كخخخ ,, خرعتـواا الرجاال

مساء الخير للكل
كنت أتوقع إني أحصل ترحيب من قبلكم بس للأسف ماكو أي ترحيب

أختي شـــوق ليش كلامك يدل على إنك ماتبين أدرس في جامعاتكم في قطر هي إحدى أمرين ياإن جامعاتكم مو زينه على كلام الإخوان أو إنكم ماتبوني أخش الجامعة


على العموم أصابع إيديكي مو سوا ياأخت شــــــــــوق وشكراً على ترحيبكم لي في جامعاتكم الجميلة

السلام عليكم ورحمة الله وبركاته

هههههههههههههه

الصراحه الصراحه انا تحطمت من كلامهم

ياخي لاتزعل ولاتضايق وحياك

شوف من الاخر جامعتنا ماتبي لعبه ولاستهتار

لان نظامها شديد شوي ولازم من اول كورس نسبتك فوق 2

عشان تمشي امورك عدل والله يوفقك اخوي

واذا احتجت اي شي احنا فالخدمه وعلى فكره انا درست

فجامعه قطر بس للاسف ماقدرت اكمل لظروف خاصه

تقبل مروري واحترامي

بسم الله الرحمن الرحيم
السلام عليكم ورحمة الله وبركاته

الى كل قطري يغار ع بلده ...... ويسعى الى رقيها فوق الهمم.....

جامعه قطر من افضل الجامعات في الدول الخليجيه ونالت ع الكثير من الجوائز العالميه ..... ليس من العقل ان تسعوا الى
تشويه سمعه الجامعه وذلك من مواقف شخصيه حثت لكم او من قصص كل من يتكلم عن هذه الجامعه ...... الجامعه وفرت
للطلاب والطالبات كل ما يحتاجونه من اساسيات الدراسه ..... فقد وفرت لهم الباصات المجانيه .... والمعاش الشهري
ومقداره 1500 ريال قطري بالاضافه الى توفير افضل الدكاتره والاساتذه للتدريس ..... وبالاضافه الى وضع قانون الارشاد الذي
يساعد على توجيه الطلبه والطالبات الى تسجيل ما يناسبهم من المقررات التي تناسب مستواهم الجامعي ......
بالاضافه الى الحريه التامه في كتابه وقول كل ما يجول في خاطر الطالب والطالبه من مشاكل تواجهم في الجامعه فقد اتاحت
الفرصه لهم في المنتدى الجامعي وبالاخص في الخط الساخن ..... بالاضافه الى قيام كل عميد كليه الى فتح باب مكتبه
الى كل الطلبه والطالبات للاستفسار ....

فكل ما يقال عن جامعه قطر خاطيء 100% .... فالطلاب يريدون الراحه وعدم الحضور اليومي وعدم الاجتهاد والدراسه
اولا باول ..... فطلاب وطالبات قطر من الطلبه المرفهين جدا ..... انظروا الى الجامعات الاخرى وقارنوا وستجدون الفرق
ستجدون طلاب الجامعات الاخرى يشتكون من كل النواحي من الباصات والمواصلات وبعد الجامعه عن منطقتهم فهم
يقطعون عشرات الكيلو من اجل الوصول الى الجامعه لتلقي العلم وبالاضافه ان الجامعات الاخرى اكتشف ان اكثر
الدكاتره والاساتذه غير معترف فيهم بمعنى اخر شهاداتهم الدكتوراه مزوره ولم تكتشفهم الجامعه الا بعد سنوات من
معاناه الطلاب والطالبات ....

هناك الكثير من المتفوقين والمتفوقات في جامعه قطر ... والجامعه تكرمهم كل فصل ومن عدل الجامعه تكرم حتى
المقيمين وذلك لانها تقوم ع العدل .......

وهناك القليل من الطلاب والطالبات الذين لا يستحقون حتى ان يدخلوا الى الجامعه وذلك لاهمالهم لدراستهم
والغياب الكثير بالاضافه الى عدم الاهتمام ولكن على الرغم من ذلك الجامعه تحاول كسبهم وتحولهم الى الارشاد لرفع
مستواهم الدراسي ........

فلماذا الحقد على الجامعه وتشويه سمعتها ...... اعطوا الوجه الحسن والجيد للدول الاخرى حتى ترتقي دولتنا
الجبيبه ..... قـــــــــــــــــــــــــــطــــــــــــــــــر


اخي الفاضل ...... ادعوك انا شخصيا الى الانضمام الى جامعتنا الراقيه والموقره .....
فانا من الطالبات المتفوقات وساسعى قدر الامكان الى مساعدتك واخبارك بكل جديد ......
وسوف تتاكد من كل كلمه اقولها من جامعه قطر عند الانظمام الينا ...
زهناك الكثير من الطلاب السعوديين بالجامعه وطلاب من الدول العربيه ايضا .....


وشكرا ........ واسفه ع الاطاله ..

طبعا مافي احد يقصد تشويه السمعه
ولكن الواحد يقول الواقع
الجامعه ماعادت تتساهل مع اي طالب كان
اما الدراسه او بلاش
إذا حاب يا اخوي فحياك الله بالعكس احنا نفرح لما نشوف طلبه من الخليج يدرسون بقطر
وبالاخص في الجامعه الأم مثل مايقولون

جامعة قطر اصبحت من الجامعات القويه ومستوى اكاديمي عالي مايختلف عليه اثنين

وانتقاد الاخوه الي قبل لانه تغير نظام الجامعه من ايام الاستهتار والراحه الى نظام صااااااااارم

بس كا مستوى اكاديمي تعتبر من اقوى الجامعات
ولو مابغيتها عندك خيارات وحامعات اخرى ذو مستوى تعليم عالمي غير حامعة قطر
وعندك رابط اخونا ليه يادنيا تكلم عن جامعات المدينه التعليميه وتخصصاتها

كل ماتريد عن Qatar Foundation City

شهل كلام استهتار وراحة؟؟ يعني أنتي قاعدة تنتقدين كل اللي تخرجوا منها وأشتغلوا فيها أنهم مستهترين؟ ما هذا المنطق صراحة قوية .

انت قاعد لي قعده اي موضوع لازم تخالفني

لا بالعكس خرجت ناس كفؤ كلام مايختلف فيه اثنين انا اتكلم عن الطرد الي صار في الكم سنه الاخير عشان ايش؟مب عشان الاستهتا...كانت هاذي بداية نقطة تحول النظام...ومثل مايقلون مايبغون يخرجون الى النخبه

أفااا انا قاعد لج بلعكس أختي انتي وايد ممتازة في كلامج وأحترمه جان زين في حريم في هل زمن يتكلمون بمنطق مثلك . عموما أختي أهو صج في سيئيين ولا زال بلجامعة حسب ما سمعت ولكن السؤال ما هي الاستراتيجية اللي حاطتها الجامعة في أستقطاب الافضل !! هذا واحد وأثنين هؤلاء اللي ينطردون شنو وضعهم راح يكون؟ لأن راح يجلسون في بيوتهم وبيصير تكدس وعبء على كاهل رب الاسرة !!.

المطلوب أستراتيجية بناءة في الحد من أنتشار ظاهرة دش الجامعة وأنجح ولا لاء على البركة أختي معاي أنتي؟ مادري يمكن لج وجهة نظر أخرى !!!.

تسلم اخوي على كلامك الطيب ويعطيك العافيه
الاستراتيجيه الي انا سمعتها انه يبغون كل الي بلجامعه اصحاب مستوى اكاديمي عالي..وانه راح تنفتح جامعة للطلاب الاقل مستوى...مع انه الحين ماقمو يعتمدون على نسبة الثانويه اهم حاجه تجيب التوفل(هذا البلا)!!
لما ينفتح موضوع الجامعات يحز بخاطري لاني ماخلوني ادرس الي ابيه
شوف المرحله الانتقاليه بين النظام السابق والنظام الجديد خرب وضيع ناس كثير ..بس في حاجه وحده سواها المجلس الاعلى للتعليم اعجبتني...انه الطالب القطري مهما كان مجموعه بالثانويه وعنده توفل يقدر يدرس في اي جامعه يبغيها على حسابهم...خطوه في هالوقت ممتازه بس ضاعت على ناس كثار....مادري الصراحه انا لحد الحين اشوف الناحيه التعليميه فيها شوية وشوشه وتلخبط


العيون الشقيه