الرجاء التعبير عن ارائكم بصراحه

في البداية اود ان اقول هذا جزاء منتخبنا الذي يلعب بلاعبين اغلبهم مجنسين ومن خارج قطر وربما من خارج العالم العربي,,,,,,,,,,,,,, فما ادري شنو المطلوب من لاعب يلعب باسم قطر وهو لايدري مالنشيد الوطني القطري او كيف تبدو خارطة قطر ياناس انا مع كرشتي وكبر سني لو لعبوني العب بقتال لاني العب من اجل رفع اسم بلدي بس مو من اجل المادة ,,
ياناس انا مو ضد التجنيس اوكيه جنسوا ناس مولودين في قطر متربين في قطر اخذوا من عاداتنا وصاروا منا وفينا
يااخواني اي منتخب راح يشرفك واهو ماهمه الي في جيبك
لين تبون تكونون منتخب كونوهم منذ الصغر بحب قطر والعب من اجل قطر وعدوهم مو تلقط لعيبه اجانب من كل مكان وطبعا هذا مو حادث بس في القدم لا وصاروا يجنسون كينيين في العاب القوى و يجنسون اوكرانيين في رفع الاثقال والله اقطري عيونه زرق يالا... خوفي منتخبنا في الفيفا ولا لعبة الدوري الياباني اذا حطونا راح يحطونا خوال .............

المشكله في بلدنا الحبيب قطر انه كان متأخر بكل شي والحين يبي يجاري العالم كله الي كونوا انفسهم على مدى طويل واحنا نبي نختصر المدة الطويله بايام مو بس بالرياضة بل بكل شي وانت ياخوي يالي ولدت بقطر تلاحظ مدى التغير المفاجئ الي صار بكل المجالات............

خلني اعووووود اتكلم عن المنتخب والله ان البراعم اساس المنتخب يجب تدريبهم منذ الصغر مو بس على الكره بل تدريب اجسامهم على التحمل وتشكيل لاعب بجسم متكامل يصلح للعب ومن ثم التكتيك والمهارات لانه وش يفيد لاعب بوتكتيك واهو معصقل والهوى يلعب فيه ولا يقدر يجاكر لعيبة الخصم وكل ماجاوا صوبه رفع ايده يبي فاول. فالتاسيس راح يجيبلك منتخب عمرك ما تحلم فيه بس احنا مانبي الا النتائج السريعه الي ماراح تجي وان جات راح تجي لفتره بسيطه .... فالاحسن تصبر مده طويله حتى تجني نتيجه طويله وفعاله.


اسف ان طولت عليكم بس والله متفشل من منتخبنا دام ربعي في امريكا يدرسون معي يقولون لي منتخبكم الجامعه العربيه بس عقب كوني صار الامم المتحده. بس وارد واقول في لاعبين عندنا يملون العين يلعبون عشان قطر خذلك مثال شفتوا جفال راشد ليييييييييييييين عصب على الحكم عشان ضربة الجزاء المحسوبه للسعوديه الصحيحه لنه يلعب من ضمير ها شفتوا كوني قال شي ولا ربعه . كفاني تجريح وذم بس والله قلبي شايل عليكم يالعنابي يالي كنت عنابي وصرت سنغالي.



تم التحرير والحذف
ويرجى عدم التجريح لأسماء معينه
الإدارة

[ALIGN=CENTER]هلاا اخوي.. aziz

مشكور اخوي على هل الموضوع..

الصراحه كلاامك صح 10000%

وهل الكلام مب بس كلاامك هاي كلاام كل مواطن قطري قلبه يحرقه على منتخبنا..


بس الحين بدوا يهتمون بالبراعم .. واااااايد.. لأنه اخوي في المنتخب.. وانا ملاحظه الأهتمام فيهم


وخاصه انه السنه الجايه بفتحون الأكاديمه الرياضيه..


بالتوفيق لمنتخبنا الوطني..


ويعطيك الف عافيه....وهد اعصابك..


تحياتي الفارسه[/ALIGN]

انا خاطري اعرف من بس الى اختار الاسامي حق اللعيبه

والله جالس فى المجلس وعندي واحد من الاخوان اليمنين وهو ينشدي هل هذا اللعب قطري وانا ادري ان هو فى قلبه يتطنز

يعنى قال لي هل محمد صقر الحارس قطري قلت له اى هذا من خوال الريان

وبعد عن واحد ثاني قلت له اى هذا من خوال مدينه خليفه


والمسكين شكله صدقني

مايدري لو انهم من خوال الريان او مدينه خليفه كانو ارفعو اسم قطر مثل مبارك عنبر ومنصور مفتاح


لكن الله المستعان

تبي رايي وبصراحه

بقولك كل الي في قطر ماعندهم سالفه ولا يعجبهم شي

على ماذكر ان المنتخب اول ماجسن كوني وكميل محد تكلم نفس احين والكل فرح في التصفيات لما كميل استن من نص الملعب تقريبا وجاب القول الاول لنا في ذيج التصفيات محد قال انه مجنس ولا شي الكل مدحه

اذا المنتخب فاز الكل يفرح ويشكر مايقول هاي مجنس وهاي لا... بس اذا خسرنا حطوا كل شي على المدرب والمجنسين .. ومن وجهة نظري ان كوني في اول مباره مع البحرين كان احسن لاعب دفاع عندنا وكان امصكر بشكل حلو وحتى في باقي المباريات امقدم مستوى افضل من لعيبه ثانين.. واذا على الروح الوطنيه وليش ماعصب على ضربة الجزاء .. اول شي اعتقد اللعيبه المحترفه والي عندها فكر كروي اتعرف انها مهما اعترضت على الحكم ماراح يغير رايه ليش انا اروح واعترض واحصل كرت على الفاضي .. وشي ثاني كوني عنده انذار في البطوله ولو حصل انذار ثاني ماراح يلعب مباره واعتقد الانذار كان في نفس المباره ذيج واعتقد هاي سبب خلاه مايتكلم

واذا انت كنت امتابع تصفيات امم اسيا مبارتنا مع فلسطين اعتقد بتذكر كوني ايش سوى لما في الدقايق الاخيره لاعب فلسطيني دخل جامد على واحد من لعيبتنا كوني عصب وراح دزه دزه طيره.. اول واحد هو كان ووايد قطرين ماسوى هل شي

انا مابي اتكلم وايد .. اعتقد لو عندنا لعيبه اتعرف تلعب وعلى مستوى جان الاتحاد مافكر يجنس .. والي معاجبته فكرة الاتحاد انا اقول خله يشد حيله ويروح يلعب في المنتخب يروينا ايش بيسوي

وانا معاك ان التأسيس لازم يكون من البراعم واعتقد هل شي صاير احين

تحياتي

والله بصراحه انا اشوف الموضوع بعيد عن الشي المفروض نتكلم عنه ..... و ايضا الناس اللي ردوا مع احترامي لهم اعتقد انهم بعيدين حتى عن كرة القدم .....



اولا احنا اذا بنتكلم يجب ان نترك موضوع التجنيس على جنب لأنه موضوع مفروووغ منه و عدنا و كررنا فيه الف مره و اتمنى من كاتب الموضوع الحديث اكثر عن الأمور الفنيه في الفريق و طريقة لعب الفريق و الخطط و الاعبين المختارين للمشاركه مع الفريق ...


اول شي لكاتب الموضوع aziz انا مستغرب جدا من تهجمك على عبدالله كوني و محمد صقر و غيره من الاعبين على الرغم من ان هؤلاء الاعبين هم اكثر الاعبين المبدعين في الفتره الحاليه مع الفريق ..

اذا جينا لكوني فهو واحد من ابرز المدافعين حاليا مع العنابي و يلعب بقوه و بروح عاليه عكس كلامك تماما ..

و اذا تقول ان جفال الوحيد اللي اعترض على ظربة الجزاء طيب قولي من غير جفال اعترض اذا على قولتك كوني ما اعترض طيب شفت احد من االعبين الأخرين اعترض اشمعنى ذكرت كوني يعني ..؟؟!!!!


وبعدين اذا بتقول عن الوطنيه بقولك انا شي في تصفيات كأس اسيا عندما لعب العنابي مع الفريق الفلسطيني ظرب احد الاعبين الفلسطيينين لاعب من منتخبنا و لم يحرك اي لاعب ساكنا من لاعبي منتخبنا للدفاع عن لاعبنا سوى الاعب عبدالله كوني اللي ذهب و كان يريد ظرب الاعب الفلسطيني تعبيرا عن حبه و مساندته لزميله و تعبيرا عن روحه العاليه و حبه للفريق .....


و اذا اتينا للحديث عن محمد صقر انا مستغرب منك جدا انت جالس تلوم افضل حارس في الخليج الأن بشهادة الجميع صراحه ماعندك سالفه ........!!!!!!!


و لو بنتحدث عن الاعبين المواطنيين اللي من اصل قطري فعلا على كلامك فأذا انت فعلا لك خبره في كرة القدم انا اتحداك تسأل اي لاعب مواطن اذا اراد انه يلعب بدون مقابل مادي و تبي اوضح لك اكثر بوضح ... و خلك معاي ....:

اولا : العنزي لاعب كبير و قطري الأصل و باع ناديه الأصلي و باع منتخب بلده من اجل الماده و مازال العنابي يعاني من غياب العنزي و العنزي مب مفتكر في منتخب بلده ..

ثانيا : سلمان الأنصاري غاب عن فريقه الريان و تركه في اشد الظروووف لأنه له مطالب ماديه و امور كماليه اخرى اقصد منها سياره و مبالغ ماليه أخرى و اذا لم تنفذ مطالبه لن يعود للريان ..


و غيرهم و غيرهم و لكن سأكتفي بهذا القدر عشان اثبت لك بأن حتى لاعبينا القطريين الأصليين اصبحوا يلعبون من اجل الماده و نسوا الروح القتاليه اللي تقول عنها .....


و ارجو ان تختار كلامك بطريقه واقعيه و ارجو انك تكون مثقفا اكثر كرويا لتتحدث عن امور اهم بكثير من التجنيس في المنتخب الوطني .....

و ارجو ايضا ان تترفع اخي الكريم عن الألفاظ و توجيه كلام معين للاعبين بالأسم فالأنتقاد للاعب بالأسم مسموح اذا كان انتقاد ايجابي أما الأنتقاد بشكل سلبي امر مرفوض و لن نسمح لك او لغيرك في العنابي بهذا النوع من الأنتقاد ....


انتهى ..... بوراشد ..

انا بس بعلق شوي على كلام بوراشد
اكيد المواطنين صارت لهم مطالب ماديه ..
يعني الحين يشوفون المجنس و اللاعب محترف .. ما يتم شيء ما يعطونه اياه من مواد كماليه ..( فيه واحد من اللعبيه المحترفين معطينه اكس 5 ) و غيره ذلك
ماتبي المواطن يموت حره لان المواطن ما يعطونه شيء ويشوف الغير ما شاء الله غارق في فلوس بلاده الذي هو له الحق فيها.. و الله صج ان العنزي حارق قلبي.. بس ياخي معاه حق .. عيال بلادك ما تكافوه و المجنسين و المحترفين ما يتم شيء ما تعطيهم اياه
وين وجه العدل في السالفه
و تحياتي

يااخي مانقدر انقووول الا ........ الشكوى لله ...

يا اخواني اول شي انا كاتب ضعف الي اقرويته بس حذفوا نصه من المسؤولييين لني ذكرت لعيبه واجد.

فانا رائيي وبكل صراحه منتخبي اذا كلهم اقطريين ويخسرون عندي عاااادي مو اجانب ويفوزن لنه فوزهم ماله طعم, واذا لقوا عرض غيرك انحاشوا مثل واحد كرمناه بقطر وعزيناه وتاليتها انحاش لا وفي احتمال ياخذ جنسيه من دوله اخرى ............ ياخوي الحين بربك تشجع منتخب ماجور تشجع منتخب كل الناس تدري انهم مو اقطريين على فكره يالعرباوي انا صارلي فتره مالي بالمنتخب ووجع الراس بس ابي اخبرك يالي فاهم العنزي الي مغتر فييييه اهو مو قطري بل كان في الكويت بدون وهو الشخص الي ضربت عليه المثال وعن محمد صقر ما ذكرته باي شي مدري ليش اتهمتني ..... المشكله اوكيه جنس بالخش مو لعيبه كانو بدون في دول اخرى خليجيه وجنستهم وعطيتهم شغلات عمره لاعب محلي ماخذها لا وفي بعضعهم احترفوا بالخارج ويتكلمون اقطري على الهجه المصريه والله طرطره منتخب قال والله الامم المتحده مو منتخب . لا وصرت اقول للشباب الي عندي احنا بقطر نتخذ مبداء امريكا فعندنا جرييين كارد بس طول 5 سنوات عندنا اقامه وابشر بالجنسيه....................... يا عرباوي ياحبيبي مبارك مصطفى ياما وياما ايام عزه قال ابي اطلع ابي احترف وحكروه وقيدوه لييين ما انتها عصره وغيره ماله بصله بقطر ومعطينه الحريه المطلقه بالاحتراف والتنقل ما اقوووووووووووول الا حراااااااااااااااااااااااام والله حرااام عليكم يا اتحاد الكره الي عندنا.

انا مع كلام الاخ Al Majro7

المواطن يشوف الاجنبي ياخذ افلوس وسكن وبيت وهو مسكين راتب موب كل شهر بعد

مثل الكوتين الى جابوهم الريان كم خذو كل واحد مليون وسياره وبيت والله اعرف لعب اقطري فى الريان يبغي مساعده علشان يطلع سياره طنشو له

اما عن العنزي انا من زمان شال العنزي من مخي من يوم مراح تركيا ودفع عبدلله العيده افلوسه ورده وبعدين شرد الامارات

[ALIGN=CENTER]الصراحه عرباوي وروح قطر قالو كل شي

ماعندي شي ازيده عليهم

تحياتي لكم[/ALIGN]