أول شي مبروك لجميع الناجحين والناجحات في الشهادة الثانوية العامة.. سوءاً الحكومية أو الشهادة الثانوية المستقلة في قطر..

يغيت أعرف عن كلية شمال الأطلنطي في قطر ؟؟؟؟؟

أبي أدخل ولد أختي في الكلية وسمعت أنه الكلية غير معترف فيه ... وأنه كلية تجاريه ... وأن الطالب اللي يدرس في هذه الكلية وكأنه يتدرب مو يدرس وسمعت وااايد بعد

مع ذلك سجلت ولد أختي .. فيه والأسبوع القادم عنده إختبار قبول ... وطبعا إخترت له تخصص هندسة إتصالات ....

أفيدوووني أرجوكم هل المعلومات اللي سمعت عن الكلية صحيحه ...؟؟؟؟


أخوكم في الله


charmingboy

انصحج نصيحه لوجه الله

كلية شمال الاطلنطي في قطر من افشل واقل الكليات مستوى
ونصيحة لاتدخلين ولد اختج لو ببلاش اقولج ليش

اولا : الشهاده مش معترف فيها وحتى لو جيتي اتكملين مثلا عالجامعات برى

ماتقبلج الجامعات وحتى في كندا نفسها وكلياتها ماتقبلج في ناس كثار تخرجوا وقالوا

انه الشهاده طاحت في جبدنا وحتى في جامعة قطر ماتقدرين اتكملين على الدبلوم

الي خذتيه من الاطلنطي ولكن ممكن يحسبون المواد الي خذتيها كعدد ساعات

طبعا اتخرجين دبلوم عالي والمعاش مجرد 6000 و 7000 وساعات اقل

فحرام تقضين اربع خمس سنين والدبلوم اصلا يناخذ في كثير من الجامعات

والكليات الاحسن مستوى من الاطلنطي في خلال سنتين

والجامعه نفسها قالت انها راح تفتح البكالوريس ولكن هذا الشئ
غير موجود عالواقع تماما يعني اذا قالوا سجلي وبعدين بنفتح بكالوريس

حجي مأخوذ خيره

واسمحي لي عالاطاله ولكن عن خبره من خلال معرفتي بناس ادرسوا في الكليه

وتخرجوا وشهادتهم طايحه في جبدهم

والله يوفقج ويوفق ولد اختج

ياهلا ومرحبــا , اخوي

اولا , اختي ليـه يادنيــا كليـة شمال الاطلنطي من اعرق الكليــات والجـامعـات والحمدلله الدولـه لو ان الكليـه فاشلــه على قولتـج جان مايابوهــا عنـدنا وشي ثاني لو فاشـله على قولتـج جان الغـاز والبترول والبنوك وكهرمــاء وموؤسسـة حمـد الطبيـه ماتبتعـث موظفينهــا لــ الاطلنطي يدرســون ويتدربون في الكليـه

, ثانيـا , الكليـه نظامهـا الدراسي على اعلى مستـوى ومستوى راقي لكن المشكلـه البعض اللي يسيئـون لانفسهــم اولا وللكليــه من بنـات وشبــاب .

ثالثــا , الكليــه معترف فيـها وتم الاحتفــال في رمضــان بالاعتراف فيهـا وتم حضـور عميـد الكليـه الام في كنـدا ويبـدوا ان معلومات الاخت ليــه يادنيــا مغبره وعـاف عليهـا الدهــر .....!!!

رابعــا , تخصصــات الــ engineering بشكـل عام من اقـوى وافضـل التخصصــات في الكليــه وبأمكـان ولـد اختك انه يكمـل البكـالورويوس في كنـدا وكلام ليـه يادنيـا غير صحيح 100 %
لانه الاتفـاق انه بامكان الطالب يكمـل دراستـه في الكليـه الام في كنـدا ..

وبعـدين في فرق بين سنتين و 3 سنـوات , تخصص الــ سنتين يكـون دبلوم اما الــ ثلاث سنوات فهو دبلوم عــالي

الحمدلله احسن كليه في الخليج تعطي دبلومات ولولا مسخره كان مافتتحها حرم الامير
وانا بخلص بعد سنتين وبصير سنير وكفايه دخلت الكليه الي تفتح النفس مب جامعة قطر

أراء طلبة كلية شمال الأطلنطي

كلية شمال الاطلنطي كلية تقنية من كندا , تم انشاءها لتحل محل كلية قطر التقنية القديمة التابعة لجامعة قطر , وطبعاً لازم يكون في كلية تقنية , ونفس ما ذكر الاخ عبدالرحمن تساعد الطلاب الذين لم يحصلوا على درجات عالية في الثانوية لاكمال دراستهم,

السلبيات:
خريج كلية شمال الاطلنطي لايستطيع اكمال دراسته في الجامعات الي بينها وبين الكلية اتفاقية , لان هاذي الجامعات غير معترف فيها من قبل المجلس الاعلى للتعليم
سمعة كلية شمال الاطلنطي سيئه, والي يدرس في الكلية يعرف هذا الشي

نظام تقييم الطلاب مب اوكي , يعني علشان تحصل على ال A لازم تجيب بين 80 ال 100 وانا اشوف ان هذا مب من العدل اني اساوي بين 80 وال 90

درجة النجاح من 50 , اتمنى اتكون من 60 , لان في وجهة نظري الشخصية 50 لا يعتبر نجاح

بعض التخصصات التي تدرس في الكلية في وجهة نظري حرام ان الواحد يضيع عمره ويدرسها مثال : ادارة مكاتب , لان مثل هاذي التخصصات سهله جداً , واذا الطالب يبي يكمل دراسته يمكن ينحسب له عدد قليل من المواد تقريباً من 4 الى 5 مواد فقط من أصل 24 ماده

كثير من الشركات مب الكل بس الاغلب , خريج كلية شمال الاطلنطي الي ما عندها خبرة عملية تكون درجته الوظيفية نفس درجة خريج الثانوية العامه , طبعاً هذا مب عدل
مدة الدراسة في بعض التخصصات سنتين وتخصصات أخرى 3 سنوات مثل تكنولوجيا الهندسة , والطلاب مب عارفين اذا في فرق في الدرجة الوظيفية بين الي يدرس ثلاث سنوات او سنتين

كثير من الطلاب والطالبات صراحه يغيروا للأسوأ بسبب الخلط



الايجابيات:
طلاب كلية شمال الاطلنطي خريجيين برنامج ادارة الاعمال , توجد جامعات في كندا تسمح لهم بدراسة سنه على الثلاث سنوات الي ادرسوها في شمال الاطلنطي للحصول على درجة البكالوريس طبعاً بس في شروط اخرى مثل التوفل

كلية شمال الاطلنطي تركز على تنمية مهارات الاتصال لدى الطلاب بطرح عدد من المواد مثل:
Oral communications
Report Writing
Writingi Fundamemtals
Business Communications
Workplace Corrsepondene

مبنى الكلية متطور ويلبي احتياجات الطلاب

اخوكم: محمد الصايغ


2 هذا رأي طالب اخر

السلام عليكم

حيالله شباب كليتنا


في البداية مشكلة الجامعه إنها دبلوم .. على الرغم من أن موادها ليست بالضعيفه ( أتكلم عن مواد الإداره )
و المشكله الثانية إن الطالب إذا مادخل عن طريق كيوتل أو كيوبي أو أي شركة .. فمشكله للطالب ..
لأن الطالب الي يبتعث عن طريق الشركة يجهل مصيره مستقبلا .. فكيف بالطالب الي يدرس على حسابه أو عن طريق المجلس


ثانيا :
المدرسين .. هناك عدد منهم جاو من كندا كان تخصصهم مش تدريس
فمثلا المحاسب في شركة صار مدرس .. شلون ما تدري ؟


الشيء الثالث : الجامعه تفرق بين الطلاب الي عندهم سبونسر و الطلاب الي ماعندهم .. فالي عندهم سبونسر شادين من حيث الغياب و حذف و إضافة المواد أما الي ما عندهم سبونسر فالأمور سهالات .. إن شاء الله ياخذ له 12 ساعه بس ..!!


__________________

والاراء تختلف في من حب هذه الكلية وفي من لم يحبها
في من يمدحها ليل ونهار وفي من يذم فيها ليل ونهار
وللحق انه الكليه من ناحية التطوير المهني والذاتي جيده جدا

السلام عليكم

مشكوووورين أخواني وأخواتي على الإطلاله والرد

وبعدين أخوي أو أختي ( ليه يادنيا ) أنا ولد مش بنت ...
( عفوا )

وفي شي بعد ...

طبعاً أنا ما أعرف أحد من ربعي أو أحد درس في هالكلية .. شذي حبيت أسألكم عن الكلية ومشكووووورين ... على الرد الجميل


بس في عندي شي ألا وهو ....
(لو كانت كلية ) مش معترف فيها أو كلية فاشله ليش حرم الأمير مهته وخرجت طلاب من الكلية ؟؟؟؟؟؟سؤال محير صح ؟؟؟

وبعدين نظام الدراسه والفهم والإٍستيعاب تعود للطالب نفسه .....
وكثير من طلابنا هالأيام ... إهتمامهم في الدراسة قليل وفي اللهو كثير ... فــــ أكيد إللي بيدرس في هالكلية أو أي كلية ثانية بيقول أنه الكليه فاشله ....
الطلاب أو شبابنا وبناتنا هالأيام بيون الشغل السريع .. ( أي شغل ) بدون أي إهتمام في الدراسه ليش لأنه أو ما يتوظف الشركة أو الجهه الحكومية أو الموسسة يبعثون موظفيها للدراسة في الكلية علي حساب المؤسسة أو الشركة .... في الشي البلاش سهل بدون أجتهاد صح ؟؟؟؟


عن نفس أنا درست في كلية (بدون ذكر إسم الكلية ) ويا ماا تصحوني إني ما أدرس في هالكلية وهذاني تخرجت .. ومتوظف ... طبعا ... كان فيني حب شديد في الدراسة ( أعوذ بالله من قول كلمة أنا ) وحبي الشديد في الدراسة تخرجت وكنت متوظف قبل الدراسة...
يعني إشتغلت بعد الثانوية وبعد خمس سنوات كملت دراستي

وهذاني اليوم .... (طبعا إسمي معروف ) بدون ذكر الإسم كثير من الناس يعرفوني .... ترقيت وأدرس مع إني مش مدرس ...

البداية والنهاية يعود الإهتمام للطالب نفسه ....

ومشكوررررين واااايد أخواني


أخوكم

charmiingboy

وانا اخوك اللي يقـولك انها مب معترف فيهـا ترى مايـدري وش الطبخـه , ولا هـو عـارف وش قـاعد يصيـر في الكليــه يفتي على كيفــه , قلت لك من قبل في رمضــان اللي طاف تـم الاعتـراف بالكليــه وبجميــع تخصصــاتهــا وفي جـامعه في كنـدا بامـكان اي طـالب يروح هـناك ويكمـل دراسـة البكـالوريوس وبعـدين اللي تسمعـه عن الكليــه في كل مـكان فيه الزين والشين واللي ياي يبي يـدرس ويخلص ويفتـك هو اللي راح يمشي واللي ياي حق الخـرابيـط والمسخـره هذيل معـروفين من اشـكــالهم , وبالنسبــه للشــغل , والله كان المؤسسـات والبنـوك ما طرشت موظفينهـا للكليــه عشــان يدرسون لو مايعترفون فيها او انهـا كليـه مب في المسـتوى كان طرشوهـم جامعـة قطـر ....!!! وبعـدين اغلــب الطلاب المبتعثيــن من أشغــالهم مبتعـثين عشـان يحسـنـون من وضعهـم الوظيفي والترقيــات وهالسـوالف ...لانه هم يطلبـون منهم اذا تبي ترقيـه تبعث للدراســـه ...!!!

السلام عليكم

اختي الكليه بختصااااار

من الي شفته الصراحه

اذا الدوام بيطرش الواحد الشمال الاطلنطي

اي لايفوت الفرصه لان بيدرس التخصص الي الدوام يبيه يدرسه علشان يحصل ع الدرجه اذا خلص

دراسته

بس اذا بيروح يدرس من نفسه فانا ماانصحه

وهذا الكلام مب عن الشمال الاطلنطي

يعني مثلا لو الواحد راح ودرس من نفسه حتى لو هو يداوم في في اي مؤسسه او دائره حكوميه

اذا خذ الشهاده بيكون هو اصلا متوظف ع الثنويه فالدوام بيقوله ببساطه

ليش درست على هواك انا ماطلبت منك هالتخصص ومب مجبور انا يقبل شهاتك

والله خوش نصيحه

يا الذيب

خلاص انا بقولها حق بنت خالتي مسكينه بدشها

مشكور وما اتقصر

والله محتار ... أقولكم شي يا أخواني بخليه ولد أخوي يروح يمتحن إختبار القبول واللي فيها فيها ... في الأخير بيطلع دارس صح .....
من ناحية جامعه قطر ... مثل ما سمعت طبعأ أنا ما درست فيه ....
أنا درست في كليه .... (مابذكر إسم الكلية ) والحمدلله .... متوفق .... وطورت نفسى
علشان شذي بخليه يدرس تخصص هندسة .... والباقي على الله...

سواءاًُ في كليه شمال الأطلنطي أو أي كليه ثانية ...
ا&