أخواني وأخواتي الأعضاء الكرام ......

أريد منكم أفكار وأنشطه مدرسيه للمرحله الأبتدائية بنين مختلفه طوال العام الدراسي

وايضا أفكار لشهر رمضان الكريم


أرجو من أعضاء منتدى العنابي مساعدتي بطرح أفكاركم الأبداعيه ...


ولكم مني جزيل الشكر ........

عليكم السلام ورحمه الله وبركاته,,,

اختي بإذن الله نقدر نسـاعدج, لكن انا عندي استفسار,
نوعيه الأنشـطه شـلون؟ مسـابقات يعني؟ مادري وضحي
شـوي عشان أقدر اساعدج

مشكوره أختي الغاليه على مرورج

الأنشطة أو المشاريع اللي أقصدها على سبيل المثال مشروع ( القراءة للجميع ) ويكون أسبوع كامل للقراءة وبنهاية الأسبوع يتم مكافأة الطلاب على قرأتهم .

أريد مثل هذه الأفكار والمشاريع ، وأيضا أفكار لشهر رمضان المبارك ....

أنا عندي أفكار حق أسبوع اللغه لعربيه
ما اعرف جان عندكم بقطر تسون جي وله لا

أسبوع اللغة العربية :

سأقدم لكـ المقترحات الآتية علكـ تستفيدين منها أنت وباقي الأخوات :-

1- افتتاح الأسبوع بطريقة إبداعية مبتكرة

2- تفعيل دور الإذاعة المدرسية

3- عمل عرض مسرحي يخص لغة الضاد

4- التحدث باللغة العربية الفصحى ( إلزامي للهيئة الإدارية والتعليمية والطلاب)

5- إصدار مجلة خاصة بلغة الضاد

6- عمل مسابقات أدبية في مجال نظم الشعر والخاطرة والمقال ..(يمكن تكون صعبه على الأبتدائي بس شوفي ابداعاتهم )

7- عمل حفلة سمر تحوي ألعابا فكرية (تيبين ألعاب من مركز التعليم المبكر أعتقد موجود عندكم المحل صح وله لا؟؟)

8- تقديم محاضرة أو ندوة تتكلم عن أهمية اللغة العربية (يمكن تكون حق إلي اكبر )

9- عمل ورشة عمل لتعليم العروض ونظم الشعر (هاتولهم كمن شاعر خلهم يتعلمون كيف يعدون قصيد غاوي )

10- تقديم أصبوحة شعرية للطلاب والمعلمات

أتمنى أن يكون أسبوع اللغة العربية ناجحا ...


ولي رجعه إنشاء الله

^_^

مرحباا غناتي
يبت كم فكره

بس يمكن تكون حق إلي أكبر من الإبتدائي بس انتي
شوفيها جان عيبتج سويها واجن ماعيبتج برايج

أذكر نحن برمضان إلي طاف سوينا افطار جماعي بالمدرسه

يعني صح هالطلاب يهال بس يرومون ييبون ولي الامر ويسيرون بيستانسون وايد
عني اليهال بتمون يلعبون رواحهم وأولياء الأمور بييلسون جنهم بميلس

اوكي الفكره تيبون خيمه من المطافي اوك يعني تنظمون معاهم يون وينصبون الخيمه لمده أسبوع
أو يومين على كيفكم المهم والتووون مسابقه بين الطلاب يرسمون رسمه تعبر عن شهر رمضان

وتتعلق بالخيمه بدبوس عسب بعدين تنشل ويكون فيها الإفطار الجماعي وبعدين بالمره مجلس الأبهات

ما اعرف جان بتعيبج الفكره بس نحن كنا نسوي جي وأمايا كانت تيي معاي وبعدين تيلس تتخبر عني والفظايح كلها تظهر

هاي فكره الخيمه والإفطار الجماعي

وهاي فكره بنت عمي


تقولج ترشمون شجره على لوحه بنيه وتنقص وفيه اغصان

ولوحه بيضا وتنقص على شكل اوراق تتعلق على الشيره وتنحط لوحه الشيره ورا باب الصف

وتتثبت بالسيليكون أو بلزقه دبل فيس اوكي وبعدين كل طالب يكون عنده 31 ورقه حق الشيره

ويقسمها 5 أقسام حق كل صلاة وكل مايصلي صلاه ويه ابوه بالمسيد يلونها بلون اخضر وبما انه

الظهر يكون بالمدرسه فخلهم يصلون جماعه مع المدرسين الكل بالمصلى وله بالساحه بيكون حلوو

اوكي كل يوم بيظهر الورقه ويلونها وبيكون في متابعه من الأهل عسب ما يكون في غش

وإذا ماصلا الصلاه بوقتها يلونه أحمر وجي على آخر يوم برمضان جنكم اداومون خله يحسبون لكل

طالب كم يوم صام وكم يوم ما تأخر عن صلاته وجي يعطونه هديه ترزا التعب (بالنسبه لهم)

ويتابعون الموضوع عسب يتعودون على الصلاه بوقتها والصوم وبيكون شي جميل

ويعد تكون في لوحه باللون الأبيض تنقص على شكل ثمار (تفاح أو برتقاله أو فراوله)

وكل مايتصدق الطالب يلون ثمرته أكيد بآخر الشهر يتكافأ على العمل الطيب إلي سواه

وجي الطالب بيحب يسوي الخير وبيتعود عليه من هو صغير

وبس وإنشاء الله بلم بعد أفكار وبرد عليج

والسموحه أدري وايد أرمس

مشكووووووووره ألف ألف شكر يا دمعة عذاب


على الأفكار الأبداعيه

والله عيبتج الللللللللله حلووو يعني عيبتج أفكار

لو تبين عندي بعد بس حقنا نحن الكبار يعني قوم الثنويه

وبشوف وبرد عليج بلم كمن فكره وبنزلهم بعد

^_^

ما شاء الله عليج أفكارج روووووووووعه


وعجبتني فكره الشجره وفكره أسبوع اللغه العربيه


وإذا عندج أفكار تناسب المرحله الأبتدائيه وشوفينها مناسبه لسنهم أذكريها لي


والللللله يعطيج العافيييييييييييييه

مرحباا اليوم يبت شي بس مب يديد

ترومين تسوين منشورات (مطويات) وفيها أسئله سهله وصعبه

والطالب ياخذها معاه البيت ويحاول يحلها بروحه وإذا صعب عليه شي يرجع لوالدينه

وبعدين يكون في صندوق بالمدرسه عسب يجمعون فيه الأوراق بعد ما جاوبو عليها

الطلاب أو إنهم يجمعونها عند حد من المدرسين وبعدين ياخذها المدرس او صاحب المسابقه

ويشوف ويصحح الإجابات وبعدين يفرز الصح من الغلط وبعدين يسوون سحب على الإجابات

الصحيحه بالطابور وتوزيع جوايز (سياره تحكم عن بعد أو المسدسات العوده إلي تتعبا بالماي )

جي جوايز حلوه تفرحهم ....


وبقكر وبردلج اوكي
سي يو



^_^