ساعدوني 00

عرباويه قمر · 26-09-2007, 03:51:36 AM

انا تخرجت من الثانويه السنه اللي فاتت وصادتني ضروف وماقدرت اجيب المجموع اللي ياهل اني ادخل الجامعه 00 وخلال السنه هاذي دخلت معهد وخذت شهادتين شهاده لغه انجايزيه وشهاده فالحاسب الالي 00 قدمت اوراقي بالجزيره وبنفس الوقت ابي اكمل دراستي بس انا محتاره وين اسجل وبي كليه شمال الاطلنطي وله الجامعه الهولنديه 00 بس شمال الاطلنطي شهادتهم دبلوم وليحين ماحد بين اذا يقدر الواحد يكمل بعدها وله لا --والجامعه الهولنديه سمعت انهم افتحو تخصص جديد اللي هو اداره اعمال ياريت حد يفيدني بامور التسجيل هناك والمبلغ المطلوب وياريت حد لو يعرف عن الدراسه هناك شلون لاني بصراحه محتاره وابي اخلص كلشي واتوكل على الله واشكركم مقدما

WOLF 13 · 26-09-2007, 04:04:15 AM

اخوي في الجامعه الهولنديه

وداخل ادارة اعمال والي ا اذكره ان الكمستر ب 17000

عرباويه قمر · 27-09-2007, 12:33:50 AM

اشكرك اخوي عالمعلومه بس ياريت حد يفيدني اكثر بخصوص هالجامعه لاني حابه ادرس اداره اعمال

الـوداعـيـهـ · 09-10-2007, 01:43:52 PM

المرسومي ههههههههههههههههه

والله يا اختي انتي من شافج كاتبه انجايزيه ماضنتي يبون يقبلونج هههه

والله ماعرف شي انا عن الجامعات

عرباويه قمر · 10-10-2007, 12:57:38 AM

الوداعيه شكرا على التعليق تعبت نفسك يوم رديت 00 خطا مطبعي مني لاني كنت اكتب بسرعه ليكون عيب ولى اني ارتكبت جريمه

بن لادن قطـر · 10-10-2007, 12:56:14 PM

السلام عليكم ورحمة الله وبركاته

أما من وجهة نظري بين الجامعتين فالهولنديه شهادتها أحسن من الشمال الأطلنطي

بس المشكلة إن في الثنتين خلط والله يعينج إن شاء الله

الحوور · 10-10-2007, 09:38:28 PM

هلا اختى .... انا طاله بالجامعه الهولنديه ادرى ان ردى يمكن جه متاخر بس حبيت افيدج ... الجامعه فيها تتخصصين اداره اعمال بالسياحه والفندقه والحين فتحو تخصص جديد باداره الاعمال ... بس انا انصحج انج تختارين سياحه او فندقه لان هالتخصصات جديده بالدوحه وترى مطلوبه الحين ولها مستقبل ان شالله اذا تخرجتى ...ومب شرط طبعا اذا تخرجتى تشتغلين بفندق لان في وايد حاطين هالفكره براسهم ... تقدرين تشتغلين باي مكان سواء هيئه خاصه او حكوميه والدراسه اربع سنوات ... بالنسبه لى انا وايد مرتاحه من الدراسه .... وبالتوفيق اختى وان شالله استفدتى

عرباويه قمر · 11-10-2007, 08:51:55 AM

تسلمين اختي عالرد الحلو اللي اسعدني بس ياريت تفيديني اكثر كم هو المبلغ للدراسه وشنهي امتحانات القبول وياترى هل اقدر اسجل الحين ومتى وقت التسجيل الجاي

جنجووونه · 16-10-2007, 11:14:42 PM

انا بعد نفس اساله عرباويه قمر

عرباويه خل نروح نسجل مع بعض خخخخخخخخخخخخخخخ

عرباويه قمر · 17-10-2007, 02:36:46 AM

والله ياريت حد يفيدنا اكثر ونروح نسجل مع بهض ياجنجونه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::