[align=center]

	السلام عليكم ورحمة الله وبركاته ][®][^][®][بسـم اللــه الرحمـن الرحيـــم][®][^][®][ مقدمه كما وعدتكم جميعا بأن اضع تقرير عن رحلتي إلى ماليزيا 9/7/2006 ليستفيد منه اكثر عدد من الاعضاء والزوار وسر هذا العدد الكبير من السياح الخليجين سواء كشهر عسل او كعائلات او كبابيه فكرة السفر فكرة السفر كانت من بداية هالسنه (( ولكن ما كنت متأكد منها لارتباطي بالدراسه والعمل بالصيف )) وبعدها قلت لأم صالح (( هالسنه No way )) انروح ماليزيا (( مافي الا دول الخليج كالعاده )) لان يمكن ما اخذ إلا اسبوع اجازه ورضت مجبوره بالواقع المرير مع ضياع حلم شهر العسل بعد 4 سنين.. بنهاية 6 جاء مسؤولنا وغير الخطه الدراسيه والعمليه وأجلها الى شهر 8 وبالتالي شهر 7 Free اجااازه وهنا عاد قلت ((فرصه من السماء )) وكنت ذاك اليوم فالمدينه التعليمه (( القسم الطبي )) وانا داخل المبنى (( اشوووف سفريات ريجنسي )) قلنا,, توكلنا على الله , المهم , قتلها ابي اسافر ماليزيا شهر بعد 3 ايام (( قالت )) What ... No way مستحيل طيب ليه ,, قالت >> Full بل (( شهر كامل فل )) دوري دوري يمين يسار فوق تحت بالاستور أي مكان وقالت مستحيل (( وعطيتها سالفة المره )) وانها زعلانه وانا ابي افأجها (( فصدقت )) المسكينه وقالت بحاول لك ,, دورت دورت (( مافي )) قتلها طيب على أي طيران اتدورين (( قالت )) القطريه اناااا (( What )) القطريه ,, مستحيل (( ليش )) دوري أي طيران إلا القطريه (( ناقصين احنا انطير بدون مكيف )) معليش يا اخوان (( انا متشأئم من القطريه )) 3 سفرات بدون تكييف علشان كذا انا متحامل عليهم اشوي,, لا واذا في مكيف (( يجيك حاار )) حشا حمام سونه مب مكيف (( عبوا الغاز وفكونا من هالسالفه )) (( فقلت لها الاماراتيه )) دورت دورت (( حصلنا )) بس مش اكيد قلت لا (( لازم تأكيد )) وأنا فاضي اتلعوز بعد لاني عندي حجوزات فنادق اهناك (( ف مابي ارتبط بأي شي قبل لا يتأكد السفر )) المهم اليوم الثاني تأكد السفر (( ولله الحمد )) عالاماراتيه بتاريخ 9 الى 25 (( اسبوعين )) وطلعت علي التذاكر انا والمره (( كل واحد 3450 )) والدانه ( 2600 ) وصلوح ( 300 اعتقد )) والطيران الداخلي (( كلنا )) ب 1400 (( لان في رحله الى لنكاوي بالطائره ومن ثم العوده الى كوالا )) جينا حق الفنادق انا كان عندي مخطط معين (( بحكم اني قاري عنها وااايد )) فأخترت افضل الفنادق لدي وعطيتها اللسته وهي كالتالي : 10-7 الى 12-7 سيلانجور فندق صنواى لاجون ديلوكس ليلتان 12-7 الى 17-7 لنكاوى فندق شيراتون بردانا ديلوكس 5 لياال 17-7 الى 19-7 سيلانجور فندق الخيول الذهبيه ديلوكس عالبحيرة ليلتان 19-7 الى 21-7 جنتنج هايلاند فندق جنتنج باكيج ليلتين / ديلوكس 21-7 الى 25-7 كوالامبور فندق ماندرين اورينتال ديلوكس عالبرجين 4 لياال فقالت مافي فندق اسمه الخيول الذهبيه (( قتلها )) لا في (( معروف هالفندق )) واذا تبين عنوانه بطرشه لج ايميل بعدين (( قالت لا خلاص ما يحتاج )) قعدت تحسب وتحسب وتعيد وتتصل بذي وذاك الى ان خلصت قالت حسااااااابك هو (( 17300 )) وانا Whaaaat ليش اسعاركم غاليه قالت انت طالب فنادق 5 نجوم من احسن فنادق ماليزيا (( طيب ولو )) ما تطلع الحسبه كذا يعني بالليله 1200 تقريبا قالت Yes ,, انا اخبر اذا تبي تحجز فلا بروحك وبركة سباحه داخل الفلا ب 1200 وانا ما طلبت فلل ,, قالت هذا عرضنا (( قلت امري لله ))توكلي احجزي بس ابي اعرف كل فندق بكم حاسبته لي بالضبط قالت لا (( انا اعطيك كمجموع كامل )) وانا عاد ضرب الوسواس عندي (( وقلت السالفه فيها إن )) جيت ابي احكرلها اشوي ((( فندق الخيول الذهبيه محسوب مع الحسبه ولا لا )) قالت ايه قتلها (( واشلون قبل اشوي اتقولين انج ما تعرفينه )) قالت أيه ما اعرفه بس محسوب خلاص (( يعني اشلون )) تحسبين من راسج انتي (( فقالت لا انا اعطيك كمجموع كامل مب فندق فندق )) طيب وش دراج بأسعاره (( دامج تعطيني سعر من عندج )) قالت (( Sorry sir )) هذا كل ما لدينا فقلت لها (( طيب لا تحجزين لي الفنادق )) على اساس اني بتصل على مكتب عربي بماليزيا كلمني عنه نسيبي (( راح له من سنه )) وقال اسعاره رهيبه فأتصلت ب بوعبدالرحمن (( مالك المكتب في ماليزيا )) وقالي (( ابشر بالسعر الطيب )) وما قتله عن السعر الي لقيته هنا وقال خلاص (( عندي موقع بالنت )) دش عليه وسجل بالمنتديات (( واكتب طلبك وبيجيك الرد مني ان شاء الله اليوم )) رحت البيت (( ودشيت الموقع )) www.daleel-malaysia.com وسجلت بالمنتديات (( وكتبت الطلب نفسه الي عطيته ريجنسي )) المكتوب الاعلى وشوفوا الرد بنفسكم ... كيف كان 10-7 الى 12-7 سيلانجور فندق صنواى لاجون ديلوكس 598 رنجت ليلتان = 1196 رنجت 12-7 الى 17-7 لنكاوى فندق شيراتون بردانا ديلوكس عالبحر724 رنجت 5 لياال = 3620 رنجت 17-7 الى 19-7 سيلانجور فندق الخيول الذهبيه ديلوكس عالبحيرة 467 رنجت ليلتان = 934 رنجت 19-7 الى 21-7 جنتنج هايلاند فندق جنتنج باكيج ليلتين / ديلوكس 656 رنجت 21-7 الى 25-7 كوالامبور فندق ماندرين اورينتال ديلوكس عالبرجين 635 رنجت 4 لياال = 2540 رنجت اجمالى تكلفة الفنادق شاملة المصاريف و الضرائب و 2 افطار لكل غرفة = 8940 رنجت انا هنا بطلت عيوني صج (( نفس الفنادق ونفس الطلب بالظبط )) ب 8940 وريجنسي قالوا لي 17300 يعني فرق 8000 تقريبا (( هذا هو النصب على اصوله )) وبعدين عرفت لما كانت اتقولي (( انا ما اقدر اعطيك سعر كل فندق )) الاخت (( تحسب من راسها فوق الالف )) واحنا بندفع عاااادي (( ف أكدت الحجز عند بوعبدالرحمن ودفعت له مقدم )) على ان يستلم باقي المبلغ وقت الوصول الى ماليزيا (( ويسلمني الحجوزات )) وطبعا ريجينسي (( قلنا لهم )) خلاص كنسلي الفنادق واكدي حجوزات الطيران واليوم الثاني استلمت التذاكر وبشرنا ام صالح بتمام الحجوزات واكملنا باقي الاستعدادات للسفر عموما (( الهدف من ذكر قصة الحجوزات )) علشان تنتبهون لبعض مكاتب السفريات عندنا (( واستغلالهم لنا )) وبالنسبه لماليزيا (( فانصحكم )) بمكتب بو عبدالرحمن (( رجال جدا خلوق ومحترم وطيب لأبعد الحدود )) واي معلومات اضافيه عنه (( بأمكانكم مراسلتي )) وما يصير خاطركم إلا طيب طريقة عرض المسلسل راح اتكون على شكل حلقات على حسب المنطقه ,, بنحط صورها وبعض التعليقات عليها والصور راح تكون ما بين صور من الكاميرا الديجتال وصور من الفيديو أبطال المسلسل بوصالح , أم صالح , الدانه , صالح الحلقه الاولى 1- الوصول الى ماليزيا 2- محاولة استكشاف المكان 3- دخول مدينة الخيال Sun Way Lagon والسفر الى لنكاوي تابعوا الحلقه الاولى بعد قليل بالصور ....

[/align]

[align=center]

بسمـ اللهـ الرحمنـ الرحيمـ

.. (( هـلا ومسهلا )) ..
:
:
بوصويلح
حراااااام عليكـــ شوقتنا للصور
اذا التقرير كذي روووعه عيل شلون الصور

يالله عاد بسرعه حطهمـــ

ويعطيكـــ العافية عالمقدمة الروعه

وفي انتظار الصور
:
:

أرقـ التحايا المعطره

[/align]

[align=center]

	مرحبا بكم في ماليزيا انطلقنا في تاريخ 9/6/2006 الساعه 11 ونص ليلا الى مطار دبي ,, وكانت رحله طيبه واليهال استانسوا عبر خطوط الاماراتيه (( وافلام الكرتون )) الي يعرضونها (( وخاصة )) نيمووو ... وانا قاعد على اعصابي بالطياره (( لان نهائي كأس العالم )) كان بنفس الليله (( وقاعد )) افرفر بين القنوات وابي أي قناه رياضيه او اخبار او أي شي (( ولكن النتيجه Nothing ) فقعدت اشوف فلم Big Mama 2 واحنا بنص الرحله (( الا الكابتن )) طن طنننننننن (( لمتابعي كأس العالم )) انتهت قبل قليل المبااره النهائيه بين فرنسا وايطاليا وانتهت بتعادلهما في الوقت الاصلي والاضافي 1-1 وحسمت المباراه لصالح ايطاليا كلوووووو ووووش يس اخيرا ايطاليا ( بعد 30 سنه صيام )) جابوا الكاس وبعدها بدقائق ((وصلنا لمطار دبي )) وانا فرحان عالاخر بعد فوز الازوري ودخلنا المطار الا العالم كلها تتابع تحليل المباراه والي منسدح هنيه واهناك واللي العبره بويهه والي متشقق من الفرحه (( حلاتي )) واللي ما يدري وين الله قاطه ومنسدح تحت الكرسي ,, اشوووي الا (( نداء الرحله لكوالا )) والحق ما تلحق,,,, (( لين وصلنا اخر ناس )) وركبنا الطياره واقلعنا بحمدلله الى كوالالمبور (( اليهال عطوها برقده محترمه وانا ما خليت فلم ما شفته )) صوره لصالح بسرير الطياره (( ماخذ راحته عدل الحبيب )) وانا ما عرفت ارقد مع اني كنت مواصل فالليله الي قبل السفر علشان يصيح الخشوع بالنوم بالطياره (( ولكن بعد مافي فايده )) وعدينا الوقت يمين يسار الى ان وصلنا بحمدلله الى مطار كوالامبور فالساعه 3 ظهرا (( والرحله مع الامارتيه كانت ممتازه وخدمتهم اكثر من رائعه والحمدلله ما كان في مطبات جويه ,, وهنا طرت على بالي الوالده الله يحفضها يوم اتقولي اخر مره اسافر برحلات طويله ؟؟؟ ليش يمه ؟؟ تشهدت 50 مره والخدمه خايسه _ وكانت راده من ماليزيا مع الوالد والاهل على متن الخطوط الجويه القطريه بنفس اليوم الي انا مسافر فيه (( الصبح )) وانا سافرت بالليل وقلت في بالي شتااااااااان ما بين هذااااا وذااااااااااك )) نرجع لمحور حديثنا ,,,,,, نزلنا من الطياره والدنيا ما شاء الله (( خضاره في خضاره )) وجو طيب ما شاء الله ,, وهذي الشيخه الدانه مستانسه عالطيراااات الي حوالينا (( كل شوي )) بابا شوف طياره كبير (( يا ماما الطياره اكبيره مب كبير صايره هنديه انتي ... )) دخلنا المطار وخلصنا اجراءات الدخول وقبل لا تطلع من المطار بتلاقي مكتب على يمينك (( لموزين )) عطيتهم اسم الفندق ودفعت لهم حول 70- 80 رنجت الى منطقة سلانجور,, طلعت من المطار (( الا العالم ملتمه اهناك )) الي ناطر هله والي رافع لوحات بأسامي ( واللي ينادي عليك )) شيخ شيخ تاكسي ( من كثر السياح الخليجين )) قاموا يعرفون لنا ,, فلمحت محل تلفونات (( قلت بس وصلنا خير )) واطلع على طول شريحه من عندهم وبطاقه مسبوقة الدفع واتصلنا بالاهل بالدوحه وطمناهم ,,,, ومن ثم توجهنا الى مدينة سلانجور لقضاء ليلتين من الف ليله وليله والان اترك الصور تتكلم بعد ما غثيتكم بما فيه الكفايه فندق صن واي لاجن الخيالي من الداخل والخارج صوره من المقدمه (( اكتشف اني عندي موهبه فالتصوير بهالسفره )) منظر من حديقة الفندق (( المكان روعه الصراحه )) وهذا المجمع بجانب الفندق مباشره هاي فرعونهم الصغييير استانس عليه صلوووح عباله حصااان لقطه شامله على المجمع التزحلق عالجليد (( وطبعا متنا من الضحك على العليميه الخليجيين )) سدحات على جنب ودبل كيك ومن كل صوب ,,, بس الحمدلله مافي دمااان خخخخخخ الدانه مستاااانسه واحنا طايحين زززط (( علينا بالعافيه )) وهذي بعض الاسواق الشعبيه المجاااوره (( واهم شي ان عرفنا مكان كنتاكي )) اليهاااال (( مب شايفين خير )) من اول ما دشينا الغرفه وهم طايحين تقزقز بالالعاب (( منظر حلو من الدريشه )) منظر ليلي من الفندق وهنا انكون ختمنا ليله ونص في سلانجور (( وغدا سوف يكون اليوم الاخير في هذه المدينه والتي سوف ننطلق منها الى مدينة الهدوء والجمال (( لنكاوي )) فالساعه ال 8 ونصف ليلا يتبع,,,,

[/align]

[align=center]

	قمنا الصبح ورتبنا الاغراض (( استعدادا للسفر بالليل )) علشان انروح الى المدينه المائيه ونرجع وما ناقصنا غير (( تاخذ لك شوووور وتروح المطار داااايركت )) وهذا خطاء فني (( بقولكم ليش خطاء بعدين )) SuN WaY LagooN http://www.707-travel.com.my/707/images/sunlogo.gif هذه المدينه جدا رائعه ومليئه بالفعاليات, ينصح بزيارتها اما في اول ليلتين او اخر ليلتين وهذي الصور من اخر ليله في سلانجور وبالتحديد في SuN WaY LagooN لقطه عامه :: لقطه من الخلف كورنيش اصغير للمشي فالمدينه المائيه (( والفيله بكل مكان ما شاء الله ))** هذي وانا فوق قطار الموت (( لعب في حسبتي )) اهم شي الكاميرا ما طاحت وهذي اللعبه الزحلاقيه (( طاخ طيخ ))) وهنا لحظة الوصول (( ممتعه اللعبه )) ** هذي اللعبه (( ما ادري كم مره )) تشهدت فيها تبي الفيوزات تظرب عندك (( دشها )):: وهذي جامعة موناااش (( مطله عالمدينه المائيه )) ايييييييييه الله يرحم المناظر الي عندنا بالجامعات (( خلني ساكت احسن )) تبي فقع (( روح ورا جامعة قطر )) خخخخخخخخخ* ** صوره مع القطاااوه (( مشتطين يبون يطبون بالبحر )) وفجأتا (( دق المطر علينا )) وقعدنا حول الساعه ناطرين متى يخلص المطر, لان كل الالعاب والفعاليات تتسكر مع هطول الامطار (( حلوه هطول ذي )) وتعووود الحياه من جديد فالاموااج الصناعيه :: لقطه حلوه اتبين الجسر الي يفصل بين كل المدينه وفندق صن واي لاجون بالخلف صوره تبين مدى طووول الجسر معرض احجار (( روووووعه ))) صلوووح جاااي متحمس والدانه خلصت الماي من كثر ما تغرق وتشرب ** والجمااااعه مشتطين مع هالامواج الصناعيه (( وعرض الخبرات )) كان ودي انط وياهم (( ولكن )) صعبه علينا أكتفينا باللعب مع العيال :: واليهال يحليلهم (( من قدهم )) مـين طفـى النـور ** وهذه صوره لأسماك جميله جدا واذا حبيت اتأكلهم (( مفيش مشاكل )) بس ونااااسه والله (( خلصت الاكياس من كثر ما أأكل فيهم ) صوره للعبه بالكهف (( بس ما دشيتها )) صوره من الاعلى للمياه الصناعيه وطبعا الخليجين مصيطرين عالوضع كما هو واضح [/IMG]

[/align]

[align=center]

	يتبع,, وبعدين مسكت الدانه (( ودشينا داخل اشوي )) ورديت بعد نص ساعه (( ألا صلوووح محد )) يمين يسار فوق تحت الا شووفوا وين صدنا الحبيب عاملي فيها روميووو وحبيييب ابو صلوح وسفه لنا وراح فعلشان هالحركه والخربطه الي سواها فينا حبيبت اعاااقبه (( واألعبه اللعبه الي ما يحبها ))* ها ها ها ها هاااااي حروووويك يا روميوووو معنى الحب ودخلنا اللحظه الحاااااسمه والمنتظره والي قد تعلن خطوبته من جولييت اذا نجح بالاختبار ولكن الحبيب (( لعن ابو الساعه الي شاف فيها جولييت )) بعد ما ذاق الامرين وشرب نص البحر ومن بعدها ردينا الفندق والعياااااااااال يبون يرقدون ومالهم خلق يشربون حليب حتى (( اتصلت باللموزين )) وجاء الحبيب بعد ما اخرنا نص ساعه عن الموعد المتفق عليه (( ووصلنا المطار )) متأخرين كالعاده , ولكن احدى الاخوات ما قصرت عدتنا عن كل السيد والطابور الي كان موجود (( وطبعا نظرات الحقد كانت واضحه عالبعض )) واكدنا الحجوزات وطرنا الى لنكاااااااااااااااااااااااااااااااوي (( جنة ماليزيا )) وهنا نكون قد وصلنا وياكم الى ختام اول ليلتين قضيناها في سلانجور (( ليلتين ولا اروع الصراحه )) ولكن عندي بعض النقاط الي احب اوضحها لكم : اذا كان عندك هاليوم فيه سفره الى مدينه معينه بالطائره (( لا تتعب نفسك ولا ترهق نفسك في الرحلات والمغامرات وخصوصا اذا عندك يهال )) لاني تلعوزت مع اليهال صح (( يبون يرقدون بعد ما لعبوا بالبحر )) وجيت انا وسفرتهم الى لنكاوي (( وانا عبالي عالدعسه الحبايب )) اطلعوا قطاااوه صج** والنقطه الثانيه : اذا كان موعد الاقلاع عندك الساعه 8 (( خل اللموزين )) يجيك 5 (( بغض النظر عن ال 45 دقيقه الي تفصلك عن المطار )) ولكن علشان تعمل احساب اذا تأخر ولا حصلت لك ظروف معينه ولا زحمه ولا أي شي (( خصوصا في بلد مثل ماليزيا ) لان اذا راحت عليك الرحله (( الله يعينك )) وين اتلاقي حجز (( كله فل )) وإن شاء الله يكون التقرير الاول حاز على رضاكم واستحسانكم واذا في نقاط او نصائح تحبون تقدمونها لي او أي استفسارات عن ماليزيا (( أنا بالخدمه )) تااااااااااابعونا وفالكم طيب مع مغاااامرات روميووووو الجديده

[/align]

[align=center]



هلا ومرحبا



بوصويلح

وااااااااااااااااااااو بجد بجد وااااااااااااااااااو

تصوير ولااحلى ومنااظر ولااروعـ

عيشتنا ويااكـ جوو ماليزياا

يعطيكـ العاافيه على الصور والتقرير الرهييبـ

لاهنتـ وبنتظاار بااقيـ الصور







لكمـ أجملـ تحيهـ

[/align]

واااااااااااااو
بوصالح تقرير رووووووووعه

شاقول ولا شا خلي

اول شي
الترتيب فظيع
وخصوصا اسمك على الصور بطريقة روعه
والصور وااايد حلوووه
التقرير مممتع من قلب

بخصوص صالح دانه ما شاء الله عسسسسسسسسل
الله يحفظهم

تعليقاتك على الصور تموووووووت من الضحك قسم بالله

وطلعت خطير تسجل بالمنتديات وتسال عن الفنادق وجي .. عجبتني طريقة تفكيرك..



الحمدلله على السلامه

وننطر مغامرات روووميوووو

بس دانه صج عسووووله ما شاء الله
وشعرها يجنن
بس مت عليها من الضحك وهي تسبح وخلصت الماي

بخصوص الي سويته فروميو ركبته زحلاقيه الماي
وعليه صاااح
هههههههههههههه
تشيطين مع عيالك


الله يخليكم لبعض
ويفرحك بهم دوووم

تقريرك عجيب

[align=center]
اخـوي "بوصـالح"

شهالزيـن كله,,
صراحه الصور اتجنن
والتقرير أحلى وأحلى,,
يعطيك الف عافيه على هالمجهود
الطيب,,
صورة السـمك فضيعه من قلب,,
وعموما كل اللقطات وايد حلووه,,
وبالأخص صلوووووح مع جولييت
والله مت ضحك ,, ربي يحفظه هو
والداااااااانه الأموره,,

والله الكل يمدح ماليزيا ومن كثر ما اسمع
عنها خاطري أروح ,,

شكلكم وايد استانستوا,, وهذا الأهم,,
يالله جاااو وسلم على المدام,,

سويتي,, [/align]