عاشق الفهوووود يومك سرررررررررررررررررررريع
يالله اختار الي بعدك

عاشق الفهوود لين الحين ما اختار حد ..

خلاص انا بختار واحد لان القانون رقم 28 لسنة 2002 لمنتدى العنابي يخولي الاختيار لاني انا مختار عاشق الفهوود



يلا يا راؤول الوكره عطنا يومك بالتفصيل لممل

هلا مخضرموووووه

راح افضفض يومي بالتفصيل الممل ( يوم امس )



قعدت الفجر على المنبه وطفيت المنبه , قلت بقوم بعد 10 دقائق على الاقامه , وماتوعيت ألا الساعه 6:30 ,
اخذت ( شاور ) ولبست ملابسي وانا متجه للدوام ,

اتصلت على الربع وقلت بتأخر ساعه , لان عندي مراجعه في ( وزاره الإسكان ) وخلصت منهم الساعه 8 وشيء ,
رحت للدوام , وكالعاده قلاص كابشينو مع بسكوت ( للأسف واحد من الربع جايب بسكوت مالح )

بعد صلاه الظهر خلصت كل الشغل , وجاء وقت النت , رحت اتصفح المنتديات , وماشابه
على الساعه 1 دق تلفوني , اتصلت هنديه وقالت مرني المكتب , هذه الهنديه اسمها انيسه تشتغل في ( مكتب فهد للخدمات )
كل يوم مأذيها علشان الخدامه , طلعت من الدوام رحت للمكتب , وخلصت امور الخدامه , بس باقي إجراءات بسيطه ,
على فكره اسم الخدامه ( سابورا بنت سيلم )

على الساعه 2 وصلت البيت وتغديت وصليت العصر وقيلت , قعدت على إتصال اللاعب المخضرم , على الساعه 5 , لان فيه لعب كوره في نادي المرخيه على الساعه 6 , لبست ملابسي وحركت للنادي , عند البوابه واجهت مخضرمووووه وهو كاشخ ببدله الارجنتين
دردشت معاه , قبل اللعب , وبدأت المبااره , وحالياً قريقنا متقدم بفارق هدفين , لكن ينصاب مخضرموووه , ويطلع برى الملعب , ويقلبون النتيجه علينا , ( ماتشوف شر يالغالي ) انتهت المباراه ورجعت للبيت ( اخذت شاور ) ألا المدام حاطه لي في الصاله ( سلطه فواكه ) غرامي هالسلطه , بعدين قمت ادردش مع المدام حول سفرتنا في الصيف ,

على الساعه 11 انا والمدام رحنا للجمعيه ( روابي ) واخذنا بعض الاغراض , ووصلنا البيت الساعه 12 ,


.
.
.
.

هذا بالنسبه ليومي ,

اختار ( مداوي )

راؤول خلاص انا بعتزل بعد الاصابه .. بوالشباب كان يلعب بضمير


بس المباراة كانت حلوة و اللياقه خانتنا

يالله يامداو ي

عـاد مـا حـصـلـتـنـي الا انـا
لـكـنـي مـا اردك يـالـغـالـي

ولـي عـودة لـلـمـوضـوع ان شـاء الله

الـسـمـوحـة عـلـى الـتـأخـر
ادري رقـدت الـمـوضـوع شـوي


بـصـراحـة انـا هـالايـام اتـمـر عـلـي عـاديـه ولا عـنـدي اي شـي جـديـد يـعـنـي عـشـان انـقـلـه لـكـم ولـكـن بـقـول الـلـي سـويـتـه امـس . .

طـبـعـاً الـصـبـح رحـت الـدوام كـالـعـادة لـيـن الـسـاعـة 2
وعـقـب عـودة الـبـيـت تـغـديـت وتـمـيـت لـيـن صـلاة الـعـصـر وريـحـت شـوي لـيـن قـبـل الـمـغـرب
عـقـب صـلاة الـمـغـرب عـلـى طـوول رحـت الـحـلاق عـن الـزحـمـة
طـلـعـت وكـلـمـت اخـوي تـوتـي الـبـارد ان نـروح حـق يـدتــي لانـهـا مـرقـده فـالـمـسـتـشــفـى وزرنـهـا شـوي وتـطـمـنـا عـلـى حـالـتـهـا لـيـن الـسـاعـة 9.30 (( الله الله فـالـدعـوات لـهـا بـالـشـفـاء ))
وعـودنـا الـبـيـت قـعـدت شـوي مـع الـوالـده لـيـن الـسـاعـة 11 عـقـب اسـتـأذنـتـهـا عـشـان اشـوف الـكـلاسـيـكـو

واسـتـمـتـعـت بـالـكـلاسـيـكـو عـقـب رقـدت

اخـتـار الـعـضـو الـلـي عـقـبـي
الـمـسـافـر

يومك خفيف وايد مداوي ..

والله يشفي يدتك انشالله ويقومها بالسلامه يارب ،،

وبانتظار المسافر (:

الهه يشفي جدتك يامداوي