تروي اختي لي معاناتها مع جامعة قطر وهي لم تداوم الى الان...

انها معاناة ايام التسجيل فقط!!!!!!!!!!!

ونظرا لرؤيتي ان الموضوع مهم..لكي يرتدع بعض الناس, ولكي يعتبر البعض الاخر..قررت النشر...

اليوم الاول(الثلاثاء)...ذهبت اختي الى مكتب القبول والتسجيل..لكي تسأل عن طلب اعادة رقم القيد..نظرا لانها تريدالتحويل من كليه الى اخرى..
فسألت احداهن..التي دلتها على المدعوة(1)..ذهبت اختي وسألتها عن الطلب..فقالت المدعوة(1).."ملي هالورقه" ,فقامت اختي بتملئة الورقة..,ثم قالت لها المدعوة (1).."تعالي بعد كم يوم ...تعالي السبت"...

يوم السبت لم تذهب اختي الى الجامعه ..لأنها لم تجد من يوصلها...


اليوم الثاني(الاحد)..ذهبت اختي الى المدعوة(1) فلم تجدها..فسألت عنها زميلتها التي بجوارها المدعوة(2)..التي اعطت اختي ورقة فيها رقم مكتبهاوقالت لأختي "لا تجين بنفسك..اتصلي على هذا الرقم بكره..عشان تكلمين المدعوة(1)."..اخذت اختي الرقم ورجعت الى البيت...


اليوم الثالث(الاثنين)...قامت اختي بالاتصال على الرقم المكتوب في الورقه مرارا وتكرارا..حيث كان الرقم يرن..لكن دون ان يجيب احد عليه...


اليوم الرابع(الثلاثاء)...قامت اختي بالاتصال ايضا على نفس الرقم...ولكن هذه المره احد ما اجاب...شخص سوداني الجنسيه..فسألته اختي عن المدعوه(1)..فأجاب.."النمره غلط" ...
فما كان لاختي الا انها تقرر الذهاب بنفسها الى الجامعه...


اليوم الخامس(الاربعاء)...ذهبت اختي الى مكتب القبول والتسجيل قاصده المدعوه(1) فلم تجدها ..فسألت المدعوه (2)..فاجابتها..انها غائبه اليوم, وقد تأتي في اي وقت..
[ ياسلااااااااام..الم تفكر هذه الانسانه..ان هناك اناس سوف تتعطل اعمالهم بسبب غيابها المتكرر..وحتى لو اضطرت ..لماذا لا تعطي زميلتها اعمالها التي انتهت منها..والتي سوف يسأل عنها اصحابهاحتى لا تتعطل الاعمال؟؟؟]....
ثم سألت اختي المدعوه(2)..عن الرقم الذي اعطتها اياه...فأجابت المدعوه (2).."اكيد انتي متصله بالغلط"
[حرقت التلفون وتقولي متصله بالغلط!! ]
فما عساهاان تقول اختي المسكينه,غير انها التزمت الصمت..وذهبت الى الجهة الاخرى..من مكتب القبول والتسجيل..لكي تسأل عن المدعوه(3)..,لان صديقة اختي اخبرتها ان المدعوه (3)..هي المسؤوله عن القبول وبالتأكيد سوف تقوم باعداد الطلب لها...
وعندما سألت اختي عنها..قيل لها" تعالي عقب ربع ساعه..الاخت المدعوه(3)..قاعده تتريق"..فقالت اختي "وين اروح؟"..فأجابت" روحي دوري شوي ..عقب تعالي.."..[ والله هي قاعده في الكورنيش عشان تدور مب في الجامعه!!]...
ونظرا لان اختي لا تعرف الجامعه جيدا..فقالت للموظفه سوف انتظر هنا..فأجابتها الموظفه.."لا تقعدين هني ,اقعدي هناك"..[الظاهر ان اختي فيها مرض وبتعاديها!!!]...
انتظرت اختي ربع ساعه حتى خرجت الاميره..بعدما انهت فطورها ..فسألتها اختي فأجابت..بكل ثقه.."احنا ما نسوي طلب اعادة رقم القيد للتحويل من كليه لأخرى..اذا تبين روحي الكليه اللي تبينهاومن هناك حولي, روحي للأخت المدعوة(4)..اذا تبينها تحولج"...
انصدمت اختي...بعد كل هذا العناء لا يجوز طلب اعادة رقم القيد....لماذا لم يقولوا هذا من البدايه؟؟؟؟؟؟
فما كان لاختي الا ان ترضى وتسلم امرها لله وتذهب,سواء كان ذلك برضاها او غصب عنها...
المهم ذهبت اختي الى الكليه المقصوده..وسألت عن المدعوه(4)..فأجابت زميلتها التي تجلس بجوارها.."فلانه غايبه..تبين تعالي السبت"
احست اختي بقهر شديد..فقالت اختي لزميلة المدعوه(4).."اكيد راح تجي السبت؟؟لاني كل ما اسأل عن وحده يقولون لي غايبه"..
فأجابتها باكتراث.."والله ماادري..احتمال ما تجي كلش..واحتمال تجي الساعه عشر...واحتمال تجي من الصبح"..[والله حرااااااااااااام رواتبهم اللي ياخذونها]


اسبوع وهي الى الان تنتظر..متى يتم تحويلها من كليه الى اخرى...ياللهووووووووول


انا ما اقول الا..
"ياللي تشتغلون في الجامعه خافوا ربكم واتقنوا عملكم....وليش هالنفس الخايسه والعناء والقهر الي تسببونه للطلاب والطالبات...ومدام الله معطكم مركز قوه وسلطه لا تظلمون..لان دايما في واحد اقوى منكم وراح يحاسبكم على كل شي يصدر منكم..
وارحموا من في الارض يرحمكم من في السماء"


هذا بس في مكتب القبول والتسجيل..الله يعين في المكاتب الاخرى



اهـــم واحــــــــــد

السلام عليكم اخوووي اهم واحد ..

والله يكون بعون اختك


وهالمشكلة اللي تعاني منها اختك عندنا كلنا .. مو بس في الجامعة .. في كل الدوائر الحكومية .. لكن اللي الاحظه انه اكثر الاماكن تخلفا عندنا من حيث العقليات .. هي الدوائر التعليمية الحكومية


يكفي عجائب إدارة البعثات




تحياتي لك .. وانشالله تنتهي معاناة اختك ومعاناتنا

أخي أهم واحد ............

أنا تأثرت جداً بمعاناتكم بستجيل أختكم المصونة في جامعتنا العتيدة ... ولكن ماذا نقول ؟؟؟

نقول لهم ...

قالوا لفرعون من فرعنك ؟؟؟؟ قال : ما لقيت حد يردني .................

يعني الجماعة هناك معتبرين جامعة قطر .. شركة أبوهم .... الله المستعان .............

أخي الكريم : إذا أردت مني خدمة شخصية في هذا الخصوص أنا مستعد .. لأني على علاقة وطيدة مع عميد شؤون الطلاب ..

إيميلي موجود

أخوك

صالح

الله يكون في عون إختك والله

وفعلا هالقصة حصلت مع واحد من الزملاء لكن تسجيل لأول مره في الجامعة

وكانت هذي سوء معاملة ، والإدارة بصراحة لاتصلح أبدا ويجب تغييرها

علشان كذا أنا أدرس بره

مرحبا اخي "اهم واحد"....

جامعة قطر وماادراك ماجامعة قطر....
هذي حال الدنيا كلها....الكل يعاني من نفس السالفه....
الله يكون في عووون الطلبه...المتوجهين الى الجامعة....جامعة الحظ والسعاده...

وياريت لو يسمعون النقد ويعملون على تجنب اخطأهم...
الا يسمعون من هالاذن ويطلعون من ذيك الاذن....
يعني يعملون بالمثل القائل....
"طنش تعش...تنتعش"...
هههه والله حاله....فاهمين المثل بالغلط....
الله يستر عليينا....ويجنبنا شر جامعة قطر....

وحبيت اشكر الاخ صالح اون لاين...
على مبااادرته الطيبه....
ولكن دائما الحل الاخير يكون الواسطه....
ويعطيك العافيه على المساااعده...

وتحيااااتي لكم ولجامعتنا الحبيبه....

معاناه .. ومأساه متكررة

نعانيها جميعا .. والله المستعان ..

عزائنا .. اننا بين اهلينا ندرس .. ولا نعيش الغربة كما يبكي بعضهم ألما منها ..

فلله الحمد أولا واخيرا ..

العزيز..السلطان..اخوي

مشكور على تواصلك وردك..

وصدقت ..اكثر الدوائر المتخلفه هي الدوائر التعليميه الحكوميه...واذا دوائرنا الحكوميه راح تبقى على هالحاله....
فلا تنتظرون التطور والتقدم...

ومشكور على مشاعرك النبيله..والله يكون في عون الجميع..





اخوي العزيز..صالح..


مشكور على تعاطفك...
لكن اش بنقول...؟؟...اذا الموظفين مب محصلين مسؤول يردعهم..ويحاسبهم على اتقان اعمالهم..فعلى الدنيا السلااااااام...

واتمنى ان حد من هالموظفين يقرا موضوعي..او حتى مسؤول...واتمنى انه يوصل...
وفيك الخير اخوي على انك فكرت في تقديم المساعده...




اخوي العزيز..مياس..

مشكور على مرورك وتعاطفك...
صحيح...الاداره بكبرها يبيلها تغيير...والله يكون في عون الطلاب والطالبات اللي يدرسون هناك...
بس ماقلتلي انت في وين تدرس؟؟

يعطيك العافيه..



اختي العزيزه ..وردة الماجد..

الف شكر على ردج..
وانا من خلال هالمنتدى ...اناشد اللي للحين فيهم بقايا ضمير...من المسؤولين...
اتمنى انهم يعيدون النظر..في الجامعه بكبرها...ومشكلة اختي ماهي الا مشكله بسيطه من بين المشاكل المعقده..اللي تحتاج لحلول..ولكن مع هالتسيب والاهمال وعدم اخلاص العمل لكثير من الموظفين..فلا اعتقد ان هناك امل في ايجاد الحلول..

وبخصوص الواسطه...انا واحد اموت من القهر..لما حد يقولي" تبي تخلص شغلك..دورلك واسطه..."...اذا المجتمع للحين يتعامل مع الواسطه..فانسوا شي اسمه تقدم وتطور..ولا تزعلون اذا قالوا ان الشعب القطري شعب متخلف...اذا هو للحين يساوي الانسان اللي تعلم وكمل دراسته الجامعيه مع واحد بالغصب مكمل دراسته الاعداديه..مساويهم بنفس العمل
ولا احيانا ما يقبلون الاول لان ماعنده واسطه..ياسلااااام..اشلون نكافىء هالشخصين؟؟؟؟؟؟؟؟؟؟؟

عالعموم..اسف اذا بدرت مني اي كلمه تزعل...بس والله هالحال يقهرررررر..

يعطيج العافيه ...اختي..



اهــم واحــــــــــد

مشكوره اختي شموخ ..على ردج..

بس والله احيانا..الواحد يعيش في غربه ويدرس..ولا انه يعاني من الظلم وهو يدرس في بلاده..


تحياتي...

اهــم واحــــــــــد

صحيح شر البلية مايضحك...

اخوي اهم واحد... اذا بغيت الصج (التسجيل المبكر هي اول مشكله تصادفك في الجامعه)

لكنها مب الاخيره...يعني بعد المدارس والدلع اللي كنا نشوفه دخلنا الجامعه وشفنا الويل

الله يعينها ويعينا كلنا (اكره شي التسجيل والحذف او الاضافه)...والسبه انهم ينقعونك


خلاص اخوي صالح اون لاين واسطتنا...

تسلم اهم واحد على طرح هالموضوع..وياليته يوصل للمسؤولين

تحيــاتي...

يعطيج العافيه ..اختي ريانة العود..

وشاكرلج على مرورج وردج...

واتمنى ان هالموضوع يوصل للمسؤولين...

اخوج,,,
اهــم واحـــــــــــد