هلا وغلا

اغادير

ليس من حق اي دوله تستضيف اي بطوله رياضيه في العالم تفرض على الاعبين واللاعبات لباس معين

في بطولة سابقة أقيمت في قطر وكانت في رياضة تنس الطاولة

اشترطت اللجنة المنظمة للبطولة حينها باحتشام المشاركات في المسابقة

ومن ثم ما المانع في ارتداء الزي المستور ان لم يعق الرياضية عن ممارسة المسابقة

فـ ها هي البحرينية " رقية " شاركت وفازت بـ زي محتشم !!

مرحبا اغادير
عفوا يعني انا ما فهمت مغزى الموضوع بالظبط
هل يعني قصدج انه الضيوف لازم يتحشمون باللبس
ولا قصدج انج اتمانعين مشاركة المرأه النسائيه

اممممم بالنسبه للبطوله انا ماذكر هالشي ...!

ما المانع في ارتداء الزي المستور ؟؟؟

محد يقدر يقول لمثلا لمتسابقه كوريه ولا يابانيه او غيره ويشرط عليها انها تلبس لباس محتشم لانه هم جذي يعني من وهم صغار يتدربون ويلبسون هاللبس وبعدين هذا شي ديني اذا تتستر اللاعبه او لا ...
وبالنسبه لرقيه فتاه مسلمه ومثل ماقلت هالشي ديني بحت

لباس البحرينيه رقيه من قال انه محتشم ؟؟؟؟
صحيح انها متحجبه لكن شالفايده اذا لابسه بنطلون سترج ,,, لو ما لبسته احسن
لبس المرأه المسلمه لازم يكون فضفاض وما يشف وما يصف وفي حديث صحيح ياريت احد الاخوان يذكره

واخوي اذا بنتكلم عن الحشمه في الاسياد والله بنتعب , بس المهم عدوى الملابس الغير محتشمه للنساء المشاركات ما ينتقل للاعباتنا القطريات

وهناك العاب لابد للملابس الغير محتشمه ان تتدخل فيها مثل السباحه والجمباز

لكن احنا عايشين في زمن غريب عجيب ,,, نفسر كل شي على هوانا
وكل سنه تشوف شي اعجب من السنه اللي قبلها

والله يستر من الجاي

السالفه تحسما اعراف وقوانين
يعني اي احد بيلبس لبس بحر يكون على البحر فقط
مب في الشوارع العامه
لكل بلد خصوصيته وحشمته
والزوار لازم يقدرون هالشي

مثل ماقال اخوي العميل واحنا كنا نشوف بالجائزة الكبرى كانت العداءات يلبسون شي طويل ، لكن الحين؟؟؟؟

الجائزه الكبرى لابسهم كان شئ مختلف
والحين بلاوي

وهذا الشئ بصراحه مايضيف للبطوله شئ

لكن شنسوي

السلام عليكم ورحمة الله وبركاته

الصراحه موضوع مهم وايد

وان شاء الله ماتصير هالسوالف مره ثانيه عندنا

الله يرحمنا برحمته

القابض على دينه كالقابض على جمر

جزاج الله خير على غيرتج وبارك الله فيج

ومشاركه المرأة في الأساس غلط ومابني على باطل فهو باطل

لو صاله مسكره وفي لبس حشمه بيكون موضوعها ثاني والله يصلح الأحوال