][ !! يــوم فـي حيــاة عضـــو !! ][ نقاش - الصفحة 49

كويتية مانشستراوية · 25-06-2008, 02:46:01 PM

بـاك و سـوري عالتأخيـر . .
بتكـلم عن يـوم الثـلاثا 24-6-08 الي اهـو امـس,

:

قمـت الصبـح السـاعه 10 تقـريباً, اشـوف البيت لويه و عفسـه, ايييييه امي وابوي بيسافرون
وكان بنفس الوقت اخوي ومرته موجودين , فـ قعدنا كـلنا و نسـولف حق مرت اخوي عن ماضيـه
الاليم خخ, من اصـابته بالرباط الصليبي لمااا العمليه عاد مسكينه اهي كل شوي " بس لا تقولون
لا تقولون " هههههه, بعـدين رحت تحـت اشـوف شخبـار القطـاوه .. والله كبروا يحليلهم , قعـدت
ويـاهم شوي وطلعتهم بالحـديقه , بعدين رجعـت فوق كانوا مسـوين غـدا , تغـديت و فتحت المنتدى
جيكت عليه جـان افصل واروح ابدل حق المطـار, رحـنا المطار السـاعه 4 ودعـناهم وقعـدنا بستاربكس
نتطمش عالنـاس, ( آنـا واختي واخوي ومرته ) , جـان اخوي يتصل على ولد خالتي لانه اهو يشتغل
بالمطـار, و يزرق من مديره و ايي لـنا جـان اقوم بروح اتمشى بالمطار ملييت من القعده, عاد ما كـان
في احد كله هنووود و خليجيين , رحت فوق نزلت تحت صعدت ونزلت صعدت ونزلت لما مليت ورجعت لهم
جـان يقولون بـنروح البيت, طـلعنا من المطـار السـاعه 7 . . جـان بطريجنا شفت حديقة الحيوان الي المفروض
ابوي يوديني لهـا قبل امس بـس مارحت --", جـان اقول لـهم شـرايكم نروح ؟ بعـدين اتفقنا ان بهاليومين نروح
كـلنا مع عيـال خالتي . . المهم رجعنا البيت وعلى ماصارت السـاعه 8 الا بيتـنا صار تجمع للـ عايله o_O, عيـال
خـالتي يـايين و الله يعين السـوني 3, مسـوين دوري كرة قـدم والفايز يـدفع للعشـا . . عـاد انا خليتهم ورحت
غـرفتي مع لابتـوبي , تميت شابكه بعـدين تعشيت السـاعه 11 يمكن , بعدين شبكت شـوي ورحت عـندهم
وكـان نصهم يـلعب ونصهم شـابك عالنت و البـاقي يسولفون , قعدت وياهم شـوي و قلتلهم تكفون قصروا حسكم
بروح انـام, ورحت غرفتي كنت دايخه بس اخذت لي كتـاب قريته وما فهمت شي هههههه, ونمـت السـاعه 2 الا ربع .

وهـذا كان يومي البـارحه,
و ممممم اختـار kaka-itti
ومشكـور ويه البـدر على الاختيـار ^^" .

White Rose · 25-06-2008, 06:43:04 PM

وبعدين جان كوكو تكتب يومها وما قصرت وتختار كاكا

يالله كاكا ننتظرك لا تبطي علينا

kaka-itti · 25-06-2008, 08:27:06 PM

هلا وغلا

كويتية : الله يرجع والديك بالسلامة ان شاء الله والقطاوة لبسيهم شعار المااان هههه وصوريهم
وشكرا على اختيارك وان شاء الله بكره يكون جاهز

روز : لاتخافي ماببطي عليك

kaka-itti · 26-06-2008, 07:12:46 PM

بسم الله الرحمن الرحيم

السلام عليكم ورحمة الله وبركاته

جلست الساعة 9 الصباح واخذت لي دش وبعدين مر علي درويل خالتي بياخذني الاحوال بطلع بطاقة مر علي واخذني وفي الطريق وقفت يم كفتيريا واخذت فطور ورحنا السويق ( جنب مجمع الصالح ) اخذت رجل خالتي من هناك ومعه الواسطة ورحنا الاحوال وصلنا هناك على الساعة 11 كلمنا المدير يقدم موعدي وشرحنا له ظروفي لاني بسافر هالسبوع وموعدي في 5 رجب المهم بحب الخشوم المدير وافق وجلسنا ننتظر الدور لمن قالو صلاة رحنا المسجد وصلينا ورجعنا وانتظرنا الى الساعة وحدة وبعدين صورت واستلمت البطاقة على الساعة الثنتين وبعدين رجعت البيت ريحت شوي و شيكت على العنابي بعدين تغديت خلصت جلست على العنابي ورفاقه ههه لمن استوى العصر تابعت نشرت الاخبار على الجزيرة الساعة خمس خلصت وطلعت الشارع جلست يم الربع الى صلاة المغرب صليت ورحت البيت الا اختي الصغيرة تستناني اجي عشان افتح لها هاللعبة ( لعبة دريسز باربى) قتحت اللعبة وجلست يم الوالدة شوي وجلست على اميلي لمن دق ولد خالي طلعت معااه وتمشينا لمن جت الساعة تسع ونص تابعنا المباراة في الدوانية تبع ربع ولد خالي خلصت المباراة ورجعت البيت شغلت التلفزون وحطيته على ام بي سي او تابعت صدى الملاعب وصرت جاايع ومالي خلق اروح اطلب من المطعم الا دقو علي خلاتي الصغار وبنات خلاتي يبون اطلب لهم من المطعم ( جو في وقتهم ) ههه طلبت ووصل الطلب على الوحدة ونص تعشينا وجلسنا شوي وبعدين رحت البيت ونمت الساعة 2

ها اكيد تعبتوا من هاليوم الطويل ههه ماخليت شاردة او واردة الا وكتبتها
واشكر كويتية سداوية على الاختيار

واختار White Rose

White Rose · 28-06-2008, 04:18:42 AM

تسلم كاكا

و راح اكتب يوم امس بس لما افضى ان شاء الله

White Rose · 05:54:29 AM

يوم الجمعه 27-6-2008

طبعا كنت سهرانه طول الليل وما رقدت الا ع الساعه 6:30 قمت ع 11 خذت شور وصليت الجمعه وسويت عادتي ليوم الجمعه
( مب لازم اذكرها .. ) الين الساعه 1:30 ما بغيت اتغدى ولا كان لي نفس مع العلم اني ما تريقت بعد بس شربت كرك اول ما قمت

رقدت وقمت ع الساعه 4 الا اتفاجأ انهم يبون يطلعون خالتي عازمتنا جمعه لخلاتي واحاول فيهم ما بي .. ما فيه الا اروح لان ان ما رحت بيزعلون بنات خالتي .. المهم سمعت كلامهم وقمت وتكشخت وركبت السياره ورحنا عاد انا في هذا اليوم نفسيتي زفت مالي خلق لاي شي واحس بتعب تعبت عندهم ونمت لي ساعه وعقب قمت >>> ما استحي صح مسيره عشان ارقد ..>_<

وعقب سولفنا ولعبنا وضحكنا بس لين الحين راسي مصدع و قاعده افكر في موضوع ..

المهم تعشينا اقصد هم تعشوا انا ما تعشيت .. شربت عصير وخلاص .. شبعت .. عادتي اذا سيرت ع احد ما احب آكل حتى لو بيت قرايبنا ..

وعقب رجعنا ع 9:30 ما حبينا نطول وابوي ينتظرنا في البيت رجعنا دشيت ع المنتدى اشوف الاخبار لقيتها مثل ما هي

وملل غير طبعي اليوم مدري هو لانه انا نفسيتي زفت او هو فعلا كان ممل المنتدى اليوم .. الله اعلم

قعدت يمكن ساعه ورحت ادور شي اكله لقيت فطاير سخنتها وكلتها.. فطاير جبن وسبانخ طبعا

وقعدت مع الاهل شوي وعقب رجعت للمنتدى بعد لقيته مثل ما هو .. كتبت موضوع انتظر الرد وشكله ما في رد..

لقيت 2 من رفيجاتي ع المسن وحده من المنتدى سولفت معهم .. وعقب تركتهم .. وكنت انتظر وحده ما دشت اليوم

كان خاطري اسولف معها ..

وبعدين يوم تمللت دشيت اللعبه وانتظر ناس العب معهم بس بعد مللوني من الانتظار ابي احد اعرفه العب مع الكمبيوتر ..>_<

و لين الحين متملله وانتظر و حالتي حاله واحس بصدمه وخاطري لو وحده من رفيجاتي تدخل المسن افضفض لها اشوي

وقاعده اكتب لكم يومي ...وبس

ان شاء الله ما ازعجتكم بيومي بس كتبته عشان ما اتأخر عليكم

واشكر كاكا مره ثانيه

واترك الاختيار لاول واحد برد عقبي

لانه عن جد مالي خلق افكر

وسلامتكم

وايت روز

قطو متشرد · 28-06-2008, 10:01:48 AM

كم مرة قلتي " ملل" و " تمللت" و " متمللة" ؟؟؟؟

غيري البرنامج ... شوفي شي مفيد غير اللعب على الكمبيوتر... اشتركي في نادي او معهد مثلآ

White Rose · 28-06-2008, 10:14:28 AM

عد انت كم مره

انا ما احس بالملل الا اذا مخنوقه >_<

وبما انك اول واحد رد ليش ما اخترت ..

انتظر اختيارك ...

الغيورة · 28-06-2008, 12:56:53 PM

كــوكــو & كــاكــا & وايــت . .

يعطيكم العافيه ع سرعة استجابتكم ، ،

وبانتظار اختيارج روز , ,

White Rose · 28-06-2008, 01:09:54 PM

اختارج يالغيوره ومب احسن لج اتقولين لا ...

بزعل .. >_<

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::