شباب من خلال هالموضوع حبيت اعرف شنهي كانت توقعاتكم قبل البطولة

بصراحه انا ماتوقعت اللقب وتوقعت الخروج المبكر ...وتوقعت ان منتخب البحرين هو الي بيفوز بالكاس .. لكن بعد الصعود للدور الثاني .. توقعت ان بنفوز على الكويت وبنخسر النهائي الكاس امام عمان ...لكن الحمدلله الكاس عيا انه يطلع من قطر ...

مرحبا اباتششششي


بصراحه وانا معاك ماكنت متوقع كلششششششششش

وبالذات عقب مبارات الامارات

وكنت متوقع يا السعوديه يا البحرين

لكن الحمدلله ان توقعاتي خابت وفاز منتخبنا

ولك تحياتي حبوب

اخووك لحدان

هلا أباتشي
انا ما توقعت الا بعد الجولة الأولى وقلت يمكن البحرين طرف في النهائي .. لكن بعد الفوز على عمان والتأكد من مقابلة الكويت قلت خلاص الكاس لنا لأن مواجهة الكويت اسهل من البحرين وعمان ممكن نفوز عليهم مرة ثانية عكس البحرينين اللي من حسن الحظ ما تقابلنا معاهم ..

السلام عليكم

انا قبل انطلاقة البطوله توقعتها للعنابي و قمت بالتصويت في موضوع سابقاً

لكن لما تعادلنا مع الامارات جاتني خيبت امل و قلت الكأس بيروح حق الكويت

لكن جاني التفائل بعد مباراتنا مع عمان في الدور الاول..

لكن عند وقت ضربات الجزاء و اول ما ضيعها ناصر كميل قلت خلاص الكأس بيروح عمان

ايادينا كانت على قلوبنا في هذه اللحظات لكن الحمدلله فزنا و عمت الفرحه في انحاء قطر

و تسلم على الموضوع

تحياتي

اخي الكريم اباتشي

صدقني انني كنت اتوقع منذ انطلاق البطولة بأن كاس البطولة سيكون من نصيب منتخب عمان نظرا للتطور الذي طراء

للكرة العمانية ولانضمام دماء شابة للفريق وتمتع لاعبيه بمهارات عالية

ولكن لقلة الخبره في ضبط الاعصاب عند الاعبين كما اتصور في ضربات الجزاءكان هو سبب خسارتهم بالاضافة الى

احساسي ان بعض لاعبي المنتخب العماني اصابهم الغرور وكان ضربة الجزاء الذي تمكن من صدها الحبسي هي نهاية

المطاف واصبح الكاس في ايديهم قبل ان تنتهي ضربات الترجيح

واقول مذكرا ومع احترامي للعمانين


صابك غرور والغرور لما يصيبك مشكلة

وختاما الف الف الف مبروك للعنابي وهاردلك للعماني

هلا اخواني

والله انا كنت متفائل بالفوووز وكنت متوقع ان العنابي بياخذ الكاس لانه قدها وقدود

والعنابي اثبت وجوده ورد على كل المشككين واحرز الكاس

أنا كنت متشائم بدرجة ....... ماتصورها .... و فمباراة الامارات عقب ما دخلوا الهدفين ما تابعت المباراة بس عقبه دريت أن شبابنا تعادلوا .....

بس ما توقعت البطولة !! بس الحمد لله شبابنا ما قصروا ..................... يسلموا