ثلاث سنين وانا اخطط لهذا اليوم يا بو سعود
---
تيسر حالي وجاهز اوفي وعدي بوقته
---
وفجاة جتني تتعذر تقول تاخرت الوعود
---
وانا مستغرب اسمع كأني وعدها خنته
---
حسبت انها تمازحني وتتصنع جفا وصدود
---
ضحكت في وجهها من قلب مع انها باخيه النكته
---
قالت ارضا بالوقع قلبي ماهو المعــــهود
---
تغير كل شي صوبك ونصيبي ماظنه انتـــه
---
كنت في يوم محبوبي ولكن ماظن نعود
---
وصل من قبل ماتوصل وانا ذاك الصبر عفته
---
ولكن تكفى صدقني ويشهد ربي المعبود
---
ترا ماخنتك بغفله ولا كلمته وشفته
---
بصراحه أهلي قالولي بانه ولد اصل وجود
---
وجتني امه بالصورة وبكلمات المدح اخته
---
سكت وقلت هي فرصه مدام الجود بالموجود
---
وقالوا كل من حولي علامات الرضا سكته
---
وانا فكرت دام امه واخته ماعليهم زود
---
اكيد اني براضيهم اذا وافقت واخترته
---
وبراضي اهلي واخواني دام انه الفرح امقصود
---
عطيت الناس انا كلمه ومعاهم وقتي حددته
---
ولا اقدر اغيرها ترا عند العرب منقود
---
اوافق واعتذر باجر واقول الراي غيرته

******


تبي تشرحلي المنقود !! تصدق عاد يابو سعود!!
---
تبيني اقتنع وارضا بحال عمري ماعشته
---
انا ماني بقايلها عسا يفرش ثراها وروود
---
بعد ماحطمت قلبي وطعم الموت جربته
---
عسا بفستانها أشواك وبثوبه عقارب سود
---
ونار تحرق الكوشه وتحرق بيتهم حتى
---
وموت بليلة الدخله يبرد حرتي ياكود
---
ولا احس انها بحضنه يلامس خد لامسته
---
علي اهون اذا ماتوا ولا بنفس السرير رقود
---
ترا صعب علي اتخيل الي ماتخيلته
---
عسا قاع الثرى يقسا ويتحول صخر جلمود
---
وحفار القبر يرفض يسوي فوق مقدرته
---
ترا دفنة عديم الذات تلوع حتى جبد الدوود
---
ومن خان العهود ومات تعافه حتى مقبرته
---
عسا ربي يجازيهم بحبل من مسد ممدود
---
يعلقهم من اطرافه وفوقه نار وتحته
---
انا ماني حقود وشين ولا انا من نسل نمرود
---
ومن حط نفسه بوضعي بيقول الي انا قلته


*******

مدام الفعل له ردة فعل والله ابشري بردود
---
بادعي دام اني حي وباغرس نبته على نبته
---
واسقيها نزيف القلب ودمع مارحم الخدود
---
وتكبر والثمر ثاري من الي خانني وصنته
---
انا نذر علي اكتب وافجر هالقصيده رعود
---
واسمع كل بشر صوتي عجبته ولا زعلته
---
واقول للي يسمعني اذا حبيت حط حدود
---
انا حبيت دون حدود وشوف الي تكبدته
---
3 سنين - 3 سنين وانا ابني وجات صورة بكل برود
---
خذت مني شقا عمري وحلم قلت حققته
---
ثلاث سنيين وانا اخطط لهذا اليوم يابو سعود
---
وهي توافق من كلام اخته وصورة 4 × 6 !!!

اعتقد هاذي قصيدة حامد زيد اذا انا ماني غلطانه؟؟؟؟


صح لسانك ولسان كاتبها