[ALIGN=CENTER]الاخوان مشرفي منتدى العنابي المحترمين

لي ملاحظه بسيطه في نشر الاخبار عن تعاقدات اللاعبين مع الانديه القطريه و بصراحه شي صار لا يطاق كل واحد يحط خبر لا نعلم مدى صحته او مصادره هل هي موثوقه ام لمجرد للاستهلاك او لفت الانظار للعضو

واحد يقول مصطفى حاجي و واحد يقول انيلكا و واحد يقول ريفالدوا

و المشكله يحطون الخبر كأنهم واثقين منه 100%

و نشر هذه الاخبار غير الصحيحه يضر بمصداقية منتدى العنابي و مدى شهرة هذا المنتدى الرائع 0

فرجاءا التنبيه للجميع اذا اي واحد يحط اي خبر لازم يذكر المصدر و يكون مسؤول عن كلامه 0 اما كلام المجالس اعتقد ما يمشي هني 0

و الله من وراء القصد

كل الشكر لادارة المنتدى على هذا المجهود الرائع و على هذا التطور الواضح في منتديات العنابي 0

مع تحياتي[/ALIGN]

السلام عليكم ورحمة الله وبركاته

اخوي نواف

انا معاك ان صارت مبالغه في طرح الأسامي والاسم الي يجي على بال الشخص يحطه لكن في نفس الوقت اخوي نواف في إشاعات تنتشر وقد تتأكد او تنفى فيما بعد واعتقد طرح اسامي اللاعبين المرجح حضورهم للدوحه مايضر بالمنتدى ولا بالأعضاء لأن هذا شي منتشر في العالم عندك على سبيل المثال تيري هنري والارسنال يؤكدون بقائه في الفريق والريال يؤكد انه قادم الموسم الجاي ونفس الشي برشلونه يؤكد ان نيستلروي قادم الموسم الجاي ومانشستر واللاعب يؤكدون تمسكهم في بعض فهذا شي عادي وظاهره طبيعيه


بس انا معاك ان البعض قام يبالغ ويحط بعض الأسامي من باب السخريه والأستهزاء وانا ضد هالشي وكل الشكر لك على الطرح الجميل ونتمنى نشوف مشاركاتك اكثر واكثر

[ALIGN=CENTER]ياهلا وغلا فيك اخوي العزيز

nawafff


اشكرك بداية ً على هالموضوع

وبالفعل اخوي بالفعل الواجب على الأخوه الكرام التحري والتثبت أكثر

عند سماعهم لخبر ما . .

ولكن أخي الكريم

هناك من يقول ما معناه : خلوا الناس تقول اللي عندها ! . .
يعني المقصود . . خل الشخص يقول الخبر اللي سمعه وهنيه يجري تأكيده او نفيه ..

ولا تنسى اخوي ان المنتدى او إدارة المنتدى غير مسؤولة إطلاقا ً عما يكتب من مواضيع او اخبار متفرقه . .

ويتحملها كاتبها فقط . .


واتفق وياك ان على الجميع تحري المعلومه الصحيحه والأكيده افضل بكثير من
وضع الأخبار غير القوية او المضمونه

اشكرك [/ALIGN]

[ALIGN=CENTER]اشكركم على ردكم الراقي و الواضح ان ما عنكم اعتراض على اي شي ينشر في المنتدى

و لكم الرأي الاول والاخير طبعا هذا مجرد رأي مني


و انا سمعت ان زيدان وصل حق نادي السيليه من مصادر مؤكده

و بيكهام امس متمرن مع الوكره

و تيري هنري ساكن في فندق رمادا اظن نادي قطر بيسجلونه حق الكاس

و رونالدينهو امس مسجله على النعيمي للريان 0

ور ونالدوا وافق يلعب في قطر بس محتار بين العربي او السد بس جاي جاي 100% من مصادر مؤكده

و أنتظرواا المزيد لاني نسيت بعض اللاعبين

و شكرا لكم[/ALIGN]

اخوي نوااااف......................

اشكرك على موضوعك المهم .............

اذا سمحت لي انا اعارضك في بعض النقاط ......

انا اشوف ان الواحد اذا سمع خبر جديد حتى لو كان شاك فيه ينزله في المنتدى

حتى يعرف اذا كان الخبر اكيد او لا.....

ويكتب تحته اني غير متأكد واطلب تأكيد ...وبهذا انت تثير موضوع يمكن يفيد المنتدى

انا مثلا اذا قريت خبر في المنتدى اروح واسأل عنه ويمكن سؤالي يوصلني الى

اخبار ثانيه............

وانت قلت ان يجب ان نذكر المصدر ..... انا اخوي احس ان هذا الشي صعب

لان اكيد المصدر نفسه مايرضى انك تكتب اسمه ....

وثاني شي ..حتى لو نزلنا خبر يمكن يكون في وقت تنزيله خبر اكيد لكن بعد

ايام يستجد شي ..غير اللي انكتب مع ان هذا الخبر كان فعلا صحيح...

وانا بعطيك مثال .. عن خبر انا نزلته بخصوص المدرب متسو ونادي الاتحاد

انا نزلت هذا الخبر والخبر جبته من مصدر موثوق منه مب 100% بل 1000%

لكن نفس المصدر يقول ان نادي العين يساوم المدرب في تغيير رايه وهذا الشي طبيعي

لكن العقد بين المدرب والاتحاد توقع لكن يحق للمدرب ان لو لقا سعر احسن ان يفسخ العقد

................................
انا اسفه على الاطاله وتسلم اخوي................

هلا نواف ..


اعتقد الشباب كفوا ووفوا و مثل ماقالك البعض لما نحط اخبار خصوصا نحن مشرفي العنابي مستحيل ان نأكد الخبر 100 في ال 100 الا اذا كان لدينا مصدر موثوق فيه .. و لكن عندما نضع اخبار متفرقه اخرى لا نذكر مصارد لها فنحن نضعها بعد ان سمعنا عن هذه الأخبار من اشخاص قد يكونوا قريبين جدا من الأنديه و نضعها لمجرد العلم فقط لما يحدث و لما يتردد من اشاعات قد تكون صادقه او تكون غير صحيحه و ما اعتقد انها فيها اي شي خطأ و لكن ما ادري انت ليش مهول الموضوع بهذه الطريقه و اذا الأخبار هذه اخي الكريم لا تعجبك فأفضل انك لا تقرأها افضل لك ....

[ALIGN=CENTER]

اقتباس:

المشاركة الأصلية بواسطة عربااااااوي انت ليش مهول الموضوع بهذه الطريقه و اذا الأخبار هذه اخي الكريم لا تعجبك فأفضل انك لا تقرأها افضل لك ....

اعتقد أخوي أنا أعرف ايش اقرا و ايش اللي ما أقراه و لا أنتظر حد يعلمني على اي موضوع ادخل و اعتقد اخوي في اسلوب ثاني غير ذي تقدر تكلميني فيه 00 و اعتقد انك مراقب و يجب احترام الاعضاء

انا ما قلت غصب شيلوا المواضيع انا كان عندي اقتراح و قلته لكم و كتبت لكم في الاخير الرأي الاول و الاخير لكم اقصد مشرفين و مراقبين المنتدى 0

مجرد اقتراح و وجهة نظر يجب احترامها مب تقول لي افضل لك انك ما تقراها [/ALIGN]

اخوي عربااااوي اتمنى ان تكون عندك سعة صدر لكلامي ........

الاخ نواف ماقال شي غلط وهذي وجهة نظره اللي من حقه يعبر عنها ...

لانه حاط مصلحة المنتدى جدام عينه ... مع اني لا اوافقه الراي الا اني احترم رايه

.................................................. ......

اخوي العزيز عربااااوي .....والله ما اخبرك اتقول هالكلام .......

انا شخصيا تضايقت .. واتمنى اك ماتزعل من كلامي بس انا ما ارضى ان

هالكلام يطلع من منك او من اي مشرف محااااااااااااااايد في المنتدى...

وتسلم عزيزي .......وسامحني اذا تدخلت في شي مايعنيني..........

[ALIGN=CENTER]هههههههههههههههههه

أضحك الله سنك اخوي نواف


ياخوي انا فاهمك في اللي تقوله وموافقك 100 %

وان شاءالله من خلال موضوعك هذا ومن خلال نصيحتك الغاليه هاذي

راح ينتبه الأخوان الأعضاء ويأخذون هذه النصيحه في عين الإعتبار

لاسيما صدورها من أخ عزيز ومحب لمنتداه واخوانه

قول آمين . .

( الله يكثر من أمثالك )


لك كل التحية والإحترام [/ALIGN]

مراااااااااحب

هلا وغلا اخوي نواف

اشكرك على هالطرح الرائع يالغالي

اخوي الفاضل ناس واجد تمنع ان نكتب ونقول الخبر من المصدر الفلاني

وانت تدري ان لاعبين كبار واجد يجون الدوحه وعشان يتعاقدون مع نادي

وعقب يصير اختلاف بسيط ويروح الاعب وهني مش معناته ان انا اقول كلام

غير موجود او اطلع اشاعات بالعكس اناجالس اكتب لكم

كل مايصير بدقه وامانه

وباذن الله تعالى في الايام القادمه اذا قدرت اكلم شخص

ويسمحلي اني انزل لكم بعض الامور الي تدل على كلامي بيكون شي مقنع للجميع .

مثلا في الصيف وصل لاعب للدوحه وجلس يومين وكان بيوقع ولكن صار اختلاف

في وجهات النظر والمبلغ واظطر الاعب للمغادره واذا سمحت لي الظروف بجيبلك

صورته وهو في قطر ومعاه الاشخاص المخولين بالتوقيع

فمثل هذي الامور اذا ماحصلت مانكون احنا مروجين للاشاعه بالعكس يالغالي احنا جالسين

ننقل كلشي لكم بامانه ودقه كبيره ولكن قدر الله وماشاء فعل

وان شاء الله يالغالي تنبيهك بيؤخذ بعين الاعتبار وان شاء الله نقدر نوصل لكم المعلومه

ومصدرها وعشان نكون بعيدين عن الكلام .

بالنسبه للاعب النيجيري اخوي ولد الديره كتب الخبر قبل كم يوم .. وانا ذكرته اليوم وقلت

لك انه بيلعب مباراه تجريبيه بعد معاهم والمصدر ماقدر اقوله بالظبط لكن اقدر اقولك

النادي نفسه .


اسعدني تواجدك اخي الكريم وبانتظار الاخبار الحلوه منك ان شاء الله

تحياتي لكم ولكل من شارك بالموضوع

المزوووحي