راح اتلكــم عن يوم أمــس ...

طبعـا عندي كورس صيفي واقــوم الساعه 8 بطلوع الــروح , اخذلي شـاور واتنشــط , طبـعا استحـاله اتريق واطلع ع الســاعه 9 و 10 دقايق <<<< اي لازم الدقيقـه .... لانه الكليــه قريبه من بيتنـا ..... طبعــا ماكو ربع ساعه الا وانا واصــل الكليــه ...

المـدرسـه تشرح وانا حاط السمـاعه واسمع الراديــو خخخخخخخخخ , طبعـا هي تشرح وانا في وادي ثـاني ... اخلص ع الســاعه 11 ارد البيـت طبعــا اخـذ الجــرايد الــوطن والرايـــه ..

بعـدين طبعـا اصلي الظهــر واقعـد ع النت او ع الســـوني لي موعــد الغـدا الســاعه 1 ونص بعـدين اقعــد مع الاهل سوالف وظحـك لي العصــر اخـذ شــاور واروح المسيــد وبعدين خذيـت موتري ورحت غسلتـــه ورديت البيت ورزيت الموتــر بعد ما تسبــح <<< على قولـة حمـود

وبعـدين خذيت شـاور ووبعـد صـلاة المغــرب عــاد ادور مكـان مع الربع انروحلــه طبعـا اول شي لازم نميـل صوب النعيـمي كرك وانحـرك ... بعدين نزلنــا اللانــد وتعشينــا ....

واخــر الليـل اللمــه العـوده للشبـاب كلهـم في ميلس واحــد من الربـع وهنـاك يصيـر تحـدي الـ وينينغ اليفـن <<<< طبعـا كالعـاده دايس في بطــونهم ... ورديت البيـت الســاعه ..... << مب لازم تـعرفون الســاعه كم .. ... شغلت فلم the descent . واغلب الاحيـان هالوقت ادش فيه النت وبعــد صلاة الفيــر رقــدت

طبعــا يومي يختـلف شوي في الايــام العــاديه عن الويـــك اينــــد






اختااااااااااااااااااااار مشرف القســم الاسباني

متفيـــق

السلام عليكم ورحمة الله وبركاته

.،.

مشاءالله يومك كله طلعات

اللـه يعطيـك العافيــة

مشكور أخوي عنابي كتالوني على تلبية دعوة أخونا توتي

وفـي انتظـار أخــونـا متفيــق

.،.

هلا نور قطر مواضيعج دوم متميزه وحلوه ويعطيج العافيه وادري اني متاخره بس توني شايفه الموضوع

وعـلـيـكـم الـسـلام ورحـمـة الـلـه وبـركـاته ، ،

هـلا نـور قـطـر مـشـكـوره عـلـى اخـتـيـاري بـنـاءاً عـلـى طـلـب اخـوي عـنـابـي كـتـالـونـي الـلـي بـعـد اشـكـره عـلـى اخـتـيـاري . .

انـا بـتـكـلـم عـن يـوم امـس الـجـمـعـة الـمـوافـق 1/6/2007م . .

فـي الـبـدايـة قـعـدت الـسـاعـة 10 الـصـبـح وقـعـدت مـع هـلـي شـوي وقـريـت الـجـريـدة لـيـن الـسـاعـة 11 وعـقـب رحـت الـمـسـيـد حـق صـلاة الـجـمـعـة . .

وبـعـد الـصـلاة رجـعـت قـعـدت مـع ابـوي وامـي وعـمـي وعـمـاتـي ( لازم كـل جـمـعـة انـتـجـمـع عـقـب الـصـلاة ) . . طـبـعـاَ قـمـنـا وتـغـديـنـا ويـوم خـلـصـت الـغـدا مـا وعـيـت الا بـالاتـصـال الـلـي يـايـنـي مـن واحـد مـن الـشـبـاب قـالـي يـلا قـوم بـنـروح الـعـديـد . . ! قـلـت لـه تـوكـل عـلـى الـلـه . .

مـشـيـنـا الـعـصـر ووصـلـنـا قـبـل الـمـغـرب (( خـبـركـم الـربـع وايـد حـاريـن وعـلـى الـوقـت )) عـاد احـنـا سـبـقـنـا الـوقـت قـبـل لا تـظـلـم عـلـيـنـا الـدنـيـا وطـبـيـنـا فـي الـبـحـر . . وسـبـحـنـا شـوي قـبـل الـمـغـرب وكـنـا نـشـوف الـسـمـج وهـو يـسـبـح مـعـانـا . .

ويـوم خـلـصـنـا سـبـوح قـلـنـا بـنـحـدق عـلـى هـالـسـمـج الـزيـن الـلـي سـبـحـنـا ويـاه . .

سـمـحـنـا خـيـوطـنـا شـوي لـكـن كـان ويـانـا واحـد عـيـل يـبـي اول مـا يـقـط خـيـطـه يـصـيـد جـان انـغـيـر مـكـانـا ورحـنـا قـعـدنـا عـلـى الـسـيـف (( والـسـيـف عـليـه سـبـخـه والـمـايـه تـسـقـي )) . .

الـمـهـم غـيـرنـا مـكـانـا وسـمـحـنـا خـيـوطـنـا وضـبـطـنـا الـقـعـده وكـل شـي تـمـام . . ومـا وعـيـنـا الا والـمـايـه تـسـقـي زيـاده . .(( طـبـعـاً انـا فـقـدت الامـل مـن الـحـداق )) والـوقـت يـمـر علـيـنـا قـلـنـا خـلاص بـنـقـوم انـغـيـر الـمـكـان لان الـبـحـر دش عـلـنـيـا فـي الـجـلـسـه " والـشـبـاب مـروحـيـن يـلـعـبـون هـنـد " . .

عـاد تـعـرفـون شـالـمـشـكـلـه الـلـي صـارت ؟؟

واحـد مـن الـشـبـاب بـنـجـر . . يـلا تـعـالـوا نـضـرب جـيـك فـي هـالـصبـخـه الـزيـنـه . . كـنـت احـاول اتـهـرب مـن ضـربـة الـجـيـك لـكـن الـربـع لـعـبـتـهـم الـتـوهـق نـادنـي واحـد مـن الـربـع وقـالـي تـعـال شـوي . .

ورحـت سـاعـدتـهـم وعـاد وانـا اضـرب جـيـك فـي الـظـلام جـان يـنـجـرح صـبـعـي جـرح طـويـل . .الـمـهـم ان خـلـصـنـا عـلـى خـيـر . .

ورحـنـا انـتـعـشـى فـوق الـطـعـس الا يــصـيـر الـلـي مـا كـان عـلـى الـبـال ولا عـلـى الـحـسـبـان . . واحـنـا فـوق قـاعـديـن انـتـعـشـى . . الـمـايـه كـانـت تـسـقـي وطـريـج الـرجـعـه صـار صـعـب وطـويـل . . عـاد اخـذوا مـطـامـر انـتـوا تـمـنـا سـاعـه الا ربـع واحـنـا انـطـامـر فـوق الـطـعـوس لـيـن طـلـعـنـا مـن الـعـديـد ووصـلـنـا سـيـلـيـن . .

بـس ووصـلـت الـبـيـت الـسـاعـة 2 فـالـلـيـل احـس انـي مـتـخـدر مـن الـرحـلـه ورقـدت . .

وكـانـت الـرحـلـه حـلـوه واسـتـانـسـنـا فـيـهـا . . لكـن اهـم شـي والـلـي رايـحـيـن عـشـانـه مـا صـار ( الـحـداق )

ادري طـولـت لـكـم الـسـالــفـه بـس هـاي كـان يـومـي . .