كيف ترى الدنيا بلا مال ؟

اليوم موضوعنا موضوع جيمل فكرت فيه كثيراً
الاخ يقتل اخوه من اجل المال والجندي يبيع وطنه من اجل المال
والمرئ يبيع نفسه من اجل المال
يا تـرى لـو الحياة من غير مـال
كيـف تتصـــور حيـاتـنـــا ؟؟؟
افـــضــل ؟
اســـــــــوء ؟

هلااا وغلااا

اختي

بصراحه كل شيء في هالزمان صار بالمال

ومااتوقع حد يقدر يمشي ولو خطوة وهو فاضي الجيب

طبعا مانقدر انقارن انفسنا بايام الصحابه اللي كل واحد يبيع كل ماعنده من اجل الزكاة والصدقه

الحين الواحد همه يجمع المال

وانا من ناحيتي اشوفه من الضرورات لكن ليس بالشيء الكبير

اللي الواحد يضايق عمره اذا ماكاان عنده ويشوف غيره عنده

بس كلمة الحمدالله على كل حال هي الافضل لنا

ولايمدحون خيمه وضوى وكرك وخبز وجبن كل هاي بــ10 ريال

ويعطيج العافية على الموضوع اختي

تحيتي لك

ولايمدحون خيمه وضوى وكرك وخبز وجبن كل هاي بــ10 ريال

الحمادي اولن سلمت ودمت وشكرا على مرورك وتعليقك

والشيخ عمر الانسان مايقاس بماله وشرواك تسوى كثير

عندي بس شلون يمكن بكلمه طيبه اثرت بها عن نفسي

تقاس بمال قارون وما ينفع الانسان وماله اذا كانت الاخلاق

خربت هل هذا هو الرصيد الذي نذكره به عندمااا يرحل

الله يذكر فلان بماله وحقيقه اعترف بهاا اعرف ناس لا يملكون

المال الكثير ولكنهم يسحرون الناس بقليلهم ولاهنت للمليون الحمادي

هلا وغلا اختي

اذا الحياة صارت بالمال اشلون نقدر نعيش بدونه؟

طبعا بيكون حالنا اسوء اشلون نقدر نمشي حتى مكافاتنا للحياه بعد بالمال

كل حاجه بالمال تبي تكسب اي شي بالمال

تكسب رفيج بالهزمن هم صار بالمال

طبعا في هالمستوى المعيشي الواحد يتصور نفسه بدون فلوس لالا يكون ضايع ويحس انه وماله قيمه

وتسلمين ع الموضوع

تحيتي لج

وادعيني اللهمه لا تجعل الدنيا اكبر همنا ولا مبلغ علمنااا ولا الى النار مصيرنااا

سلمتي اختي وماقلتيه صحيح في زمنا هذا الي كل شي يشرا بالفلوس حتى الضمائر

اختي الفاضلة هي المسأله مش المال هو السبب بالمشاكل اللي نشوفه واللي يحطونه السبب الرئيسي

البعد عن الله وعدم الرضا لما قسمه الله للانسان هي مسببات مايحصل ، يعطيج العافية ومشالله عليج مشاركاتج بأقل من الاسبوع أوصلت فوق المية ، ان شاء الله نشوفج كل بهل النشاط

بن جاسم سلمت على المرور والتعليق وبخصوص مشاركاتي الاهم اني ماضيقت عليكم بها

ولو جا مني قصور السموحه

السلام عليكم ورحمه الله وبركاته

اختنا الكريمة

يعطيج العافيه على الموضوع والاختيار الموفقه له

المال بالعكس كلنا نحتاجه وهو من ضروريات الحياة ونعمه من نعم الله علينا

الواجب علينا استخدامه في ما يرضيه وما احله لنا

فالمال ممكن نكفر سيئاتنا ونشفي مرضانا بالصدقه منه ونساعد المحتاجين وامور لا حصر لها

طبعا غير ان البعض الله يهديهم يستخدمونه في ما حرم الله

هناك ناس تظلم بالمال وتاكل حقوق غيرهم لدرجة انه ممكن الاخ يأكل حق اخوه اللي هو محتاج للمال

اكثر منه والصديق ممكن يأخذ حق صديقه سواء في تجارة او غيره وحتى في بعض الاحيان ما يكون

بحاجه له فكل واحد يعمل بأصله وعلى ماتربى عليه

في النهاية نقدر نقول المال ممكن يكون نعمة او نقمة على حسب الانسان وكيف يتصرف به

ماقصرتي وعساج على القوة

اخوي الوعب سلمت ودمت على المرور الطيب ولاهنت الشيخ