اليكم اللغز واعتقد انه بسيط.



يقول الي بدى قوله بذكر الواحد الاكبر

مجيب لدعوة الشاكي وجالي علتي والهم

ومن سهل رزق عبده ومن فرج ومن يسر

ومن يستر معاصينا وهو بالفاحشه يعلم

وذي يقدر ولا غيره لخلق الادمي يقدر

وذي يخرج نهار ابيض قفا ليل الدجى المظلم

انا سالك تسهل لي طريق الخير وتنور

وتبعدني عن الفحشاء وعن درب الخطا المبهم

ابو سيف الفتى هاجس معي لاوتار بيته جر

ونغم الغاز افكاري بلحن القاف يتنغم

ومن حاول يجاريني بعده يسره بيتعسر

وتمسي حالته حاله صريع بحالته والغم

وانا من يصنع الكلمه ومن يشرح ومن فسر

ومن لملم من اشعاره قوافي صعب تتلملم

وبنشدكم على بكره صغيره بالبلل تكبر

ومنها الحلو والحامض ومنها المر والعلقم

ومنها قوت لك دايم ورزقك منها يكثر

وفيها الخير لو تعلم اذا دايم بها تهتم

وصلو عالنبي طه ومرشدنا طريق اخير

طريق الفوز في الدنيا ومن نار الحمى نسلم.

بل وااااااااايد صعب مستحيل احله
بصراحه ما شاء الله عليك لو انته الي كاتبه
و تسلم اخوي على الموضوع الحلو
و انشاء الله اعرفه

عليه الصلاة والسلام

وترى اللغز يا جماعه علشان ايسر عليكم اكثر في



وبنشدكم على بكره صغيره بالبلل تكبر

ومنها الحلو والحامض ومنها المر والعلقم

ومنها قوت لك دايم ورزقك منها يكثر

وفيها الخير لو تعلم اذا دايم بها تهتم


الي باللون الاحمر ممكن اسأل معناه شنو

تقصد اذا بللتها يعني

من زمان انطر الغازك....الي يقول حليت شي منها

ليش صعب بالعكس والله الحل سهل ومشكوره على المحاوله والله يسلمك.

هلا مسي مااقول الا الله يستر منك .

يعني بالبلل يعني اذا ابتلت من الماء اعتقد قربت واجد وشد حيلك.

حيا الله اخوي الحارث والله لك وحشه بالعكس ترى حليت منها لغز روح شوف ترتيب حل الالغاز وبتعرف وحياك

ولا تتطول الغيبه.

الارض

او قطعة الارض