أولا وقبل كل شيء أحب أبارك لقطر الحبيبة ولشعبها الرائع الفوز بالكأس وأقولهم ألف ألف مبروووك (مع انكم شليتوا الكأس عنا )
وبصراحة حبيت أشكركم على معاملتكم الرائعة لجمهورنا أثناء وجوده في دوحة الخير والكل إللي راح عندكم رجع وهو مبهور بطيبكم واصالتكم وفعلا ماأحسوا بغربة وخاصة ان الوضع كان حساس وانتوا تعرفوا ايش اللي يصير عادة في المبارايات النهائية بين جمهور الفريقين لكن إللي صار هناك صراحة ما يصير الا في أرض مثل الدوحة
وتصدقون شيء بالرغم من إنا خسرنا الكأس لكن مو زعلنا بالدرجة اللي ممكن يزعلها شعب على خسارتهم للكأس بالعكس حسينا إنا فايزين .. فزنا بمنتخب رائع .. حبينا قطر أكثر.. إلتم شعبنا الخليجي
والله إنك تستاهلون يااهل قطر كل خير
على فكرة والله العظيم قبل البطولة كنت أقول : لو ما حالف منتخبنا الحظ في هالبطولة أتمنى قطر تأخذ الكأس .. لو كنت أحسب بتلاقي عمان في النهائي ما كنت تمنيت.. (أتغشمر)
على العموم ألف مبروك مرة ثانية وإن شاء الله لما تجوا عمان في خليجي 19 بنشجعكم ..بس خلوا الكأس النا هالمرة..

يالله باي وهاردلك لمنتخبنا وبالتوفيق لكل المنتخبات الخليجية

خليجنا واحد وشعبنا واحد

هلا اخوي نور مسسسسسسقط

اولا الله يبارك فيك وماقصرت على التهنئه الي هي مب غريبه على واحد من شعب عمان الشقيقه

وثانيا
كلامك يدل على اصل معدنك يالشيخ

وهذا واجب علينا

ونفس ماقلت اخوي الكل فايز

ونتمنى التوفيق للمنتخب العماني في البطووولات القادمه

ولك تحياتي اخوي

اخووك
لحدان

هلا وغلا فيك اخوي الكريم

ياهلا فيك وياهلا بأهل السلطنه

ياخوي قلناها ان ما شالهم الملعب تشيلكم عيوننا وتشيلكم بيوتنا الله يسلمك

وبالعكس اشوف المباراة النهائيه كان السناريو جدا ممتاز

بتقول لي ليش ؟

بأقولك لأنها جعلت الكأس بين الفريقين حتى آخر لحظه

والحقيقه هذا اكبر تتويج للفريقين انهم بالفعل يستحق كل منهما الكاس

والكاس عماني والكاس عنابي

هذا عندنا وهذا عندنا

مبادره حلوة من اهل مسقط وروح رياضيه .. فمبروك للمنتخب القطري وهارلدك للمنتخب العماني ...

مبروكيين اهل قطر على الكاس ...
ويالله ان شاء الله نعوض البطولة اليايه..في الامارات..

مساء الخير .....
تستاهلون الفوز ........ بس والله ما توقعت معاملتكم لأهل عمان بهذي الطريقة
وهاردلك للمنتخب العماني .... وان شاء الله نجيب الكأس من الأمارات في البطولة القادمة!!

بس ردوا علي يا أهل قطر ...... وعطوني تفسير واضح
ليش معاملتكم للمنتخب العماني كانت قاسية ..

تعرفوا جالسه ادور على منتدى قطري .... بس عشان أسألكم هذا السؤال !!

نور مسقط
الله يبارك فيكم
وهارلك للمنتخب العماني
والف مبروك على حصولكم على المركز الثاني
وحصولكم على هذا المنتخب الرائع

أموره الخليج
ممكن اعرف ايش تقصدين بالمعامله القاسيه للمنتخب العماني؟؟
وانشالله احاول اوضح لج الصوره

مرااااااااحب

هلا وغلا نور مسقط

تسلم تسلم يالغالي على كل ماسطرت يمينك

وقطر واهل قطر كلهم في خدمة جميع الاشقاء

واهل عمان مراحو مكان غريب جو بلدهم الثانيه

والف مبروك لكم هذا المنتخب الرائع بالفعل

تحياتي لك

المزوووحي

أقسم بالله ودون مجاملة ........ الفريق الذي يستحق البطولة هو عماااااااااااااااااااااااان دون منافس ولاكن هذا حال الكرة فمرات تقدم مستويات لاتحرز بطولة كما هو حالنا في دورة الخليج اللي في الرياض كنا افضل فريق ولاكن الضروف حالت دون حصولنا على الكأس ... واهم شي ان هذا المنتخب يستمر وبأذن الله سوف يحصد البطولات .... واذا كان منتخبنا فاز بجدارة فهو فاز بالتنظيم الرائع الذي قاده شيخ الشباب / جاسم بن حمد .... الذي بوجوده سوف نتطور الافضل في الرياضة ..... وتحياتي لكم .