[ALIGN=CENTER]هلا بج اختي الكريمه

أمــل

أشكركم على هذا البرنامج الرائع

وأشكر الأخت البــ ريم ـوادي ( مقدما ً )

على سعة صدرها . .


اختي الكريمه

البــ ريم ـوادي

حياج الله

ما عندي طبعا اسئله كثيره


ولكن فقط كم سؤال على السريع :


س1: ما تقييمك لريم البوادي ( العضوه ) في العنابي دوت كوم ؟ وهل انتي راضيه عنها تمام الرضا ؟ ولماذا ؟


س2 : ملاحظات تتمنين اختفاءها من العنابي وأمور تتمنين تواجدها بالعنابي . .


س3 : لو أعطتك إدارة المنتدى الصلاحيه في إختيار
مشرف و مشرفه . . على اي قسم تختاري
فمن ستختارين ولأي الأقسام ؟

س4 : ماذا عن ريم البوادي الإنسانه، أعني التخصص الدراسي ؟


س5 : هل يفترض في عالم المنتديات أنها تحمل عادة ً أمورا ً سلبيه تعود على العضو او
العضوه ، وأقصد بذلك مسألة ( فلان يرد على فلانه دايما ً ، يعني تراه يحبها ! )
أعتقد موجوده في المنتديات . . ما تعليقك على هذا الكلام ؟


س6 : الحزب العنابي النسائي ، فريق عمل متكامل ، يعمل بهدوء وبإنتظام ،
ولكن . . ماذا عن الخطط النسوية المستقبليه ؟


س7 : حادثة طريفه حدثت لك في العنابي دوت كوم . .


س8 : الجانب النسائي معني بالطبخ أكثر من الجانب الرجالي . .
إلا أننا لم نشهد أية أعمال أو طبخات يدوية من اخواتنا الكريمات .
بل شاهدنا الرجال يطبخون ويصورون لنا طبخاتهم من سلطة الربيان
إلى بسكويت المهياوة ( زفر الذِكر ) .. ولكن . .
أيعني ذلك عزوف نسائي من هذا الجيل عن ممارسه ( أقل الواجبات ) ؟


س9 : ظاهره سلبيه طالما تأرقك في قطر خصوصا . . ؟



س10 :

وكالعاده السؤال المحرج :

اسماء . . ورسائل. .
سأطرح أسماء اعضاء وعضوات . . وأتمنى منك ِ إرسال رسائل لهم
او لنقل عبارات منك ِ لهم :


أمل :
المزوووحي :
روح قطر :
إنتعاش :
::|خالد|:: :
ريم الحزن :
السلطان :
العاصفه :
الكعبي :
بنت الفريج :
شبيه الريح :
شـــــــوق :
ريانة العود :
ميسااااااااء :
العيووون:
الحرمان :
^فراولايه^ :
المشتاق :
A7bik :
محايد :
المقهور-511 :
وجه البدر :
ريم البوادي :



واعتذر على الإطاله

وشكرا لكم اخواني واخواتي

[/ALIGN]

[ALIGN=CENTER]السلام عليكم ورحمة الله وبركاته...

بداية أشكر القائمين في المنتدى والإداريين بما حاكته يداهم من عملٍ يفنّد في قائمة الإمتياز...

وأهني فينا وجود أمثالكم ... ممن يسهرون على راحة القرّاء .. بجهد متواصل... غير آبهين بالجهد الجهيد...

شكراً لكم... لهذه الإستضافه...


كنت انتظرها من زمااان .... تسلمون والله



والحين يا ريّامي.... ياك الموت يا تارك الصلاة

بسم الله نبدأ




1-سأحدد لكِ ثلاثة اشخاص عليكِ باختيار احدهم لتكوني انتِ؟
_انسانه ضاعت امانيها بين جدران الوهم.
_انسانه لها من السحاب الابيض مايجعلها صافية المظهر نظيفة الوجدان.
_انسانه حالمه تلعب بها الريح واوراق الزهور



2-هل تؤمنين بهذه الحقيقة ...
(( أن يكرهك الناس وانت تثق بنفسك وتحترمها ..
اهون من أن يحبك الناس وانت تكره نفسك ولا تثق بها ))


3- يقولون ان صفات الحب ثلاثه هي الأستثنائيه والفدائيه والمجانيه ؟ هل هي صحيحه ؟


4- بيت من الشعر قريب من نفسك؟



5-لمن تقولي هذه الكلمات:
1_أحترمك كثيراً
2_ اتمنى اشوفك
3_ الله يكثر من امثالك
4_انت قدوتي في الحياة
5_ من غشنا فليس منا
6_فديتك أنا
7_ ياليتني مثلك
8_ كل شئ بوقته حلو
9_ الله وياك
10_ الله يطولي بعمرك



6-هل ريم البوادي تعتقد بوجود صداقه عبر الانترنت !!.. وهل من المعقول ان يكون خلف هذه الشاشه المظلمه قلوب صافيه !!!!.. وهل حصل لاحبك انت ان قابلت اشخاصا ذوي قلوب طيبه صافيه في زمننا هذا !!!



7-تقول فيروز :

"طيري يا طيارة طيري يا ورق و خيطان
بدي ارجع بنت صغيرة على سطح الجيران
علي فوق سطوح بعاد عالنسمة الخجولة
أخدوني معهن الأولاد و ردوا لي الطفولة"

هل تمنت ريم البوادي أن تعود طفلة ..؟!!



8-تذكره مفتوحه..اي البلاد بتختارينها؟؟ وليش ؟؟ >>>> الجرح يا ريامي الجرح



وآخر سؤال قبل الفاصل الإعلااااني....


9-عالم المنتديات ... مجتمع آخر... دنيا ثانيه ... ماهي السلبيات التي قاسيتي معها ... وما ريك يمن وُضعوا في كفة الشيطان... وكان شغلهم الشاغل تتبع الآخرين ... وتوريد الإشاعات ... واللعب بالأعراض؟؟!!




ولــــي عودة مبهرة

تحياتي[/ALIGN]

[ALIGN=CENTER]هلا أمل

مشكوره على الاستضافه

والجهود المبذوله والواضحه

منج ومن اخونا العود المزوووحي

اممممممممممم صراحه اول ماشفتها (( الاستضافه ))

صرت جي يعني ..

والله يقدرنا ونكون عند حسن الظن

واكون ضيفه خفيفه ..


البطاقة الشخصية

المعرف : ريم البوادي اممممم ويصغرونه ريّامي

تاريخ الميلاد : 20-12-1980

البرج : القوس

المهنه : موظفه بوزارة التربيه

بس على ماعتقد


والى لقاء قريب .. [/ALIGN]

[ALIGN=CENTER]السلام علييكم

مشكوورين يالمزوحي وأمل على الاستضافة

والله يعيينج يااريم على أسئلتنا

وبسم الله نبدى ...

1- شلون عرفتي عن منتدى العنابي أول مرة ؟

2- ماهي هواياتج .. وماهي أفضلهم بالنسبة لج ؟ ولماذا ؟

3- شي تكرهينه في ريم البوادي .. تتمنين تغييره ؟ ولماذا ؟

4- شي تحبينه في ريم البوادي .. وتتمنين المواصلة عليه ؟ ولماذا ؟

5 - تابع لسؤال انتعاش

اقتباس:

اسماء . . ورسائل. . سأطرح أسماء اعضاء وعضوات . . وأتمنى منك ِ إرسال رسائل لهم او لنقل عبارات منك ِ لهم :

دم الغزال :
ابن الخطاب :
بنت العديد:
جلاد مان:
عويشات :
أباتشي :
ليث قطر :
بو عوف :
عرباوي :
مثايل :
مريم :
المجروح :
الحمادي :
عيون الذيب :
سمارت_611 :

6- ماهو سر نك نيم ريم البوادي ؟



وووووو بس ....

ويعطيييج العافية مقدما

تحيااااتي

[/ALIGN]

[ALIGN=CENTER]مساء الورد
:



.




:

شووووكرن .. شووووكرن
يا اموله وخيو المزوحي
على استضافة
رياااامي
الله يعييينج
ولي عووووودة

:




.





:
ارق تحياتي
عصوفة القمورة[/ALIGN]

[ALIGN=CENTER]هلا أمل

تسلمين على الاستفاضة الحلوه

حيالله الغالية ريامي

اخيررررررررررررا

حطوج احنيه !!!!!!!!!

1- وش علاقتج في الاسهم؟؟ والبورصه؟؟؟

2- شنو اكثر شي يخليج تعصبين ؟؟ ودج تكفخين اللي جدامج ؟؟

3- اذا كنتي عمعصبه شنو اول شي تسوينه ؟؟؟

4- شنو تسوين في اوقات فراغج ؟؟ مع اني اشك انه عندج وقت فراغ ؟؟؟

5- شنو تتمنين وانتي ترين علي ؟؟ ؟؟؟ ؟؟؟؟

6- وش رايج في المقوله اللي تقول سو خير وقطه بحر ؟؟؟

7- شنو يشطل تاريخ 15/7 ؟؟؟

8- في مشكله عندج ما حصلتي لها حل ؟؟؟ السفره ؟؟؟

وبس اذا تذكرت بارجع اكتب [/ALIGN]

[ALIGN=CENTER]هلا وغلا

أمل

الف شكر على استضافة ريامي ..

هلا وغلا

ريم البوادي

اقول يما انا اللحين ما راح اسألج بس

خل يوم الخميس يجي

وانطري اللي بمخباي من اسألة


يالله ياكريم

انترخص يابوكم[/ALIGN]

هلا امل

يالله حيه ريم

خاطري اسال بس ماعندي اساله كثيره ماخلو لنا شي الي فوق ...



س/ من الاعضاء الي تحبين انج تشوفين مواضيعهم اور ردووودهم ...؟؟

س2/ شالقسم الي ودج تشرفين عليه غير القسم الي انتي فيه ,,.؟؟

س3/ شلون القسم وياج ..؟؟ (( ماتحسين ان ماعندي اسئله )) ..

س4/ بما انج في التربيه .. انتقلتي للبرج الجديد ولا لا ..؟؟

وبس اذا جا في بالي شي باسئلج ..

[ALIGN=CENTER]هلا بك اخ انتعاش

وحياك الله ..

س1: ما تقييمك لريم البوادي ( العضوه ) في العنابي دوت كوم ؟
امممممم .. ريم البوادي العضوه
في اعتقادي انها في البدايات اي بداية التحاقها بالعنابي كانت
اكثر نشاطاً والحين يعني شقول يمكن صادها نوع من الخمول
والكسل بس ان شاء الله ترجع نفس قبل اذا بتسألني ليش يقولك مادري
يمكن من الدوام او ماشابه ذلك .

وهل انتي راضيه عنها تمام الرضا ؟
ليس كامل الرضا صراحه .

ولماذا ؟
ياحبذا لو تكون أفضل وبعدين مادري احس ان
مافي انسان راضي عن نفسه 100 % .


س2 : ملاحظات تتمنين اختفاءها من العنابي وأمور تتمنين تواجدها بالعنابي . .
ملاحظات اتمنى اختفاءها بصراحه ماعندي اي ملاحظات حتى الان .
امور اتمنى تواجدها .. العنابي ماشاء الله موقع متميز
ودائماً فيه التطور الملحوظ وانشاالله دائماً الى الافضل .


س3 : لو أعطتك إدارة المنتدى الصلاحيه في إختيار
مشرف و مشرفه . . على اي قسم تختاري
فمن ستختارين ولأي الأقسام ؟
اختار قسم الابداعات الأدبية اللي بالفعل اتمنى
يكون له اهتمام اكثر من جي وعن المشرف انا بختار شوق ...
امممممم مب لانها رفيجتي ولا لأي شي صراحة انا قايلة لها من زمان
هالشي واتمنى انه يصير هي تستاهل اسلوبها راقي في نظري ومبدعه
في نفس الوقت .. وتبي الصراحه شهادتي فيها مجروحة .


س4 : ماذا عن ريم البوادي الإنسانه، أعني التخصص الدراسي ؟
معلومات الحاسب ..
ادري بتقول في بالك انتي وين وهالتخصص وين ..
بس شنسوي آدي الله وآدي حكمِتُهُ


س5 : هل يفترض في عالم المنتديات أنها تحمل عادة ً أمورا ً سلبيه تعود على العضو او
العضوه ، وأقصد بذلك مسألة ( فلان يرد على فلانه دايما ً ، يعني تراه يحبها ! )
أعتقد موجوده في المنتديات . . ما تعليقك على هذا الكلام ؟
لا .. لايفترض هالشي ..
بس المشكله انه بالفعل صاير وهي بالفعل ظاهره سلبية لانها تجعل
من ضعاف النفوس يظهرون اشاعات مالها اساس من الصحة يعني
فلان رد على فلانه أو العكس وفي اكثر من موضوع هالشي
مب بالضروري يكون يحبها لا .. هو ممكن يكون اعجاب بطريقة الافكار
او الاسلوب وهالشي مب حب .. يعني انا مانكر ان لي اعجاب
بكذا قلم في العنابي بس ماقول انه حب لا يعجبني اسلوبه فقط لاغير
ويكون احترام متبادل مابين الطرفين لكن مثل ماقلت في البداية من ضعاف النفوس
اللي كل همهم يتصيدون الاعضاء وفلان سوى جي وفلانه مادري اشسوت
هااااااا اكيد بينهم شي .. لكن ماقول الا الله يهدي الجميع ويستر عليهم .


س6 : الحزب العنابي النسائي ، فريق عمل متكامل ، يعمل بهدوء وبإنتظام ،
ولكن . . ماذا عن الخطط النسوية المستقبليه ؟
خطط مستقبليه .. بصراحه مافي اي خطط لين الحين
بس ان شاء الله يكون فيه اممممم وماسمعت لين الحين عن شي معين

س7 : حادثة طريفه حدثت لك في العنابي دوت كوم . .
ماتعرضت لأي حادثه والحمدلله


س8 : الجانب النسائي معني بالطبخ أكثر من الجانب الرجالي . .
إلا أننا لم نشهد أية أعمال أو طبخات يدوية من اخواتنا الكريمات .
بل شاهدنا الرجال يطبخون ويصورون لنا طبخاتهم من سلطة الربيان
إلى بسكويت المهياوة ( زفر الذِكر ) .. ولكن . .
أيعني ذلك عزوف نسائي من هذا الجيل عن ممارسه ( أقل الواجبات ) ؟
لا هو مب عزوف ..
يعني صح في من بنات هالجيل الي ماتعرف طريق المطبخ وين
أو حتى ما تعرف تسوي ابسط الاشياء لكن بعد في اللي تكون لا
ماشاء الله عليها فهو مجرد اختلاف بس ..
يعني في جي وفي جي وبالنسبة للطبخات اللي يقومون بها الشباب
فأنت عارف هم في غربة وحلو منهم اعتمادهم على نفسهم ..
شكلي بسوي شي وبصوره وبنزله بعد شنسوي


س9 : ظاهره سلبيه طالما تأرقك في قطر خصوصا . . ؟
بصراحه التدني الملحوظ في البنات واخلاقهم
للأسف يعني (( مع اعتذاري للبنات بس والله شي يقهر ))
تخيل لين اروح المجمعات استغرب من البنات يعني انا كبنت يلفتون نظري
فما بالك بالشباب والله اني مالومهم
ومابي اعدد اعتقد هالشي معروف
عى العموم الله يهدي بناتنا ويستر عليهم .


وكالعاده السؤال المحرج :

اسماء . . ورسائل. .
سأطرح أسماء اعضاء وعضوات . . وأتمنى منك ِ إرسال رسائل لهم
او لنقل عبارات منك ِ لهم :


أمل : جهودج واضحة والله يعطيج العافيه ويخليج للعنابي .
المزوووحي : الله يعطيك العافيه ويكون في عونك .. ومشكور على العنابي اللي
عرفّنا على ناس جداد وصداقات اخويه انشاء الله ماتنتهي .
روح قطر : الله يوفقك في امتحاناتك .. والعنابي بانتظارك وانتظار نشاطاتك .
إنتعاش : الله يوفقك ودائماً الى الافضل بإذن الله .
::|خالد|:: : الله يوفقك .
ريم الحزن :وينج ؟؟
السلطان : الله يرجعك سالم غانم حامل الشهادة لاهلك واللي يحبونك .
العاصفه : احبكِ في الله .
الكعبي : يقولون اسهم الصناعات نازله !!
بنت الفريج : الله يعطيج العافيه والله الله بأخبار البورصه
شبيه الريح :يعطيك العافيه .
شـــــــوق : خفي علي شوي .
ريانة العود :الله يردج بالسلامه .
ميسااااااااء : الله يوفقج في دراستج .
العيووون: وينج ماتبينين على المسنجر .
الحرمان : تسلمين على التواصل الرائع في عنابي الصحه
^فراولايه^ : حلوه الصداقات الجديده
المشتاق :نتمنى ترجع للعنابي ويرجع نشاطك مثل اول واحسن .
A7bik : محايد : المقهور-511 : الله يعطيكم العافيه ويوفقكم .
وجه البدر : ادرسي عدل
ريم البوادي : هلا ومرحبا فيني

.

.

.


ااااااااااااااااااااااااااه ذبحتني كل هاي ومب اسئله كثيره

لا وكم سؤال على السريع بعد .. اي صح

على العموم ياهلا بك اخوي مره ثانيه .. وانشالله ماكون خرتها في الرد


وتقبل تحياتي[/ALIGN]