السلام عليكم
عندي سؤال اشلون ادرس مادة الفلسفة
الكل يقول ان الكتاب ما يجي شيء منة
انزين اشلون ادرسة وانا من النوع الي يحفظ

خذي دورةمادة فلسفة

همممم أختي ( الله يعينج صراحة مالج الا الحفظ ) أكيد أنتي في جامعة قطر وخلولكم أياه بالانجليزي بعد !!! هههههه

أختي أسمحيلي بس هه المادة ( أحفظيها ) وبعد الحفظ حاولي تفهمينها يعني أقريها عادي جنك مانحفظين وشوفي تلاقين نفسج بتفهمينها عادي .... يعني القراءة أكثر من مرة للفلسفة خاصة تخليج تفهمين اكثر واكثر.

اذا تقصدين مادة الفلسفه مالت ثالث ثانوي ترى مافي اسهل منها
غالبا غالبا غالبا ماتكون الاسئله مكرره في كل الامتحانات
وكل شي من الكتاب ترى .. احفظي الفقره كامله عن طريق كتابتها بورقه لأكثر من مره
وراح ترسخ في راسج

اذا تقصدين ثالث ثانوي

اقولج قطي الكتاب عنج ، وجيبي لج مدرس له خبره ، لانه بيعطيج الاسئله اللي غالبا ما تجي في الامتحان .


واذا تبين مدرس ، في مدرس في مدرسة الاستقلال الشباب يمدحونه اسمه حسن طاحون ، نص الشباب اللي اعرفهم جابوا درجات كامله .

ماده الفلسفه تعتمد على تفكير كل فيلسوف عن الانسان والرب والحياه ......
الماده حفظ وبنفس الوقت فهم سهله والله بس لاتحطين ببالك انها صعبه

بالتوفيق يا قلبي .......

مشكورين على الردود وصج خليتوني ما اخاف
بس المدرسة تلوع الجبد وكل ساعة تهدد مب شارحة لكم شيء
بس بو يوسف اشلون اوصل للمدرس الي تقول عنة

واسفة تعبتكم معاي

سئلي عنه اختي ، اذا عندج حد من اهلج في مدرسة الاستقلال بينفعج ، نصيحة اخو المدرس ممتاز ومافي احلى من اوراقه ، جيبيه ولا تحتاجين حق مدرستكم اللي ذلتكم بتدريسها ، وهو ترى عنده شرط اساسي ، تدرسين وياه اول باول .

افهمي المآده ولا يهمج الحفظ

^_+

توكلي على الله