اقدم لكم هذا الحوار الذي كان بيني وبين احد ادارين الجامعه

روح الروح : السلام عليكم ورحمة الله وبركاته

الاداري : وعليكم....

روح الروح : بغيت اطرح عليك موضوع لنقاش

الاداري : مب فاضي الحين تعال بعدين

روح الروح : ابيك بموضوع مهم ما راح ياخذ منك دقايق

الاداري : قول وخلصنا

روح الروح : تسلم اخوي ( كل موظفين الجامعه روحهم تجارية )

روح الروح : سمعنا ان فيه طلاب كثير بينفصلون هل انتو راضين عن الي تسونه ؟

الاداري : انت جاي تحقق معاي

روح الروح : لا طال عمرك استغفر الله

الاداري : نعم راضين كل الرضى عن هذي القرارات ولو ما كنا راضين ما اصدرناها

روح الروح : زين ايش ذنب الطلاب القدامى الي رفعت عليهم المعدل الى ( 1.5 ) وطلاب 2003 الي رفعت انذارهم من (1) الى (2) بدون احم ولا دستور ( على قولة المصرين )

الاداري : اول شي الطلاب القدامى تخرجهم 1.5 وما راح يتخرجون الا بهذا المعدل يعني ما يضر اذا رفعنا الانذار , وطلاب 2003 وما فوق طبقنا عليهم التخرج 2 علشان نحسن مستوى الطالب

روح الروح : اهااااا , بس الي ابي اقوله انه فيه فرق الحين

الاداري : ايش هو ؟

روح الروح : قبل الطلاب ما كانوا مهتمين للانذار لان معدل الانذار واحد وفيه ناس معدلاتهم 1.22تقريباً مخلصين 70ساعه كيف تبيهم يرفعون يرفعون معدلهم بسرعه وانتو تدرون ان رفع المعدل يصعب اذا خلصت كم كبير من الساعات ( ولا انا غلطان )

الاداري : ( هااا ) صحيح صحيح لكن نبي الطلاب يهتمون شوي والي مش مهتم ماله مكان بينى

روح الروح : اهاااا مع انه مش جواب مقنع لكن بمشيهااا , تقدر تقولي لي رفعتوا معدلات الانذار 2 على طول بشكل مفاجئ ليش

الاداري : رفعناه علشان نرتقي بمستوى تعلم قطر

روح الروح : هذا جواب دبلوماسي حلو لكن عندي نقطه ابي اوضحها لك ممكن ؟

الاداري : (لاحول متى بيخلصنا هذا ) قول خاص ما عندي وقت

روح الروح : اسمحلي اخوي انا فهمي بطيء ايش قصدك بأن ترتقي بمستوى التعليم في الجامعه او قطر ؟

الاداري : فيه طلاب جامعه للحين ما يعرفون يكتبون صح عندهم اخطاء املائيه

روح الروح : نعم صحيح انا المفروض اني متخرج من زمان وللحين عندي اخطاء في الاملاء

الاداري : فيه ناس للحين ما يعرفون يتكلمون كلمتين انجليزي

روح الروح : صحيح انا للحين ما اعرف اتكلم كلمتين انجليزي

الاداري : للحين فيه ناس ما يفرقوت بين الهاء والتاء المربوطه

روح الروح : انا للحين ما اعرف اشلون افرق بينهاا ( اتمنى ان محد يضحك علي بس هذي الحقيقه انا ما افرق بينهم )

الاداري : انت قيد كم ؟

روح الروح : انا قيد 2001

الاداري : انت اكيد منذر ؟

روح الروح : بصراحه ومع الاسف ( لا )

الاداري : اشلون تمشي في الجامعة ؟

روح الروح : امشي على رجلي عادي

الاداري : لا لا اقصد اشلون للحين ما خذيت انذار

روح الروح : الحمد لله ربك يعدلهااا ( بس عن الحسد ) قول ما شاء الله

الاداري : ( غريبة ) ما شاء الله

روح الروح : يبه انا بعطيك الزبدة , تبون تتحسن الجامعة وترتفعون بمستوى طلابها ومواطنيها ؟

الاداري : ياليت يا ابو العريف

روح الروح : لا تحاولون تبنون العماره من فوق

الاداري : اشلون ؟

روح الروح : الحين اذا جيت تبني عمارة تبنيها من الاساس تحت ولا من فوق ؟

الاداري : هههههههههههههههههههه اكيد من الاساس ولا بطيح عليكم

روح الروح : خلاص ابتدوا من الاساس من الابتدائية وبعدها الاعدادية وبعدها الثانوية وبعدها الجامعة , حطوا مقررات مثل العالم وجيبوا مدرسين على مستوى عالي واهتموا في تأسيس الصغار لانهم هم شباب قطر

الاداري : يعني التأسيس غلط

روح الروح : اي غلط و 60 غلط

الاداري : شكلك زودتها اطلع برى

روح الروح : ليش اذا سمعتوا الحق تسكرون اذانيكم وتعصبون , لعبوا فينا المدرسين الاجانب كله ( دروس خصوصية علشان تمشي ) واقعد ادفع ( الف ريال او الف وخمسمية كل شهر ) من الابتدائية الى الجامعة واحنا نمشي بفلوسنا ( درس خصوصي = نجاح ) لين نوصل الثانوية وبتحديد ثالث ثنوي نتوهق

يا جماعة خافوا ربكم لين متى نقعد كذا ساكتين عن الحق ( الساكت عن الحق شيطان اخرس ) وجا الوقت الي نتكلم فيه بصراحة

تذكرت كلمة لواحد من المشايخ (( احنا دايماً ندور على الحلول السريعة )) يعني مستوى خريجين طلاب الجامعة في تدني ارفع المعدل (( عسى ماشر )) ما فيكم صبر تسون خطة طويلة الاجل (( حلوه هذي طويلة الاجل )) يعني تغير مناهج جلب مدرسين على افضل مستوى ..............الخ

ونصبر 6 سنوات ابتدائي و 3 سنوات اعدادي و 3 سنوات ثانوي و4 سنوات جامعة ونشوف النتيجة

اكيد بيقولون طويلة 16 سنة ( بس صدقوني هذا هو الحل ) نبيكم تأسسون صح من البداية من الابتدائة لين الجامعة وشوفوا مستوى التعليم اشلون بيصير

هذا الكلام الي ابي اقولة والحمد لله قلته (( على فكره الموضوع كله كلام فاضي وكله من راسي )) ادري طولت عليكم الموضوع لكن للأسف محد يبي يسمعناا

(( بس نسيت شئ اخاف يصيدوني من الاي بي ))

عن اذنكم خلوني اشرد

تحياتي

روح الروح

يا سلام عليييييييك يا روح الروح كلامك والله مضبوووط مية بالمية



وانا واحد من ضحايا البناء من فوق



يعطيك العافية

كالعاده ،

يعطيك العافيه والظاهر بنسوي إعلانات عن العنابي في جامعة قطر عشان بعض الناس يشوفون المواضيع،

وخلاص خلاص ترى إنصدت

تحياتي وجزاك الله خير

ههههه

حلو الحوار .... ( بس سؤال : لهذه الدرجة الموظفين معاملتهم سيئة إنك تتخيل الحوار بهذا الشكل ؟؟!!)

يعطيك العافية ...

النهاية ......... ما سمعونا و لا رح يسمعونا ....


يلا متى نتفاءل ؟؟؟؟؟؟؟؟؟!!!!

صح لسانك يا خوي ولاهنت ..

اللي في قلبي كله طلعته ..

.
.
.

بس !

من يسمع ؟!
ومن يحس ؟!
كالعاده محد
واكلوها يا طلاب جامعة الظلم والظيم ..

.
.
.

في ذمتي خاطري أسوي برنت للموضوع وابعثه لمنظمة حقوق الأنسان ..



.
.
.



مب حاله ..




جوري

الغالي ليــث قطر

ترى كل الي ردوا على الموضوع شكلهم مثلنا

مشكور على مرورك

وما اقول الا الله لنا

-----------------------------------------------------------------

اختي الغاليه العنابيـــــه

يعني تبين تقولين ان (( بوطبيع ما يخلي طبعه ))

افااااااا يعني انا خراااط

الله يسامحك

اضحك معاك

---------------------------------------------------------------------

الغالي ام الحارث

بد على سؤالك

الجامعه فيها الزين والشين والي اتكلم عنه موجود فعلا في الجامعه (( والله يستر عليه ))

اكيد طلاب الجامعة عرفووووووووووه

تحياتي

---------------------------------------------------------------------

الغاليه عنود الدوحة

مشكوره على المرور

وشنسوي لازم اطول بالي انا الكبير

------------------------------------------------------------------------

الغاليه الجـــوري

مالها الا حل واحد

لازم جميع الطلاب يقدمون استقالتهم من الجامعه احتجاج على الوضع (( تدري لو يصيدونك انهم بيطقونك طق ))

الله يستر

تحياتي لك

مشكوره على مداخلتك الرائعه

وشكرا لك على تأيدك لوجهة نظري

ههيهيهيههيهيه
كخكخكخكخكخكخخ

حواارك مضحك للغاية

بصراحة


المسؤولؤ يسمعوننا
ويعرفون
معارضاتنا
وشكاوووووووووووويييييييييييييييييييييييناااااااااا ااااا


لكن .....(من دون تعلييييييييق)!!!!!

ولله المشتكى...