابات وطلبنا تدخل المشرف العام الاخ المزوحى الذى اورد لنا صحة معلومة لااشك انا فى صحتها وهى الخاصة بالهدف رقم 600 بل وقام بادراج صورة من الكتاب الماخوذة منه الاجابة وصورة الصفحة 120 وبالنسبة للسؤال المهم وهو السؤال رقم 11 افاد انه سوف يوافينا بالاجابة لاحقاً انتظرت الاجابة يومين واليوم افاجى بان الموضوع من اساسه اختفى لا ادرى اين ذهب واعتقد انه مع اختفائه اختفت السؤال 11 فهل تبين للموقع صحة اجاباتنا ام ماذا هناك امر غريب الفائزة هى الوحيدة التى وضعت تلك الاجابة التى تتوافق مع الاجابة الخاطئة التى وردت فى اجابات الموقع امر غريب اخر فالفائزة التى وضعت الاجابة الخطا للمدرب المنتخب السعودى ( لاحظوا معى نفس الاجابة الخطا التى وردت ايضا فى اسئلة الموقع ) توصلت للاجابة الخطأ ولكنها تتوافق مع اجابة واضع الاسئلة فهل من يقع فى سؤال سهل مثل المدرب المنتخب السعودى بالله عليكم يتوصل لاجابات اكثر صعوبة
اتمنى تفسير وعدم حذف الموضوع الموضوع خطير ياجماعة الموقع ، لماذا لم يتم وضع صورة من الكتاب الذى احتوى على موضوع احتجاج سلطنة عمان ضد حكم مباراتها مع البحرين كما حدث مع سؤال الهدف رقم 600
كما كنت اتمنى ان تعرض للجميع اجابات كل من اشترك فى المسابقة

يا خوي المنتدى منتدى كبير ومحترم وله مكانه خاصه في الشبكة العنكبوتيه
وانا مثلكت يالغالي .. كتبت في الاجابة هاني الضابط بس الاجابات مكتوبة عند الشباب
يعني ممكن يكون موقع الشامسي هم الخطأ مو احنا .. يعني على العمومـ المسابقة انتهت
وهاردلكـ يالغالي وخيرها في غيرها ان شاء الله
وانا مثل ما فزت بالمسابقة وكانت اجاباتي مثلك
بس ان شاء الله تعوض في المسابقات اليايه
ولك مني الف تحية

اتمنى تعيد قراءة موضوعى من تانى انا بأسال اين ذهب الموضوع ثانيا اين اجابة السؤال 11 التى وعدنا بانه سوف يتم بحثها ولم نرى رداً حتى الان

نقطة اود الاشارة اليها الموقع كبير ومحترم ولكن هناك خطأ هل نشير إليه ام نتغاضى عنه ونغض الطرف أأمل من الجميع ان يكون ايجابياً واحب ان اشكر الاخ ردفان على مشاركته لانه اعطى مثال لكبفية ان يتفاعل العضو وان يبحث وقام بوضع اكثر من رابط للتدليل على صحة كلامة فيما اكتفى الكثيرون بالمشاهدة السلبية

ياخوي انا مثلك استغربت وحطيت هالموضوع في قسم الاقتراحات

http://www.al3nabi.com/vb/showthread...d=1#post543593

وننطر الرد من الاخوان ..

ياجماعه ,,, اتنو لين الحين على هالسالفه ...

بدال ماتشكرون الاداره على الجهد الي قدمته وان كانت في اخطأ فهي غير مقصووده ولكن على الاقل نبي كلمة شكر بدل الاحتجاجات .. وبهذا الاسلوب راح يبتعد الموقع عن طرح مثل هذه المسابقات اذا بتكون هالحساسيه موجوده بينكم ...

واتمنى ان هالموضوع يتسكر لانه ماله داعي ..

تحياااتي

اخى العزيز كانت هناك اسئلة مطروحة من قبلنا لماذا تم حذف الموضوع ، اجابة السؤال 11 والتى قيل انه سيتم موافاة الاعضاء بعد سؤال عيسى ابو حقب وغيرة ولو كان هناك خطأ من قبلكم لماذا لايتم الاعلان ان هناك خطا فى موضوع السؤال 11 ومن ثم سوف يتغير اسم الفائز بكل تاكيد
إذا كنتم ترغبون فى اغلاق الموضوع فهذا شأنكم ولكن تذكروا ان العديد من الاعضاء فى انتظار وعدكم ببحث الامر وحل الامر لايكون باغلاق الموضوع

مرااااااحب

هلا وغلا بالجميع

اخواني الافاضل

كثر الكلام على الاسئله الرياضيه

وانا في الاخير وبعد اختلاف وجهات النظر اعتمدت الاجوبه

من الكتاب الي عندي وفي المسابقات الثانيه ان شاء الله نشوف مصادر اخرى

والف مبروك لجميع الفائزين المعتمدين من قبل وحظ اوفر للبقيه

وارجو من الجميع انهاء الموضوع بتاتا لكي نتفرغ للمواضيع الاخرى

حيث ان الدوري سوف يبدء غدا وهناك عدة امور نقوم بها

نقطه مهمه لجميع الاخوان : ياريت ياريت ياريت لو الكل قرى منكم الموضوع عدل

الموضوع الاصلي الي كنتبت قبل كاس الخليج كان وقتها الكل بيعرف من الي يقدر يشارك ومن لا

واحنا دائما نتقاضى ونتجاهل مانكتب حبا في تواصل الجميع بيننا

تحياتي لكم

المزوووحي

هلا اخووووي

ايه احنا ليما الحين على هالسالفه ولين بكره بعد شالمشكلة

ياخوي شكرنا الادارة ويعطيهم الف عافية بس بعد فيه ناس شاركت في هالمسابقة وتعبت
واهي تدور على الاجابات وشاركت .. وعقب تفاجأنا ان اجابات اسئلة المسابقة مع الاسف فيها اجابات غلط
والإدارة او المشرفين على المسابقة مصرين على الغلط .. يعني مافيها شي اذا طلعت مصاردهم غلط
وطارت الجائزة من الفائز اللي عطوها اياه واحكموا ان اجاباته كلها صح مع انه فيه اجابة عدلوها وقالوا نخصم نص درجة .. مع انه الاخ المزوحي في رده على هالموضوع يقول انه اعتمد على دستور مادري الكتاب المقدس - استغفر الله - حق اللجنة الاولومبية وفيه اجابة غلط اللي هي اجابة مدرب المنتخب السعودي .. وتراجع عن هالشي وعدل الغلط .. اشله الغلط مايتعدل عن باقي الاجابات اللي وضحناها ومن هنا سؤال احتجاج منتخب الامارات في خليجي11 ومنها الهدف 600 ...

والا لان الاعتراف بالغلط وتعديل هالاجابة بيطير الجائزة من صاحب المركز الاول اللي هذ الغزال العارضية ..
يعني مثل ماعدلوا الاجابة على سؤال مدرب المنتخب السعودي اقل شي يعدلون الاجابة على الاسئلة اللي ذكرنا ملاحظاتنا عليها .. والا ما كان له داعي يعدلون على اجابة اسم مردب المنتخب السعودي ..

حلوه ذي بعد اختلاف وجهات النظر اعتمدت الاجوبة من الكتاب اللي عندك من صجك اتكلم ؟
ياخي مع احترامي لك هذي تم التحرير من قبل الاداره

ياخوي اجابات المسابقة فيها معلومة وانت بالاجابات اللي حطيتها واعتمدتها قاعد تغالط غيرك ومع الاسف اذا انت المشرف العام على المنتدى ومب مهتم لهالشي ولا مهتم انك تكون مصدر للمعلومة الصح بغض النظر عن اي شي ثاني ..

لو انك صح مستدل على الكتاب اللي عندك وانت تدري ان فيه اجابات او معلومة انذكرت في الكتاب واطلعت غلط كان الاولى انك تلفت انتباه اللي قام على هالكتاب .. بدال ماتقول انا اعتمدت عليه ومن هالكلام اللي مايدش العقل ..

والكتاب اللي اتكلم عنه مب قرآن ولا كتاب مقدس .. والغلط اللي فيه وسبق اعترفتوا فيها واللي هو بخصوص مدرب المنتخب السعودي دليل على انه فيه اخطاء .. وانت تقول انك معتمد عليه .. ؟ قاعد تناقض نفسك .. مع احترامي لك. .

زبدة الكلام :


1- الاعتراف بالغلط مب عيب ( هذي حط تحتها خطين حمر ) ...الغلط في الاصرار انك صح وانت على خطأ .. وغيرك على خطأ حتى لو كان صح ..


2- تقبل آراء الاخرين ومواجهاتها .. من ابجديات التعامل مع الناس واحترامهم مب حذف المواضيع .. وعدم مواجهة الكلام اللي فيها .. كلنا كبار وعاقلين ونفهم .. تم التحرير من قبل الاداره

3- مب خطأ انك تكون مقتنع في شي وعقب تكتشف ان قناعتك كانت مب في محلها .. وتراجع عنها ..

4- الحيادية والنزاهة في مثل هالمسابقات شي مطلوووب واساسي .. ( الحمدلله ما نشكك فيكم .. لكن بتصرفاتكم ذي تحطون نفسك في محل شك وعدم ثقة من باقي الاعضاء وغيرهم .. ) .. وانتوا في واجهة الموقع والمسوؤلين عن الموقع .. عيل اشلون باقي الاعضاء ؟؟


5- حلو انك تكون - كموقع - مصدر للمعلومة الصح .. والاحلى انك تسعى وتجتهد في انك تكون مصدر صادق وواضح ويقدر اي زائر في عالم الانترنت يعتمد عليك ويرجع لك .. مب تعطيه معلومة غلط ...



آسف على الاطالة والسموحه اذا ثقلت في كلامي .. بس شاسوي ردك نرفز مخي وفي نفس الوقت خلاني افرط من الضحك

واتمنى تتقبل رائي بصدر رحب .. والاختلاف في الراي لا يفسد للود قضية ..