اللاعب :سعد الشمري في إستضافة العنابي.كوم - الصفحة 4

العميل السري2 · 20-09-2007, 03:15:43 AM

هلا وغلا كابتن سعد نورتنا وانت بين اخوانك في عنابي الجميع

عــطــيــة · 20-09-2007, 03:29:04 AM

اقتباس:

المشاركة الأصلية كتبت بواسطة سعد سطام الشمري

السلام عليكم ...

اشكر اخوي المزوووحي على هالمقدمة

وان شاء الله اكون ضيف خفيف عليكم

ويشرفني اني اكون متواجد معاكم في العنابي

وتحياتي لكل اعضاء المنتدى

هلا
الشيخ

مرحبا فيك في منتدى االعنابي
وفي انتظار ردودك على الاسئلة ..

وشكرا

بوسنافي · 20-09-2007, 04:54:56 AM

هلا وغلا بسمي نورت المنتدى بوجودك

عندي لك كم سؤال ياليت اتجاوبهم بدون دبلوماسيه

1- ماهي صحه عدم مبالاه لعيبه المنتخب في كاس الخليج الاخيره في أبوظبي ؟ لان في كلام طلع ان بعض العيبه كانو يسهرون بعد كل مباراه وكانو يتصرفون كانهم في بطوله تنشيطيه !!!

2- بحكم انك عاصرت ادراتين مختلفتين للمنتخب ( احمد السليطي و الان فهد الكواري ) ايهم احسن بعتقادك وايهما فضلت ؟ وبرايك شنو ينقص الاداره الحاليه ؟

3- هل تؤمن بمقوله الثواب والعقاب ل لعيبه المنتخب خاصتا ان هالايام نسمع عن عدم مبالاه بعض الاعبين ؟

ويعطيك العافيه بوسطام

اخوك
بوسنافي

قـلـب مـجـروح · 20-09-2007, 09:52:13 AM

حبيت آلقي التحيه على الكابتن سعد ، وآقول حياك الله في المنتدى

بس مابي آطول على الكابتن سعد لأني آشوف الشباب مامقصرين كل واحد مجهز

لست كامله والله يعينه على أجابة الأسئله :

سؤالي يقول هل لحقت على المدرب الراحل الكابتن " جابر الدوله " الله يرحمه

غرفاوي وافتخر · 20-09-2007, 11:34:25 AM

هلا وغلا والله بكابتنا

نورت العنابي ,,,

عــطــيــة · 22-09-2007, 04:43:23 PM

وينك ..!!

الرابح الأكبر · 22-09-2007, 04:56:32 PM

ارحب بالكابتن سعد

سؤالي له شرايك في اسباير وهل بتخدم الرياضة ولا بس اسم وخساير فلوس ؟

المزوووحي · 22-09-2007, 06:39:35 PM

اقتباس:

المشاركة الأصلية كتبت بواسطة عــطــيــة

وينك ..!!

مباراه مع المنتخب + معسكر مع النادي + لعب مع النادي

سعد سطام الشمري · 25-09-2007, 01:18:40 AM

اقتباس:

المشاركة الأصلية كتبت بواسطة اباتشي

اولا اشكر اللاعب الخلوق سعد الشمري على قبلوله الاستضافه ..

واحب ان اتحمد له بالسلامه من الحادث

الله يسلمك اخوي ويشرفني اني اكون متواجد معاكم

وعندي سؤال بخصوص تجربته الي خاضها في اوروبا كيف كانت واشلون كانت استفادته منها ويتمنى تكرارها ؟؟

تجربة جدا مفيدة بصراحة واستفدت الكثير منها واتمنى لو انها تتكرر مستقبلا

السؤال الثاني ماحقيقه عروض الانديه هالموسم (العربي - السد ) وسر بقاءك فالغرافه ؟؟

عروض حقيقية بالفعل وهناك اكثر من 6 اندية محلية قدمت عروض وعرض السد شفهي فقط

وبقائي في الغرافة لانه بيتي الاول والاخير وهالشيء يسعدني اكيد

من خلال الجوله الاولى كيف ترى الدوري ؟؟ واي محترف شد انتباهك ؟؟ وتتوقع من يفوز بالدوري؟؟

جولة مليئة بالمفاجات ومابينت معالم الدوري الى الان والتوقع بدري جدا من الجولة الاولى ومحترفنا البرازيلي هو اللي شد انتباهي

بس هاي اسئله سريعه وبسيطه واترك الفرصه لباقي الاعضاء

واشكر المزوحي ع الاستضافه ..

ياهلا فيك وان شاء الله اني وفقت في الاجابة

سعد سطام الشمري · 25-09-2007, 01:21:37 AM

اقتباس:

المشاركة الأصلية كتبت بواسطة بنت الغرافه

مشكوور اخوي المزوحي ع هـالاستضافه الحلووه ..

وعندي سؤالين لـ سعد ..

1. اشرايك بمحترفين الغرافه هالموسم ..؟؟

محترفين على مستوى عالي واختيارهم كان صائب وان شاء الله يتوفقون مع الفريق

هل تتوقع الغرافه بينافس ع الدوري هالسنه ..؟؟

ان شاء الله وهذا مانأمله ونطمح له وعيني على الدرع

ويعطيك الف العااافيه ..

الله يعافيج وياهلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::