السلام عليكم ورحمة الله وبركاته


اشحالكم ؟؟ عساكم طيبين ؟؟؟


انا عندي موضوع لواحد من الشباب ، صاحبي مقدم على ترشيحة خفر السواحل ، قالوا له الترشيحه عندهم سنتين ونص 6 شهور بريطانيا وسنتين بنغلاديش .

الشهادة دبلوم ، بالاضافه ان بيكون عنده دبلوم عسكري ، وقالوا له ان لهم نفس امتيازات الاماكن الثانيه بالداخليه بعد التخرج ((بعد ما يعلق النجمه)) وله بدلات زياده مثل بدل الخطر ، والدوام بعد ما يتثبت يومين دوام واربعة ايام اجازه ، وطبعا الدوام شفتات .

السؤال ، شرايكم في ترشيحة خفر السواحل ؟؟

هل تأيدونه ان يروح او لا ؟؟

انا ما جاوبته لانه ماعندي اي خلفيه عن الترشيحات .


اتمنى انكم تساعدونه .


اخوكم

الفريدوني

أخوي أقولك وخذها مني ( العسكرية) أفضل وأمتيازات أكثر أسألني هنيه أشوف العجب العجاب قسم بالله ماشاء الله عليهم مرتاحين. قوله روح وتوكل على الله وخله يستخير أخوي. بلتوفيق أنشالله.

انا ما عندي اي خلفية عن الموضوع بس أخوي

نصيحة الاستخارة لا تنساها والتوكل على الله

هلا والله سيزار

والله انا على اللي اشوفه للعسكرين ياخي صج كرف بس بعد مرتاحين وبالذات اللي في لخويا ، انا نصحته انه يستخير وعقب يقرر .


مرحبا لمسة وفا

يعطيج العافيه على الرد اختي ، وانا قلت له استخير .

السلام عليكم ورحمة الله وبركاته

يعطيك العافيه اخوي


بالنسبة لترشيحة خفر السواحل اللي اعرف اكاديمية العلوم البحريه في مصر والكويت

هم الافضل حتى من ناحية الراحة والدراسة

اما بنغلادش وباكستان وفرنسا افضل للي في البحرية وهم تابيعن للقوات المسلحة مش الداخلية

على العموم مثل ماذكروا الاخوان خل يستخير ويتوكل على الله

والله يوفقه لما فيه الخير له

وعساك على القوة

مرحبا الوعب

وتسلم على هالمعلومات المهمه يالغالي ما قصرت يالغالي