[align=center]

	[align=center]السلام عليكم ورحمة الله وبركاته مرحبا بكم في لنكاوي وصلنا الى لنكاوي فالساعه 9 تقريبا والرحله كانت عبر الخطوط الماليزيه (( طيران داخلي )) وللامانه الطياره كانت سيئه (( اصغيره وضيقه وخدمه شخباااااري )) والمطبات الجويه العبت فينا لعب (( ريشه مب طياره )) الرحله استغرقت حوالي من 30 الى 45 دقيقه (( واحنا مثل ما انتوا عارفين )) تعبانين من اللعب في المدينه المائيه (( وصلنا المطار وخلصنا الاجراءات بسرعه )) رحله داخليه ما يشيكون وااايد ( سريع سريع )) وانا فالمطار كان في مكتب لموزين (( حجزت لي سياره وتوكلنا الى الفندق )) مع العلم اني غيرت الفندق بعد ما نصحني به ( بوعبدالرحمن ) صاحب المكتب العربي للسياحه في ماليزيا ) وهو ما قصر كنسل الحجز الاولي وحجزلي على الفندق الجديد على شكل (( HoonY MooN )) . طريقة العرض 1- استكشاف الفندق وما حوله 2- عالم تحت البحار 3- رحله بحريه : : : والان اترك الصور تعبر عن نفسها مع بعض التعليقات.. 1- استكشاف الفندق وما حوله هذا شعار جزيره لنكاوي (( النسر )) : Berjaya Langkawi Beach & Spa Resort Langkawi Island, Malaysia صوره للمطعم بجانب اللوبي (( جايين من سفر وجوااااعه من قلب )) واذا تبي شغل اسبشل وعلى انفراااد (( كل شي موجود )) بس جهز افلوووسك HonnY MooN وهذه صوره للفلل (( او )) الاكواخ الي عالبحر من الداخل معلومه : في اكوااخ عالجبل (( على حسب الطلب )) بس الي عالبحر اغلى واحلى بمليون مره وهذه الدانه (( مستانسه بالجو والبحر )) من صباح الله خير وصالح مب عاجبه الوضع (( أي شي بالغرفه )) يمسكه ويحذفه البحر خلص قواطي العصير الي بالثلاجه هذي صورة الاكواخ (( ومن حسن حظي )) الكوخ الي انا فيه (( توهم بانينه )) واوسع واكشخ نفس الي اول (( واحد من عاليسار )) هذي القواعد الي ماسكه الكوخ وهذا المنظر من البلكونه وهذ لقطه من الغرفه على السيف وفيه جميع الفعاليات من سباحه واسكوترات والبراشوت وووو.. وتبدا من الساعه 10 وهذي باصات الفندق (( الي تنقلك من اللوبي الى البيت والعكس )) والربع ذيله (( بتلاقونهم بكل مكان )) يمدحون الموز بهاللحظات (@_@) صوره (( ونحن باتجاه )) عالم تحت البحار محاولة التقاط صوره فنيه [/align]

[/align]

[align=center]يـتـبـع
.
.[/align]

[align=center]

	[align=center] 2- عالم تحت البحار صوره من عالم تحت البحار (( مكان ينصح فيه وبشده )) الديكورات من الاعلى 1, 2, 3 اكشن بغيت اصيده وهو ناط (( ولكن )) GooD TrY لا تعليق !! وهذي رفيجت الدانه ((دوري )) استخفت يوم شافتها وهذا حبيب القلب (( نيمو )) حصان البحر والاسماك من فوقكم شنو مزعج هذا صوره للشمع (( اذا حبيت اتسوي ذكرى لك )) دايما زحمه هالمكان منظر رائع الدانه يوم شافت الاسماك ذي (( قالت )) بابا شوف _ سمكه وحش _ هههههههه مت عليها من الضحك نختم عالم تحت البحار بهذه الصوره لمخلوق يشبه حصان البحر على شكل نبته (( سبحان الخالق )) : : ومن بعدها (( اتجهنا الى الرحله البحريه )) : :

[/align][/align]

[align=center]يـتـبـع
.
.[/align]


[align=center]

	[align=center] 3- الرحله البحريه هنا القوااارب ((بالحجز السالفه )) بالطريق الى ميدان النسر (( المكان في قمة الروعه )) مطعم فالبحر (( مؤكولات بحريه وسويت )) وفالمطعم في احوااض كثيره (( لا بغيت اتأكل الاسماك او المخلوقات الغريبه مثل اخونا الي بالصوره )) الدانه (( اتأكل الايسكريم )) للاسماك الي بالبحر وصلنا الي ميدان النسر (( فوق 100 نسر بذيك المنطقه )) قطينا بعض الاكل فالبحر (( للاستمتاع بمنظر النسور وهي تأكل )) وهنا لقطه لعدد من النسور واخونا بالله (( مستطرب )) وبعدين رحنا لكهف الخفافيش (( مظلم جدا )) ومخيف ولكن وضع الفلاش وضح السالفه حمام سونه وبعدين (( خذيت لي كورس سواقه )) واحذاي راعي الطراد وسواق الشركه السياحيه : : وهنا انكون ختمنا وإياكم اول يوم في لنكاوي (( مع تجارب جميله ورحلات ممتعه )) واحنا رادين اليت كنا بنركب التلفريك (( ولكن التعب كان مسيطر عالوضع )) فأجلنا الموضوع الى اليوم الثاني (( والحمدلله ان احنا اجلنا )) لان بعد ربع ساعه من وصولنا الفندق (( جاء مطر قوي جدا )) مطر وانت فالتلفريك (( يعني تشهد )) وهذي تذكار اخذناهم من عالم تحت البحار الله يعزكم (( ريل صلوح بالشمع )) شنسوي (( ما لقينا فيه شي ثابت الى ريوووله )) وهذي (( حبتين )) من الدانه اعتقد ان الصوره معبره بما فيه الكفايه (( بعد هاليوم الطويل )) انتظروا الحلقه القادمه مع التلفريك الذي يبعد 700 متر عن سطح الارض وعرض التماسيح وفعاليات اخرى والسموحه عالاطاله في تنزيل هالتقرير (( وذالك لانشغالي بالامتحانات الملغه )) وتااااابعونا وفالكــــم طيـــــب [/align]

[/align]

[align=center]
بـوصـالـح ..

تسلم اخوي ع الصور الحلوة ..

شكلكم واايد استانستوا ف السفرة ,, ان شالله دوووم ..

كشخة الصور ,, شكلي برويها ابوي عسب يعزم و ياخذناا ..





ماعرف كيف طاوعك قلبك ترقد فهالاكوااخ ,, احس القواعد شوي و بطيح لا و ع البحر بعد



حليلها الدانه غمضتني واايد احسها تعبت من الخاطر ,, الله يخليلك اياها هي و روميو

في انتظار باقي الصوراخوي لا تبطي علينا .. [/align]

[align=center]ياااااااااااااي واااااااايد حبيت الاكواااخ ..

فله احسه ماال الافلام ..

ابي ارووووووووووح ماليزياااااا ..



ترى ينفع يحطونك .. تسووي دعايات حق الفنادق والمطاعم ..

في البدايه عبالي انه الصوره مب انت الي امصورها .. فناااان والله ..

يعطييييك العافية على هالصور الحلوووه .. وبنتظااار البقيه .. = )




بنــ العديد ــت[/align]

مرحباااااا بوصالح
شو هالصور اللي ترد الروح .. المريض لو شاف الصور بيصح
أحلىى شي الاكواخ بس زياغ صوب البحر .. لو انا منك مابييني الرقاد بيلس احاتي خخخخ >>> تخاف يشلها البحر
براوي هلي الصور عشان يعزّمون يسافرون ماليزيا .. ^^
ونتريا صور التلفريك ... وبالتوفيج فالامتحانات ذاكر عدل

[align=center]بسمـ اللهـ الرحمنـ الرحيمـ

(( هـلا ومسهلا ))
:
:
هلا بو صويلح

تســـــلمـ ايديكـــ ع الجزء الثاني
مادريت به حسبتكـــ بتحطه بموضوع
بروحه ,,,,

مشاء الله تباركـــ الرحمن رحلتكمـ جدأ
روعه ولقطاتكــ وتصويركـــ اروع

الله لايهينكـــ يارب ويسعدكمـــ دوم

:
:
:
أرقـ التحايا المعطره


[/align]

[align=center]
بو صالح

ايش هذا

والله كأني اشوف برنامج وثائقي عن بعض جزر شرق اسيا في قناة الجزيره

مشالله عليك خليت الصور وكانها مقاطع فيديو

صراحه يعطيك العافيه على هذا الشغل

وناطريين الأجزاء الباقيه[/align]

[align=center]السلام عليكم ورحمة الله وبركاته

هلا أخوي بو صالح

يعطيك العافيه أخوي على الجزء الثاني
ابصراحه الصور ولا أروووع ,,

وعبجتني لصور العالم البحري ,,
وفي صورة طلعت عيوني وأنا اشوفها
صورة حصان البحر ,, سبحان الله ما قدرت أفرق
بينه وبين الطحلب !!

بس يا اخوي مجرد رأي وطبعا هذا لا يقلل من روعه الموضوع ,,
أخوي لو تطلب من الاداره انها تفصل بين الجزئين بيكون احسن
علشان الجزء الثاني ياخذ حقه أكثر لانه بصراحه يستاهل ان الواحد ييتابعه

وفي انتظار الجزء الثالث

لك مني أجمل تحيه [/align]

[align=center]كل الشكر للاخ الوعب على فصل الموضوع عن الجزء الاول

وذالك كي لا يضيع الموضوع بين الردود وايضا بناء على رغبة البعض منكم

وشكر للجميع على التفاعل وعلى مداخلاتكم

(( ولي عوده مع الردود )) ان شاء الله [/align]