ما شاء الله انت حوادثك محترمه ما في امل للسياره انها تعيش بعدها



بوفاهد

لا تقعد اتلمح قول الي عند نبي نعرف

وع فكره ذكرتني بسالفه عيال عم رفيجتي بذكرها لكم عقب

تفطس من الضحك

وانا اقول وشفيه بوشباب اتاريكم مسوين فيه الي ما يتسوى

ونويت من صجك انت لين الحين تتخرع من السالفه

طيروا عقلك يعني الله يعينك عليهم

كلب الله يعزك + مقابر + الله اعلم انه ع المغربيه

متأكدين انه بخير وصاحي ما صار له شي

بس بجييكم يوم ويردها لكم

ويالله ننتظر سوالف اكثر ما تكفي هذه وبس

طلع مسكين وانا الي احسبه المجرم

^___^

السموحه منك يا نويت

^^^^^^^^^

مب انااااااااااااااااااااااااااا

واحد ثاني

انا اخاف هييه هييه مسكينه انتي

اقري السالفه عدل المقلب في ولد عمي .. واحد ثاني يقولج ايفيل اصغر منه

والسالفه كانت قبل اذان الفجر .. شرايج

رايت روز مادري رايز ووت

ولا مادري شسمج

ترى فهمتي الموضوع بالمقلوب

السالفه في ولد خالي الثاني او مثل مايقولون ولد عم نايت

اجاهيه ؟

^^^

يعني انت قلت اسمي بالاول صح والحين ما عرفته <<< عبط

للاسف فهمتها عقب ما رديت ع الموضوع >>> بعدين انت اسلوبك لعوزني >_<

لاني قعدت اسأل ياربي اش علاقه الجريمه بانها تكون مشتركه


_________

يعني في النهايه ما خاب احساسي بنويت

اسحب منك السموحه

>______<

لا حول ولا قوة الا بالله

لا ما نب مسكينه قلت لك من البدايه في اول صفحه شوف اش كاتبه عنك

بكمل لكم السالفه


عاد سألتهم اي حيه يعني ما اتذكر وشوي شوي تذكرت

انا يوم كنت صغيره كان مشاركني في جرايمي خالي اصغر مني بشهرين بس

واعتقد ان هالسالفه كانت قبل المدرسه بعد ع ايام العيد او قبل ما اذكر ولله

كنا في السعوديه قال لي امشي معي برع عند السيارات نلقانا سياره مفتوحه ولا شي نلعب فيها

مشينا يوم وصلنا عندها لقينا حيه ام راسين يعني اخطر حيه وسامه كان طولها طول المسطره الخشب <<< تذكرها نويت

وكان عندنا غرشة صحه الحجم الكبير قلت له اشرايك انصيدها .. اشلون قلت له : انا بمسك الغرشه وانت امسك لك عصا

وحاول ادخلها فيها يعني انوقف بالعصا يمين ويسار ع طريقها الين ما تدخل بروحها للغرشه وصار وادخلت

عاد انا ما اذكر اش صار عقب لان مثل ما قلت لكم صغيره وقبل المدرسه زين مني تذكرت اشلون صدناها

بس هم يقولون لي انه دخلنا بالغرشه ع اليهال الي كانوا يلعبون بالحوش وكبناها عندهم وقعدنا نضحك وهم يصيحون

وبس الحمد لله جات سليمه ما حد تصوب

لووول ادري مللتج كل شوي اقول بعدين بس شسوي ماداني اطول عالكيبورد وبعدين عندي
هوايات ثانية احب اسويها غير النت .....


انا بحاول اختصر بقدر الامكان عشان ما اثقل دمي

بخصوص اول شي الغش ايام المدارس طبعاً لي مواقف كثيرة بذكر جزء منها

في ثاني اعدادي كانوا كل الطـــلاب خايفين من امتحان العلوم كان منتصف الفصل على ما اذكر
المهـــم الاستاذ تأخر حوالي 10 دقايق لانه كان يسوي مراجعة لثاني اعدادي بس شعبة ثانية
بذيك الشعبة عندي ربع وايد قلتلهم اذا خـلصت الحصة امسـكوا الاستاذ عندكم قد ماتقدرون وبينوا
له انه في اسئلة انتوا مب فاهمينها وطبعاً هو مظطر يفهمهم الاسئلة عشان بكرة امتحان واكيد
الاستاذ بيتأخر علينا عاد رن الجرس ومرت 5 دقايق الطلاب ينطرون الاستاذ كانت الحصة السادسة والسابعة
علينا رياضة انا طلعت من الصف دقيقتين سويت نفسي رايح اشرب ماي ورجعت قلت لهم شتسوون روحوا
الصالة الرياضية قالوا احين السادسة علينا علوم قلت لهــم توني مار على طلاب ثاني اعدادي /3
قالوا لي الاستاذ مامرهم شفت الفراش بطريقي سألته شفت استاذ اسماعيل قالي طلع بعد الرابعة
شتسوون أهني روحوا الصالة طبعاً راحوا الصالة وقالوا لاستاذ الرياضة انه استاذ العلوم غايب واستاذ
الرياضة صدقهم ودخلهم لانه السابعة بعد علينا رياضة قبل لايمر الاستاذ طلعت المذكرة اللي معطينه
اياها 30 ورقة وحطيت ماي وصابون كنت جايبة معاي بس مايبيين انه صابون لونه سائل ابيض دش
استاذ العلوم الصف مافي صوت ومافي حد غيري طاح في الارض بالقوة قمت ساعدته ووقفته
قالي ( يا ابني وين زملاءك ) قلت راحوا رياضة قالي ( شو مابيعرفوا اني عندكم هلأ ) قلت له لا يدرون
بس قالوا مانحتاج يدرسنه حافظين المنهج وقالولي اقولك انهم يحسبونك غايـب بعدين قالي (انا بدي اعمل
مراجعة لوكان مافي ولا طالب عشان اكون بريت ذمتي ) قلت له انا موجود وهاذي المذكرة اللي عطيتنه اياها بس في اشياء مب فاهمها وأشرت على كل الاسئلة الصعبة عشان اجننه المهم هو يشرح وانا فاهم اقوله مب فاهم لين انبطت جبده ورن جرس الحصة قام بيمشي قلت له روح وانا بجيب لك شنطتك اي صف تبيه قالي جبها غرفة المدرسين وتعال وراي وطبعاً لاني ادري حزتها بيكون زحمة مشيت وراه وعقب
ضيعته ورديت صفنا فتحت الشنطة لانه استاذنا الغبي قبلها بايام قال ( الامتحان جاهز واصعب من ماتتوقعوا وهيوا موجود بشنطتي ) يحسب بخوفنه بس انا طلعت اذكى منه طلعت الورقة و أشر على الاسئلة بالمذكرة وعقب خلصت بسرعة ورحت غرفة المدرسين اللي تحت وقفت جدام الباب الاستاذ استخف قام
يدورني حصلني قلت انا قاعد انطرك ساعة عند غرفة المدرسين لاني ضيعتك بالزحمة وانت قلت انك بتروح
غرفة المدرسين قالي ( انا قصدي اللي فوق ) قلت له ما اعرفها
المهم خذه الشنطة ومشى ثاني يوم الامتحان جا نفس الاسئلة وحليتها ونجحت والحمدلله مب لاني غشيت لاني شاطر ...
طبعاً بتتسائلين ليش طيحته عالارض ! عشان يوافق بكل سهولة اني اشيل الشنطة بداله لانه هو دب
ولما يطيح بالارض اكيد بيكون تعبان وطبعاً مللته من الاسئلة وشنطته ثقيلة اكيد بيوافق اني اشيلها بدالة .........

الموقف الثاني كان امتحان عربي باول ثنوي منتصف بعد استاذ العربي كـــان مايركـز باللوحة قمت بقت
طبشورة قبل حصة الامتحان وكتبت مسائل رياضيات بخـط كبير عقب ماخلصت كتبت بين المسائل بخط متوسط كـل القصايد المطلوبة وجمبها س و ص خطوط ...الخ....

اول مافتحت الامتحان عالقصايد على طول كوبي أند بست لما خلصت كتابة القصايد بكل براءة
استاذ شو ذي ! الاستاذ يرد عليي ( في أيه يا ابني مش قلت لكوا ماتتكلموش بالامتحان ) قلت له
استاذ القصايد مكتوبة باللوحة ركز يلتفت وينقلب وجهه أحمر ويرد قائلاً ( والله العظيم
حـدور على اللي كتب القصايد وحرسبوا ! )
عاد لين اليوم ماعرف من اللي كتب القصايـد ومازال البحث مستمر ...........

عندي سوالف حيلهم بينهم

طبعاً انا طول عمري التلميذ المحبوب لدى الاساتذة بسبب هدوئي وصمتي وعدم
ازعاج اي احد ومبادرتي الدائمة بمساعدة الاساتذة فكـانوا كلهم ياخذون ويعطون معاي بالكلام
في اول اعدادي وصلـني خبـر انه استاذ العربي يبي مختبر العلوم عشان يشرح فيه قواعــد
اول ماجات حصة العربي رحت قلت حق الاستاذ بيني وبينه صج استاذ تبي مختبر العلوم لانه !
يرد عليي ( لانه ايه يا ابني ! ) جان اقوله لانه سمعـــت استاذ العلوم يقول انك تحــسب
نفسك مدرس ذرة مش عربي وتفكر نفسك بتعدل اللغة العربية بالعالم وبتخلي الطلاب يحبونها لانك
بتدرسنا بالمختبر وتحسب نفسك قاعد تدرس في اوربا ! رد عليي قال ( واللهي هو قال كـده ! انا صحيح
طلــبت منه مرة وحدة بس خلاص مش عايز المختبر الصف احسن يبدو انه استاذ العلوم فاكر نفسه عالم )

على طول حصة العلوم اقول حق استاذ العلوم استاذ العربي يبي المختبر ليش ماتبي تعطيه جان يقولي ( انا اللي مابدي اعطيه لك عادي ماعندي مانع انا قلت لو يختار الوقت وانا ماعندي مانع بس عشان اجهز المختبر واخذ اغراضي ! )
قلت له انت قلت جذي لانه قال عنك انه انت ماتبي تساعده وشايف نفسك وتفكر انه مصير اللغة العربية
في العالم كله بيتوقف على مختبرك التعبان (هو قال هيك ) قلت له ايه ثاني يوم نظراً لانه المختبر جمب
صفنا الحصة الثانية نسمع صوت عالي الاستاذ اللي كان علينا طلع يشوف السالفة واحنا طلعنا وراه
الا اشوف استاذ العربي والعلوم يزاعقون على بعض مامرت ثواني الا استاذ العربي يتقدم بـــبكس + فنـجر
على عيون استاذ العلوم وتصير هوشة ويجون كل الاساتذة يفاججون بينهم وانا طبعاً اقول حق
طلاب صفي بكـل براءة ( عيب عليهم استاذ العربي والعلوم ليش يسوون جذي ) .....................

في ثاني ثنوي صارتلي قصة مع استاذ الانجليزي كنت اتطنز على لهجته وسمعني وعقبها وقفني طول
الحصة وكان وقتها يصحح درجات امتحان الانجليزي المنتصف وانا مخبص بالامتحان والاستاذ يقولي ( والله العظيم مالك ولا درجة نـشاط ورح سقطك عشان تعرف على مين تستهزء يا..... ويا ...... ويا ..... )

كانت الحصة الثانية انتظرت لين الفسحة وعقبها فكرت شسوي عشان اخليه يرضى عليي ولا يسحب
مني درجات النشاط قلت احسن شي اسويله جميل
رحت بالفسحة وعطيت الناطور بقشيش 10 ريالات و 4 سجــاير (الله يرحم ايام التدخين)
عشان يطلعني وعقب يدخلني طلعني بالفسحة رحت فشيت تاير من تواير سيارة استاذ الانجليزي
و رديت المدرسة عقـب ماخلص الدوام طلعت وتميت انطره جدام سيارته يبلفيت انطر ابوي يمرني
وابوي كان موجود بالباب اللي ورا المهم يحاول يشغل سيارته ويكتشف انها خربانه وكان حر ومتملل الا اروح
اقوله ممكن اساعدك وطبعا ً تعبت شوي لين مانفخت تاير سيارته وعقب رحت حق ابووي حصلت زفه
ماعقبها زفــه قالي تخلي ابوك ينطر ساعة بالحر قلت له شسوي هذا استاذي المفضل وكبير بالسن كسر
خاطري قلت لازم اساعده المهم صرخ عليي كم صرخه وحركنا البيت ثاني يوم استاذ الانجليزي
طايح فيني مدح قدام الطلاب وشوي ويكتب فيني شعر بعدين ناداني ورحتله مسك كتفي وقالي ( صحيح يا ابني اللي مابيعرفك مابثمنك والرجال بتبان بالمواقف )
..........................


هذا جزء امَ جزء السيارات بحاول اكتبه بعدين ترى والله تعبت من الكتابة عالكيبورد

ادري كانت فيني شوية نذالة
بس أ أكد لكم اني الحين ندمان على هالمواقف وصرت في حالي

حتى قبل كنت في حالي بس بخـبث يهال الحين من غير خبث كبرنا ..............

استأذن مؤقتاً ونشـوف نذالة اقصد مواقف باقي الاعضاء

^^^