من فيكم بمدرسة الشيماء او مدرسة اروى؟؟ اوتعرفون حد من اروى والشيماء؟
شكرااا qtr 4 ever على رفع المعنويات...
ان شاء الله اكون انا من البنات القطريات اللي يرفعون الراااااااااس

انا كنت فالشيماء بس تخرجت وخلصت ثالث من زمان والحين بنت خالي هناك ‘‘

شنو الي تامرين فيه فديتج ؟؟؟

لان انا بالشيماء وانتي بأي سنة تخرجتي؟؟ وبنت خالج في اي صف؟ واذا كانت بثاني باي قسم؟
يمكن اعــــرفهــــا

مااعتقد يخلونج تعيدي اذا انتي نجحتي لكن لو انك تبين تعيدها كان في ايام الاختبارات حسيت انك مابتجيبي نسبة مااختبرتي في مادي

انا تخرجت من 3 سنين وبنت خالي في ثاني وهي علمي والحين رايحه ثالث ‘‘ يمكن تعرفينها ليش لا

...........

في قطر تقدر تعيد لو كانت تبي ترفع معدلها ... بس تروح وزارة التربية والتعليم وتوقع على اوراق!!

^^^

ما يحتاج بس يكون عندها نسخه من شهادتها الثانويه الي خذتها الحين موثقه من الوزاره

وتشوف متى موعد التسجيل في المدرسه الي تبي اتسجل فيها مع الاوراق المطلوبه

مرحبا اختي

في البدايه اقولج استخير ربج ، وعن نفسي اقولج عيدي ، ما وراج شي لحينج بنت في شبابج يعني ما وراج شغله معينه فعيدي ،

انا جبت في ثالث ثانوي 84% ، لكن كنت احك من السبت الصبح لين الاربعاء كل يوم احط لي ساعتين طبعا غير ساعتين مدرسين

من يوم السبت لين الاربعاء كل يوم استاذين يجوني ، الخميس والجمعه اخذ راحتي اطلع ويا الشباب اروح الخيمه اروح الميلس اهم شي ارفهه عن نفسي ، حتى لو مالي نفس ادرس اطلع ، تبين نصيحة اخو تحملي تظغطين على نفسج في الدراسه لانج بتزهقين وبتملين ، انا كنت حتى ايام الامتحانات اطلع علشان ما اتملل من الدراسه بس نظمي وقتج ردي المدرسه تغدي وارقد وادرسي لين الساعه 10 وعقب ريحي ، انا واحد كنت حاط في بالي اجيب فوق 90% وجبت 84% الحمدلله نسبه حلوه ادخلني كل مكان اللي ابي اوصله لج خلي طموحج على نسبه عدله حطي في بالج تجيبين فوق 90% علشان اطلعين طاقتج في الدراسه .

وبعدين الصفوف اللي مريتي فيها مش مقياس ، يعني مب معناته جبتي مثلا في ثاني ثانوي نسبه زينه معناته ظمنتي نسبه عدله في ثالث ، ثالث ثانوي حاله استثنائيه ، انا من صف خامس لين ثاني ثانوي ماتعديت حاجز 80% لكن في ثالث الحمدلله تعديت هالحاجز
اهم شي تدرسين واطلعين كل طاقتج في الدراسه ، انتو بنات مادري شلون مدارسكم بس اللي اعرفه انه المدرسات يهتمون اكثر من المدرسين في الصف ، على ايامنا المدرسين مايدرسون في الصف بس علشان نجيبهم البيت ، لكن المدرسات يعطونكم اوراق وملازم
يعني الحمدلله اموركم طيبه ، بس عليج تشدين حيلج وتخلين ايرادتج عاليه .

واذا تبين تنقلين لمدرسه معينه انا سئلت لج اختي قالت احسن مدرستين الشيماء ومدرسة رابعه العدويه ، شوفي اي وحده اقرب لج
الشيماء في الدفنه ورابعه في الهلال .

هذا كل اللي عندي والله يوفقج ان شاء الله .

مشكور الفريدوني على المعلومات ورفع المعنويات....

اتمنى تستمرون معاي اكثـــــــــــــــر....

اختي الموضوع بسيط انا مخلص من 8 سنين الثانوية والعام عدت الثانوية ومانجحت او بالاحرى ماكملت الفصل الثاني وتمت شهادتي
نظام الشهادة عندنا اذا جبتي بالشهادة الجديدة نسبة اعلى من القديمة تحسب الجديدة واذا اقل ماتنحسب واتم القديمة

كلام اكيد ولاتحتارين واذا انتي مترددة اتصلي بإدارة الامتحانات