تعالوا شوفوا شصار لي من مواقف في الوكره ستي

][ المعضادي ][ · 10:36:34 PM

السلام عليكم و رحمه الله و بركاته

ادري ان الموضوع مكرر لكن انحذف و الحين احطه لكم مره ثانيه لكن بدون الجزء الي بسببه انحذف الموضوع

و اسمعوا شصار لي ..

يوم الثلاثاء اتفقنا حنا شباب الكلية ..علي و عبدالعزيز و محمد و طبعاً انا و نواف

ان ندرس كلنا للامتحان و اتفقنا ندرس في مجلس علي الكائن بالوكره

و انا عند دوار البارشوت .. حسيت ان التاير .. راح يبنجر علي ..

و قفت الموتر و نزلت اتأكد ..

المهم و ين وصللنا ...

.
.

ايه عند باسكن روبنز .. ابرد قلبي بأيسكريم .. ..

بس اسمحولي .. ما عزمناكم

عاد تدروووووون .. الايسكرم طاااااااح على ثوووووووووبي

... بسبب الشوارع المرقعه .. ( امحق عمال شوارع )

.
.
.

و بعدين .. الى مجلس علوي راعي اللكزس .. و دلخنا كلنا .. و ما احتر مكانا إلا يدش عم علي و اعيال عمه .. دقيقه و اطلعوا ( انزين لي دخلتوا )

انزين .. و بعد دقيقه دش علينا بو علي مع عصا ( ناوي على شي )

و يقول : علوووووي الكلب .. تعزم ربعك .. و تنسى اقرب الناس لك .. ( الظاهر العم و اعيال العم ازعلووووا )

و انتو يا حمود و عزوز و عبود و نوافوه .. يالا .. برع ( لا بعد مطلع لنا كرت احمر ..) خخخخخخ مسكين .. كان حكم سابق و فنشوووه

و حاولنا نفهمه السالفه .. لكن الرجال عنيد و يصارخ و يهدد .. بالطلاق ..

و طلعنا .. قبل لا يضربنا ..

و عقب مالطالنا إلا نسمع بو علي يصارخ : علوي شوف عندك خيارين .. يا الحين تتصل لعمك و اعيال عمك كلهم و تعتذر منهم و تعزمهم بدل ربعك .. و لا العصا بتلعب دوووووووووور

و رجعنا إلى ادراجنا في دوحة العز ...عقب ما ضاعت علينا ساعات كثيره ..

و يوم وصلت البيت إلا اشوووووووف كل مواترنا .. مبنجره .. و الهنود قاعدين يصلحووون .. ( وين قاعدي .. انقلب البيت الى بنجري .. ) و انزل من الموتر .. و إلا اشوف التاير بعد مبنجر ..

( واحد من خوال الفريج .. مدبر هذي العمليه

بالمسامير .. بس بنردها لك يا بو غنيييم )

و قبل لا ادخل البيت .. زلقت على الرخااااااااااااااااااااااااام

.. ... عيون حااااااااار ..

مادري من ناظلني على الجوتي

( شكله حمووووووود .. اشوفه من يومين يطالعه )

و انتها هاليوم النحس .. و لا درست شي

.
.
.

بس ما عليكم ... قمت من الفجر .. و ادرس و احك ذاك الحك المحترم

لكن الدكتور مقعد لنا الامتحاااااااااااان

المهم ما علينا .. منه ..

.
.
.

و في فجر اليوم الثاني طلعت من البيت علشان اروح المسجد و بعد الصلاة انتهزت الفرصه و فششت تواير مواتر بو غنيم

انتقمت منه

( المسكين حوشهم ضيق و يحطون السيارات برع )

و الحين .. ارتحنا .. و فضينا لمنتدى العنابي

شكل الموضوع باييييييييييخ من قلب

تحياتي لكم

Angel · 22-12-2003, 12:03:38 AM

[ALIGN=CENTER]تسلم أخوي على الموضوع...
وعساك على القوة...
وبالتوفيق..في الامتحانات...[/ALIGN]

إنتعاش · 22-12-2003, 01:23:42 AM

علي النعمه ان انت واد مصيبه

Gulf girl · 22-12-2003, 03:01:11 PM

[ALIGN=CENTER]هلا المقهور

ضحكتني

ويعطيك العافيه[/ALIGN]

][ المعضادي ][ · 23-12-2003, 10:02:23 PM

السلام عليكم و رحمه الله و بركاته

هلا انجل

الله يسلمك

لا الامتحانات .. راحت و ارتحنا منها و منه وجه الدكتور

تحيااااااااتي لك

][ المعضادي ][ · 10:16:38 PM

السلام عليكم و رحمه الله و بركاته

هلا انتعااااااش ش ش ش ش

انا إلا اكبر مصيبه في الدنيا و في المنتدى

تسلم على الرد

تحياتي لك

][ المعضادي ][ · 23-12-2003, 10:10:15 PM

السلام عليكم و رحمه الله و بركاته

هلا بنت الخيلج

ههههههههه إلا كل المواقف تضحك ..

و الله يعافيج

تحياتي لج

شموخ بنت · 31-12-2003, 07:44:27 AM

ممكن في الايام الجايه تكتبلنا مذكرات

بس صج تمردغتوا
تكبر وتنسى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::