{{}{}{} جــريــمهـ سويتها وانت صغير}}{}{}{}{

White Rose · 19-06-2008, 04:09:28 AM

ه

الموضوع باين من عنوانهـ

كل عضو يدخل يكتب لنا جريمة سواها يوم كان صغير

عاد أووووووووو يوم احنا صغار لعانة الدنيا فينا

ولحد يقول ماسويت شي وخصوصا الشباب
عاد حياتكم كلها جرايم

خلونا نشوف من أكبر مجرم بالمنتدى

أنا عن نفسي يوم كنت صغيرة كنت شيطانه ما خليت احد في حاله

وخصوصا اليهال لان الكبار ما اقدر عليهم فـ اخلي حرتي في الي اصغر مني

بانتظار تفاعلكم مع الموضوع

بوفاهد · 19-06-2008, 12:56:58 PM

مــــافي جرائم بس فيـــــه شطانة

عندي مواقف كثيرة بذكر شيئ بسيط منها اللي تحضرني الحين

الموقف الاول : كنت في صف اول ابتدائي وماذكر ولا شي غير هالموقف وماكنت افهم نهائياً
بس ليحين الموقف على بالي مرة كان ابوي جاي من الشغل وتعبان حــده المهم كنت اكلمه عن
شي ماذكر شنو المهم اشــتد الحديث بينه بعـدين قالي ترى بضربك

عاد انا قلتله ماتقدر
جان يقولي ليش قلت له بقول حق امي قالي واذا امك ماسووت شي قلتله بقول حق جدتي قالي
واذا ماسووت شي قلت له بضربك

<< ترى والله ماكنت افهم !
جان يقولي واذا ماقدرت تضربني عاد هني افكر شوي عقب قلت له بتصل بالشرطة

قالي تعال رحت جمبه الا يقولي تبي تضربني قلت له ايه قال شنو بعد قلت له بتصل بالشرطة
قالي متأكد من كلامك قلتله ايه مامرت ثواني الا اَخذ اول طراااق بحياتي

وامي تقولي عقب الطراق انت غبت عن المدرسة اسبوع وطول الوقت تصيح وابوك كان يوديك كل يوم
ومحلات الالعاب ويشترلك حلاويات وجوكليت وانت مافي فايدة ماسكت غير عقب اسبوع من الـ طراق

فديتني كنت حساس عكس الحين

.

الموقف الاول بالرغم اني ماكنت افهم بس كان له فوائد بحياتي اول شيئ ابوي حرم يضربني عقبها
كانت اول واَخر مرة ثاني شي تعلمت شلون احترم اللي جدامي وما اَخذ واعطي في الكلام مع
اي حد ..

الموقف الثاني : ايام الروضة بعـد ماكنت افهم لاكن اتذكر هالموقف !
يومها كنه متهاوشيين مع اولاد جان تصير سالفة فزعــة ماحد كلاها غير انا وربعي انطقينا طق سنة
بساعة

.

استفدت من هالموقف خلاص من يومها حرمت ادخل بسوالف ضرب وفزعات وقررت اني مادخل بمشاكل
مع اي حد ولا افتح مجال حق اي حد عشان ادخل معاه بمشاكل

..

الموقف الثالث : كان احد خوالي ليحين مب متزوج وبيته جمب بيتنا كان اذا بغا يروح اي مكان
يمرنا اول شي وطبعاً كان يجي كااشخ (على سنقة 7

) اول مايقعد اروح ورا الكرسي اللي قاعد
عليه وأطييح غترته واعفسها وشكثر امي تصرخ عليي وقتها بس كنت استانس لووول ..

تعلمت من هالموقف شلون أشَرد الناس من البيت لانه من يومها خالي ماقام يزورنا الا عقب فترة
وطبعاً اثناء هالفترة طويلة كنت انا اتردد على بيته دايماً عشان أطييح غترته بس للاسف كان من يعرف
اني رح امر عليه مايلبس غترة

...

وفي موااقف كبيرة أأأوي ماقدر اقولها وفي مواقف ماذكرها عدل بس بعد كانت قوية
اسمحيلي ذاكرتي مش قووية الكـــبر شيــن

White Rose · 19-06-2008, 01:24:19 PM

ياا انته شيطااني ودلوع في نفس الوقت

استمتعت بـ مواقفك الي كلها شطانه بس ما اعتقد انها جات ع هالحد اكيد في اقوى واكبر

^_^

يالله ننتظر البقية

ولد اليافعي · 01:43:23 PM

انا والحمد لله كنت عاقل وانا صغير

White Rose · 19-06-2008, 01:26:47 PM

●• αℓ3gявα •● · 19-06-2008, 03:06:29 PM

أنا مجرمه درجه أولى .. كنت مآآ أحشم صغيير ولآ كبيير
الحمد الله اني طلعت جي
والله كنت مآآل ارهآب سكآآكيين واخنق بالشيل .. هع

بقوولج التفآآصييل بعديين
ولي رجعه بإذن الله

White Rose · 04:09:41 PM

^^^

يومه منج تخرعين سكاكين ذكرتني بموقف لي بس مب سكاكين وخنق شي ادهي بتخرعون مني اذا قلت لكم

ويالله ننتظر مواقفج الي تخرع ( واكيد اسم ع مسمى عقربه )

N!GHTWOLF · 19-06-2008, 04:48:33 PM

هالموضوع المفروض لي انا بس هههههههههه

يعني من وين ابدتي والله ماعرف من كثرهم

المهم

على قولة الوالده قبل لا انولد ومستلعن .. كنت معترض وطلعوني بعمليه قيصيريه .. لحد الحين اوكي

اسبوع اسبوع كامل الوالده ماذاقت طعم النوم بو الشباب كله صياح

كبرنا شوي .. طبعا متعقد في جراندايزر وطخته .. كنت اشرد من بيتنا اروح بيوت العالم احذف حصى و غراش بيبسي هاي مال اول اللي نشرب منه بعدين نرده الدكان هههههههه

اذكر مره شردت عادي طوفت فريجين جفت بيت طقيت الباب قالت لهم وين عمي خخخخ الظاهر عرفوني من ولده .. قعدوني داخل

لعبت مع بنتهم ^__^ .. 5 دقايق الا ابوي ياي بـ رنج قديم لين الحين اذكره طلعت له برع قعدت جان احصل اول طراق فحياتي قسم بالله احس نجوم الليل تدور فوق راسي

ماكثرت خبر والله رقدت ماقمت الا فحضن الوالده وصياح وصراخ عفست البيت

انا ماكنت مستوعب الطراق عبالي شي عادي يعني اي واحد يمكن يسويه لي اذا حصلت طراق حك ويهك وامورك طيبه ههههههه

الا اروح حق ابوي قلت له ابي اروح ذاك البيت طالعني بنظره ههههههههههه قالي ليش قلت ابي العب عندهم ( عشان البنت هع هع )

قالي ماتروح قلت اوكي .. طلع يصلي ماكثرت خبر رحت توووووووني واصل فريجهم الا ابوي يايني واحصل طراق ثاني ورقدت هههههه

---------

وفي المدرسه اشوف الكل يصيح لما امهاتهم تركوهم لما امي قالت لي بروح مشعل قلت اوكي استغربو خخخخ تعرفت على اول رفيج فالمدرسه اسمه مبارك

اقوله شفيهم يصيحون يقولي يهال ههههههههههههه قلت لالالا هاي خويي خلاص مابخليه انه احنا صية الصف وكوول وحركات

في واحد باق محاية برووك رفيجي عاد انا لازم افزعله .. ماكثرت خبر بالكتاب على ويهه جان يصيح يات المدرسه وفتن ودوني للمديره

قالولي ليش ضربته قلت باق محايتي وهي محاية رفيجي خخخ قالت لا مايصير المدرسه لازم تتصرف مب انت قلت محد موجود من المدرسات قالت لازم تتنظر قلت ماكان في وقت رايحين البيت قالت انتظروا لبكره قلت لو رحت البيت بدون محايه امي بتهاوشني

سكتها ههههههه وراحت هاوشت اللي صيحناه لوووول الا اقول حق رفيجي شرايك فالواسطه هههههههههههههههههههههههه

والله اذكر هالسالفه جنه امس ^_^

واذكر فخامس كان عندنا واحد دلوع مايرضى حد يقعد عند الابله ومادري شنو من هالحركات من سنتين شفته طلع خواني هههههههه

المهم رحت عند الابله حليت الواجب وعطتني 3 نجمات واكبر صوره حق ميكي هههههههه مات قهر يه يبي يضربني .. كانت عندي ذيك المسطره الخشب .. اللي فطرفها حديد .. ماكثرت خبر بطيت راسه وانواع النزيف

صج تشرشحت عند الاداره .. بس لما اتصلوا في امي والله تحسفوا هههههههه قالولها ولدج بط راس طالب قالت ليش قالوا لها السالفه

قالت الحييييييين ولدي ينضرب تبونه يسكت عنه حقه .. وتشرشحهم تشرشح اشوف المديره ساااااااااكته هع هع قالولي روح الصف

ومن بعدها الدلوع صار يحبني ايييه عليه ههههههههه

وفي الاعداديه طبعا مافي شي فاتنا هههههههه بس اذكر نهايه الفصل الاول ثاني اعدادي كنا نشقق الكتب لما نخلص الامتحانات

الشارع كله اوراق عاد مرت شاحنه اقول حق الشباب يمكن 40 واحد جي ( فلعوا الشاحنه ) وفلعنا فلعنا فلعنا لييييييين ماسمعنا صوت الجزاز .. انكسر ووقفت الشاحنه

حط رجلك يابووووي هههههههههههه ركيييييييييييض

ومره فمدرسه احمد بن حنبل .. في كراسي جيه ورا قديمه نبي نشب الكرسي ماقدرنا .. ولعنا جم واحد بس ماشفنا الضو

خلص البريك ( الفسحه ههههههه ) فنص الحصه الرابعه evacuation يا شييخ ههههههه والله قلبي فبطني الصراحه كنت ميت خوف

دفاع مدني وشرطه وحاله بس ماصادونا لوووول

وبس ^_^ .. طبعا الجرايم ماوقفت حتى لما سافرت ادرس برع هههههههه بس لما رحنا جامعه خطر كسروا مجاديفنا الله لايبارك فيهم صج همم

سالفت وايد صح

ادري ملغت

مشكوره رويز على الموضوع .. ^_^ نبي نعرف شيطانتج بعد شلون كانت ^_^

White Rose · 19-06-2008, 07:24:36 PM

اقولك ســــر

ولله اني اكتب الموضوع وما يطرى ع بالي الا انت احس انه بناسبك وااااايد

وما خاب احساسي يالله بنشوف من بغلبك.. في المنتدى

بس انت شي ولله

الا ما قلت لنا يا روميو زمانك اسم البنت ..

N!GHTWOLF · 19-06-2008, 07:46:08 PM

^^^^^^^^^^^^^

ردج فجرني من الضحك ههههههههههه

عيل حاسه اني شيطان هاااا .. زين والله ^_^

بخصوص البنت .. ماعرف اسمها اصلا لما دخلت اذكر اني لعبت على طول .. قطة ويه .. وهي ماقالت لا لووول مامداني اتعرف عرفتي

بس هاي همكم.. شسمها

..

وبعدين لاتنسين نبي نعرف جرايمج انتي بعد وبقيه الاعضاء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::